原來你一直在我身邊: （33）

回到學校，皓怡Jason雙手緊扣，Jason送到皓怡到課室並錫了她的額頭然後離開了。這一幕竟剛巧被遙遠的William攝在眼中，原本拖著麗琪的手卻情不自禁地鬆開了。

麗琪感到奇怪並問William什麼事，William只是呆呆的說沒什麼，然後繼續回到課室。William和麗琪回到課室，只見不少女同學圍住皓怡，詢問她那個男孩是否她的新男友。表露尷尬的皓怡笑著地承認。

麗琪：『喂！皓怡有男朋友了喎！唔知係咪上次我地見到果個呢』

William心不在焉，他沒有理會麗琪的說話，心只想即刻問過究竟。他心知自己無法向皓怡質問，所以下課後他相約阿浩在學校附近茶餐廳見面。

阿浩一來到茶餐廳就知道William約他的目的，他唯有把他所知的告訴William。聽後William不忿氣，他總覺得那個Jason不會對皓怡好，這卻得到阿浩的責怪。





阿浩：『當初係你因為麗琪而飛咗皓怡，依家有人對佢好，你憑咩話人？』

William沒有出半點聲，因為他仍覺得那個Jason和皓怡根本不相襯。

阿浩：『你唔好唔記得你依家嘅身份係麗琪嘅男朋友，唔該你唔好再理皓怡嘅事，顧掂你自己先啦！』

William：『你咁講咩意思？』

阿浩：『以我嘅觀察，麗琪係一個無腳嘅雀仔，你要做d咩根本制止唔到佢。如果你真係鍾意佢嘅話就睇實佢，我唔想再喺朋友當中聽到喺街見到佢同另一個男仔一齊仲要繞著手！』





這件事當然令William感到驚訝，但卻不驚訝得過皓怡有男朋友這個事實.....心裡仍然不忿當中。

阿浩：『你唔介意？』

William：『.........』

阿浩：『為咗新鮮感而拋棄皓怡，到頭來自己後悔，依啲野係你自己攞嚟』

William：『麗琪...已經唔係我當初識嘅麗琪，佢根本唔係鐘意模型車，我同佢都唔夾，從來只有我就佢，tum佢，依啲唔係我想要』





阿浩：『要講要鬧我都做晒，只能夠話對你好同埋一直係你身邊果個你唔好好珍惜，你有咁嘅下場係你嘅報應！依啲真係兄弟都無情講！』

William：『........』

阿浩：『既然皓怡依家有人錫，我唔該你唔好再諗佢了。move on啦』

由於阿浩即將有課堂要上，他離開後只剩下William一人獨自喝茶。William內疚的心再次泛起，同時憎恨自己當初為何要如此對待皓怡。