「help me」
 
我望住Miss Cheung既訊息,久久都唔知點做好,最後我決定打電話俾佢,但佢cut左我線,我唯有係whatsapp覆返佢。
 
「發生咩事?」
 
「我係百佳酒店605號房, 快d黎救我」Miss Cheung回覆。
 
我送左小貞返屋企,然後call我老母過黎湊小貞,等到老母過黎,我即刻截的士狗衝去百佳酒店。
 


上到605號房,我企左係門口猶豫左一陣,因為我唔知到底發生乜事,無理由就咁戇鳩鳩咁衝入去架嘛,所以最後我決定扮敲錯門。
 
「叩叩叩……」我敲門。
 
「乜事呀?」房內傳黎一把好粗獷低沈既男人聲。
 
「叩叩叩……」我無應佢,繼續敲門。
 
「乜事呀屌?」個男人終究頂唔順開左門。
 


「呀囉呢,哇他絲哇練空人嗲!」我扮日本人同佢講野。
 
個男人一頭霧水咁,我就借啲意走左入去間房到,Miss Cheung一見到我,就即刻眼紅紅咁衝過黎攬住我,佢淨係著住件白色浴袍,白滑既肌膚表露無遺。
 
個男人見形勢唔對路,就大聲咁鬧我:「你條仆街係到做乜?」
 
「你知唔知你搞緊未成年少女?」我靈機一觸,威嚇個男人。
 
「屌!頭先又係到扮日本人!佢有乜理由係未成年呀?佢話佢夠十八歲架!」男人指住Miss Cheung大聲喝。
 


「人講你又信?到時你俾人拉返差館,告你衰十一就喊都無謂啦!」我繼續威嚇佢。
 
個男人似乎都驚左驚,縮一縮沙,一邊著返件衫,一邊鬧我:「屌你老母正仆街!咩興都掃哂!」然後就走左。
 
我走過去關返個房門,Miss Cheung就係後面攬住左我,佢微小而又柔軟既胸部頂住左我個背脊,搞到我扯左。
 
「好多謝你……」Miss Cheung用把好溫柔既聲線講。
 
我鬆開佢對手,擰轉頭對住佢講:「多謝我乜?」
 
「多謝你救左我……」Miss Cheung講完之後,就伏係我個身到喊,我唯有攬返住佢,掃下佢背脊安撫佢。
 
佢喊左一陣,開始冷靜返啲,我就叫佢著返件衫,唔好冷親。
 
「你真係好好。」Miss Cheung笑笑,露出虎牙。


 
然後我地坐左係床到,我問佢:「到底發生咩事?」
 
「我諗你應該都估到我係做援交……」Miss Cheung緩緩地講。
 
我點點頭,再話:「嗰日係農莊見到既,係你既客人,另外嗰日你係藥房買既,係事後丸?」
 
Miss Cheung點點頭回答:「想唔想聽我既故事?」
 
我點點頭回應。
 
「我中學既時候係個mk妹,不學無術,為左搵快錢,我跟左啲朋友去做援交,嗰陣時真係好好搵,做一做就賺好多,但係就愈做愈攰、愈做愈殘……」佢垂低頭,背影散發住一種好空虛既感覺,然後繼續講:「直到有一日,我有左。」
 
佢頓一頓,再講:「我唔敢同我男朋友講,係,我當時係有男朋友,不過都係啲mk仔黎,佢唔知我做援交,更加唔好講我會夠膽同佢講我有左呢件事。」Miss Cheung咬一咬嘴唇,續道:「係,你可以話我可以選擇呃佢,呃佢個細路係佢既,但我做唔到,可能我真係好愛佢啦,要佢養便宜仔,我做唔到,所以我當時做左一個好錯既決定。」
 


「咩決定?」我問。
 
「落左個仔……」Miss Cheung緊握自己條連身裙,然後靜靜咁哽咽。
 
我已經唔知俾咩反應好,淨係覺得個細路好可憐。
 
「我一個人上左大陸落仔,佢地啲設備好簡漏,但係我無得揀,我一定要落左佢,我都唔知點解當時自己可以咁大膽、咁狠心。佢地啲麻醉藥唔夠,係搞我個BB時我都感受到痛楚,甚至聽到佢地用野夾爛個BB啲聲……」
 
講到呢到,Miss Cheung望一望我,好似怕我會接受唔到咁,我扮做鎮定,其實我內心慌得很。
 
佢見我無乜反應,就繼續講:「搞完之後,我身體變得好虛弱,我一個人坐車返黎香港,沿途開始係到諗,我到底係到做緊乜野,我啱啱竟然殺左自己個細路,係親手殺死左自己既骨肉……」講到呢到,佢又開始哽咽,「我開始後悔,然後,我接觸到位社工。佢帶我重新返去學校,我無再做援交,專心讀書,最後做左幼稚園老師,希望可以補償我當年所犯既過錯。」
 
「但點解而家又……?」我問。
 
「早嗰排,我同我男朋友分左手,佢之前屋企有事,我借左好多錢俾佢,但係都一去無回頭,到同佢分左手,我仲要還我自己條數,所以我諗,最方便、最快捷既方法,就係做援交。」


 
我望到,Miss Cheung既眼神好似有一絲絲既恨意。
 
佢繼續講:「但係而家出黎做真係好難,唔係話我老左,而係啲人唔同哂。以前啲人真係好簡單咁陪你食飯、行下街,然後上床,而家佢地好多要求,對上嗰次,我之所以要食事後丸,係因為個男人明明戴緊套,但臨射嗰陣時佢竟然除左個套……」
 
「咁今日你叫我救你既意思係……?」
 
「今日,我去沖涼時,我見到個男人個背囊到有好多sm工具,有手扣、有鎖鏈……我好驚,我真係好驚,我諗唔到方法走,所以靜靜雞係廁所whatsapp你……」然後佢定眼望住我,「好彩你黎左……」講完之後又伏左係我個身到喊。
 
我已經唔知俾咩反應佢,唯有一邊由得佢喊,一邊安慰佢話:「以後唔好再做啦……」
 
喊下喊下,佢就係我個膊頭到哼起首歌:
「開心從來未想我
孤單了才願找我
如舊抱著我


如舊熱切地親我
像是情人 偏不愛我
 
開心完全是因你
傷心了還是因你
從沒有伴侶
從來沒法認識你心
想放棄 卻已沒處飛
 
仍繼續繼續再親 動人動情動心
你傷我都要這麼震撼
我願你是女人 戀愛不發生
不必求你再熱烈抱緊
 
繼續繼續再等 沒停沒完沒因
等每一次你的過份
我恨我是女人 熱情難自禁
偷泣仍要這樣共你親吻」
 
https://youtu.be/s_pD2mF3RCs
 
唱唱下,佢就係我懷中訓著左,我輕輕咁將佢放落床,幫佢冚左張被,我轉身準備走既時候,佢醒左,捉住我隻手講:「陪我訓陣先……」
 
見佢喊到眼都腫哂,一幅咁脆弱既樣,我實在係唔忍心,所以我坐左係床邊陪住佢,不經不覺,我自己都訓著左。
已有 0 人追稿