浮事的，一個的士佬既故事。: 第一章 危險，經己在前面

鏡頭一轉，呀風正在輕輕地撫摸著這架紅色RX8的車身，並喃喃自語地道　“你睇你，人又紅色你又紅

色，我架的士就日日都識幫我搵錢，你呢Ｄ衰跑車就日日淨係識燒錢。轉子引擎下話，食偈油下話。

拿，我今晚就比個機會你去第一次搵下錢，你只要快過隔離果架同你一模一樣果架車，你就搵到好多錢架

啦，叻過好多的士架啦，我渣左咁多年的士都未見過有一架可以一晚做到幾萬蚊生意，所以……”

大家對呀風呢種精神病式既自言自語見怪不怪，自從呀風做左史哥車手之後，已經差不多半年，每個星期





六他在比賽前都會在車前做這些動作。

“嗯，他是在和車輛溝通，不愧是風哥。”一名自認為自己駕駛技術只在呀風之下的觀眾是這樣理解呀風的

動作。

“嘩，佢好Cute呀，同部車傾計喎，好可愛丫～” 在場的MK女仕是這樣評價呀風的動作。

然而真相其實是呀風每日都要自己駕著的士東佂西討，早已習慣當車輛是人這樣來看待。而自言自語更是





他每天在沒有接客時必須要做的動作，不然在漫無目的地等待客人上車的路途上，他很容易就會睡著，真

是可憐的的士司機。

“拿，準備，3，2，1，GO !”　在一名隨機抽取的觀眾發出訊號後，兩聲帶著轉子引擎獨有的尖銳咆哮聲

發出。順帶一提，由於呀風的士司機的身份，加上他處女出道戰時神一般的起步，實在不難令人聯想到那

支紅綠燈實是呀風的好朋友。故此從那一戰開始，每星期六的比賽都改由人手發出起步訊號，呀風和史哥





也為此而傷心了數十分鐘。

“轟”的一聲，兩車起步，呀風慢了半分，然而大家也見怪不怪。反正自從取消了紅綠燈起步後，呀風每次

起步都從未試過比對手快。然而奇怪的是，呀風的對手在起步後竟沒有一直順走，而是把車強行切到呀風

前面。

“重DUP？”呀風一邊輕描淡寫地自語，一邊踏下剎車腳踏。在避過此次攻擊後，前車已把呀風拋離約兩個

車位。　

“喂，一早同你講左呢個傻佬茅到飛天架啦，頭先都話佢起完步例牌重DUP一野兇人，你頭先果下做咩唔

抽頭過佢呀？” 呀風耳中的藍牙耳機傳來史哥的責罵聲。　





“吓，你頭先有講過咩？我聽唔到既？講多少少條友D野黎聽下啦。” 呀風回應道。　

“頭先我講晒架啦，唔該你唔好次次都掛住同架車吹水唔理我啦。呢條友叫咩名就無人記得，但個個都叫

佢殺人王，出晒名茅。同親佢跑次次都無人返到終點，一係佢隊炒你，一係佢隊你唔中佢自炒。所以次次

同佢跑個賭注都特別大，因為架車多數都會Total lost架啦。” 　

“吓？今次賭好大架？”呀風問

“八十萬銀呀風哥!!!!!!!”史哥叫道 “開車前講左你知架啦!!!!”

“哦，得啦。”呀風態度依舊