浮事的，一個的士佬既故事。: 第二章 意料之外的關節技

翌日，呀風如常開工。他已不窮，只是不開工無所事事不知為何，故依然堅持只在星期五休息一天，其餘

日子皆照常開工。今天是星期日。

”pk167，兩技旗任你揀：油塘去牛頭角，或者荃灣去機場。應該唔洗諗啦下話？”台姐有神沒氣地報”

柯打”。在這半年期間整個的士call台甚至整個的士界都早已習慣了這種指名呀風的”柯打”了。

”油塘？關節技？”風心想。





”我要油塘支旗丫唔該”風回報的士台

”pk167，你接油塘支旗呀？”台姐精神抖擻地確定一下。

”吓？””吓？””吓？””吓？””吓？””吓？”

差不多全港有加入電台的的士司機都”吓”了一聲。

”呃......係丫，我一陣要去牛頭角買野，順一順路。”風語無論次地回答。





”我呃咩野呢，同埋咩野叫做順一順路呢？”風心想。

油塘，關芝琪正站在上次和呀風道別的巴士站旁，身邊帶著一件行李。

”關節技小姐，點解咁短途都要call小弟黎車你呢？”風下車，走向芝琪問。

”呃......其實我要去何文田架，但頭先我講錯左話去牛頭角。”芝琪吐吐舌頭道：”唔好講咁多住啦，幫

我搬左架波車入尾箱先啦。”





”波車？咩黎......嘩，好重呀，咩黎架？”風問。

”呃......保齡球黎架，我要去何文田保齡球場打比賽呀。”

”打比賽？好勁架你？”風問道。

”呃......係丫。除非係我唔集中精神，自己失準。如果唔係，香港應該無女仔贏到我既。”

”咁勁！？我一陣可唔可以去睇下呀？”風問。

”呃......可以，但唔好企咁埋。”芝琪答道。

”點解既？”風不解地問

”因為你企太埋會令我分心失準。”芝琪別開頭道。





一陣沉默......

在車子快要到達目的地時，呀風才能把話題接上：”你頭先又無”呃”啦”