浮事的，一個的士佬既故事。: 第四章 黑與白的簡介 (於8月4日補完「紅字」)

“我唔會，我唔會嫌棄你。”風堅定地說道，緊抱著恩雅。

風作出了回應，一個讓他自己可以被英雄感和慾望充斥全身的回應。


翌日，風六時半起床，望著床邊的恩雅道：”你慢慢訓啦，記得差唔多就要起身返工啦，我去開工先啦。”

“過黎，過黎。”恩雅懶洋洋地說，然後一手環抱著風的脖子，給他一個吻。”嗯，好啦，一陣再電聯啦。”







就這樣，呀風過著了讓他精神分裂的日子，讓自己周旋在天使和魔鬼之間，無法自拔。

他一邊感受著芝琪的開朗和樂觀，同時亦一邊接受著恩雅黑暗的引誘。

芝琪和呀風相約到圖書館處。

芝琪說：＂風，你知唔知呢，我第一個暗戀對像就係做圖書管理員架啦。＂

風回應道：＂哦……你又話你未拍過拖，原來扮晒野既。＂

芝琪輕力擊打呀風的背，說：＂食屎啦你，都話暗戀呀，知唔知咩叫暗戀呀？」

＂咁你精神上都唔係第一個鐘意我啦。＂風拉長咀巴說。

＂你呢？你又好純情咩呀車神風先生？」芝琪問道。

風突然一面認真地說：＂唔係，我完全唔純情。我同過好多女人拍拖，甚至發生關係。但你知道嘛，你係我既初戀。＂

＂呃……你都幾厚面皮架喎。＂芝琪說。

風仍舊認真地說：＂咁……如果初戀既定義係「第一次愛上一個人」，咁你確實係我既初戀黎架。＂

＂不過如果照呢個定義，我就唔係你既初戀啦。＂風突然大笑道。

芝琪一面愁容地說：＂咁……咁你都講得啱既。唉，早知唔好對你咁坦白啦。＂

風的心臟猛地抽搐了一下。一番打情罵悄的說話提醒了風，他沒有資格面對芝琪。

二人離開圖書館，天色已漸暗。

＂琪，我車你返屋企好嘛？＂風問道

＂吓，你有揸車黎咩？你今日明明唔洗開工架。＂芝琪說

＂我今日揸左自己架私家車黎。我泊左係隔離個停車場渣嘛。＂風說

＂呃……我都好有興趣睇下車神架私家車係咩黎喎。＂芝琪剎有介事地說道
 
二人慢行，至停車場處。
 
＂嘩，好靚喎你架車。好貴架？＂芝琪不懂車，但她第一眼就認為風的車很是漂亮。
 
＂呢架車叫EK4大TEC。係HONDA CIVIC既一款算係舊式既車。唔算貴，三四萬就有一部二手。＂風說
 
＂係咩？哈哈，我唔識車架。不過估唔到你會揸架咁普通既車喎。你鐘意架車Ｄ咩？＂芝琪問
 
風望著芝琪，望了很久，然後才回答道：＂同我鐘意你一樣囉，感覺。＂
＂啐，扮晒野。＂芝琪很甜很甜地笑道。
 

二人上車

芝琪坐在乘客席。浦上車便把安全帶扣好，然後緊抓著坐位邊的扶手。
 
不過車子並沒有如芝琪所想一樣高速地行駛，反而是用一種不快也不慢，很舒服，也很平穩的速度前行著。不管路上的ALTEZZA，AUDI TT，對風作出各種挑釁，他都不為所動。
 
他早就把全副心神，放了在芝琪身上。
 
然後，到達。
 
＂風……我以為你頭先會飛車添。＂芝琪說

＂你嫌我揸得太慢？係咪令你失望呀？”風問

“唔係唔係唔係，我只係以為…..”芝琪突然在腦中找不到適當的詞彙

“我明我明。首先第一，我唔捨得咁快送到你返屋企。＂風笑說，芝琪也甜蜜地笑了起來。
 
＂第二，我唔會將我愛既女人放置於一個危險既情況之中。＂風說

＂你對你自己無信心？＂芝琪問

＂我係對路上面其他車無信心。＂風說
 
＂第三……”風突然低頭，情緒有點兒郁悶的說：＂我地生命中不能控制既事已經太多啦。我鐘意揸車，就係鐘意可以徹底咁控制住架車。如果因為我比人印象係揸車好勁而令我次次揸車都要揸到飛咁快，我情願以後坐巴士。＂
 
＂明白。多謝你呀小風風。＂芝琪一邊說，一邊把嘴唇輕輕地印在風的左邊面龐上＂我走啦＂芝琪下車。
 
風想下車，想抱住她，想向她說他有多愛她，但風的身體卻讓他默默地向芝琪揮手道別。
 

待他確定芝琪已安全地上樓去了，他才狠狠地踏下油門，讓剛才那架溫文儒雅的純白色EK4，化身成為夜的惡魔；讓它的咆哮聲，代替自已發洩鬱悶的情緒。
 


和芝琪一起，他們會去做運動，當義工，但他們從不幹越軌的事。風明白這是芝琪的初戀，故此亦不責

怪和強迫芝琪。他們二人亦很享受這種純愛的感覺。

相反，風得知恩琪在多方面都受過了很多傷害。她從少就失去了父親，故此她一直渴望得到男性的關

愛，可惜卻遇人不淑，令她一直受盡親人和朋友的冷眼對待。所有人都誤會著她是一個放盪的女人。殊

不知風其實只是他的第二個男人。風不敢，也不想知道這是否一個謊話，因為他不想再去刺激這個已受

盡傷害的女人。他們約會只會在街上漫無目的地逛著，看一下戲，吃一下飯，然後就回家發洩過剩的精力。