透明人間: 尋根(三)

尋根(三)

泰國白龍寺地下密室內

一男一女正在對話，

[我知你唔係佢！講……你究竟係邊個？]

[寶貝……你講咩呀？乜野我唔係佢呀？]





[你唔使再扮野！嗰晚嘅事我已經全部睇到晒……嗰隻……咁恐怖嘅怪物究竟係乜嚟？仲有……陳輝揚嗰晚係咪係度？佢呢家去咗邊？講呀！！]

[哦？乜你已經睇度晒？我明啦……係因為你有咗陳家骨肉……呢點我都明！唔……之但係你嗰日真係感覺唔到陳輝揚咩？？]

[你……你點解你會知道我有左BB？呢家係我問你究竟係邊個呀？俾返輝揚我呀……]

[好好好……你冷靜D先！既然你都知道嗰晚嘅事……我都無謂對你有所隱瞞！我可以全部講俾你知！不過我要你答應我兩個條件……]

[咩話？兩個條件？你講嚟聽吓先……我應唔應成係另一件事！]





[做Madam果然唔同D！夠晒霸氣……好！其實好簡單，第一件事……我要你同我保守秘密！我以下同你講嘅事，你絕對唔可以同其他人提起！]

[唔……呢點冇問題！我可以應成你……咁第二件事呢？]

[呵……仲簡單！我要你會合陳輝揚……因為呢件事你佔左一個好重要嘅位置……仲有！我已經揾到一個人幫你手……我相信你對佢都好熟識！CK佢已經帶左佢嚟……你拎轉身睇吓就知……]

此時，黄美玲驚訝此人原來就是輝揚的好兄弟黃國賓……

肥賓熱情地說:





[Madam……好耐無見！近排你幾好嘛？]

另一邊廂……

醫院停屍間的走廊上

輝揚終於冷靜下來，他慢慢地細心觀察自己得來不易的身體，從地上拾回保安工作證，現在他的身份是張國強醫院保安……

突然，電話鈴聲響起，隔了一會，輝揚這才會意是他張國強的電話，來電的原來是他的太太……

只聽她着急地說:

[亞強，今次大件事啦……亞仔佢發高燒，有成四十度！我地呢家排緊隊睇緊急症……你守邊層呀？可唔可以抽時間嚟睇下個仔呀！佢係咁叫住爸爸呀！嗚嗚……]

這時輝揚冷靜回應:





[老婆，你唔洗咁擔心，小朋友發燒一定會架啦，有藥食同有醫生睇住就冇問題！放心……我呢家即刻上嚟睇個仔！]

正當他乘搭升降機的同時，輝揚嘗試運用他的能力，果然片刻間完全知道張國強生前生活的一點一滴……

[小柔，亞仔見點呀？]

[老公……你終於嚟左啦？我估你行唔開添！仔，爸爸嚟左睇你呀……]

輝揚這時見到一個大約三至四歲，兩邊臉頰紅得像蘋果的小朋友楚楚可憐地說:

[爸爸……爸爸……我唔舒服呀！]

[傻豬仔，唔使驚！有爸爸係度，晋仔你一定冇事㗎……]





看完醫生，晉仔並無大礙……輝揚向醫院告了半天假，安頓一切後，他們一家三口回到家已經凌晨四時半……

[老婆，亞仔啱啱食完藥訓左，頭先我再同佢探，呢家開始退燒啦……今日辛苦你啦！你都好攰架啦……你去訓先啦！今晚就等我睇住個仔…………]

[老公，點解我覺得你完全唔同晒嘅，你究竟係唔係我老公？]