透明人間: 回程

第十一節 回程

馬龍大聲恥笑有如鬥敗公雞的輝揚：「我有冇聽錯？你憑咩同我講條件？」輝揚：「唔會阻你太多時間！五分鐘！你俾五分鐘我單獨同你講！如果五分鐘後我講嘅野你唔啱聽嘅話，要砍要殺，悉隨尊便！」「好！我就即本睇下你有咩要講！如果有一句我唔滿意嘅話，我今次要嘅係你一隻腳！」
只見輝揚和馬龍走進另一間房間，而肥賓和達叔則滿臉疑惑擔心不已……三，四分鐘過後，馬龍第一句就話：「揚仔，以後就靠哂你啦！我馬龍講嗰，有我一日係度，你都唔使驚再有人恰你！遲D有咩事我再Call你！依家你地都好攰架啦！亞二，亞三！同我送揚仔佢地番酒店休息下先！之後幫揚仔佢地買埋今晚船飛恭送佢地番香港！記住買頭等！至於嗰袋錢就俾番佢地！兩條女嗰十萬我私人俾番你地先……亞一！你就陪我過去石虎嗰度！我諗子俊同條仆街都傾得七七八八！好，攪掂！就咁話啦…」
在場的每一個人滿肚子都是疑問？就只有輝揚和馬龍才知道發生甚麼事！但礙於馬龍的威勢，大家都忍口沒有發問……
輝揚一行人到達酒店房間內，這時肥賓已經忍不住開口：「揚，究竟發生咩事？點解馬龍會咁好死放過我地？你同佢究竟講左D乜？」輝揚抱歉說：「對唔住！肥賓我唔可以話俾知，依個係我同馬龍嘅協議！我絕對唔可以講出來！如果唔係我地所有人都會有危險！ 」肥賓很不滿輝揚的答覆，但亦無可奈何！這時他將不滿的情緒轉頭發洩在達叔身上：「一日最衰都係你！仲乜撚野向馬龍條仆街借貴利！好借唔借！攪到我地條命仔差D都無埋！你講……你快D講呀！」達叔臉上充滿歉疚：「對唔住！各位對唔住！我都唔知會攪成咁架！我當初過澳門賭只係想幫明仔揍多D學費！明仔好快上中學啦，但係我唔想佢係香港到讀！想佢出國留學……以前公一份婆一份仲可以勉強供到！但自從冰心（達叔老婆）走左之後……我依兩年真係過得好辛苦！如果唔係有明仔係度，我一定會陪我老婆！你地知唔知我又幾咁愛冰心……冰心！」達叔傷心欲絕坐在地下的一角，在旁的明仔涙流滿面擁抱著他！此情此境確是令人聞者心酸！肥賓心有歉意：「達叔，依家仲算雨過天晴，你都唔好咁傷心啦！」輝揚：「達叔，一路以來，我都係當你係我老豆咁！我地兩仔爺可以話無所不談！但自從師母過左身之後……我從未見過你笑過！我知道依兩年嚟你都好辛苦，每次上到你屋企食飯，都見到你望住你同師母一家三口合照嗰幅相偷偷咁喊……不過我只係想話你知！師母最想見到嘅係你堅強咁生活落去！你同明仔都係師母最重要嘅人……所以你就要更加自強不息，將來係天堂再見番師母，佢一定會好高興同欣慰！」
達叔：「我明白架啦！揚仔，國賓……由今日起！我會重新做人！依兩年我真係哂左好多時間，我真係好儍！好彩有你地不離不棄咁支持著我！」明仔：「亞爸……你放心！我以後一定會好好讀書！將來大個會賺好多錢照顧你！」眾人聽了都大聲地笑著……
這次澳門驚心動魄之旅已經靜悄悄地落幕了！輝揚他們是時候回到香港了……