透明人間: 喪男

第十三節 喪男

來電的是達叔：「喂！揚仔，點呀？係差館攪掂晒D手續未？攪掂不如上嚟我屋企食飯？明仔話好掛住你喎！」輝揚：「我啱啱先走咋，你真係打得嚟合時！我半個鐘倒就上到嚟架啦！」
到達達叔家裡樓下附近，時間尚早，輝揚於是到平常達叔常常光顧的榮記燒臘店買他最喜愛的燒肉，突然在人群前面不遠處，居然看到女神亞May的倩影，心想：「有冇咁Q呀？真係咁有緣？」只見她行色匆匆走進一條往公園的路徑 ，同行的還有一個青年男子，輝揚決定跟蹤看過究竟！這時他倆已進入公園範圍，輝揚快步追上，連準備給達叔加餸的燒肉也不小心跌在地上……
好不容易追上他們，只見他們來到公園的暗角處，這裡果然別有洞天！絕對是一對情侶幽會的好勝地！輝揚心酸地想：「自己的女神同第二個男人係咁嘅地方約會！情到濃時真係乜野都攪得出！唔通一陣睇住佢地係度攪野，自己就忍唔住除底條褲打飛機咩？」正當輝楊想離開時，他看到亞May和那個男人好像發生糾纏，「亞May！係我唔啱，係我抵死，我究竟做錯之乜？你要同我分手？」「我不嬲都係咁愛你！係咪我做錯D乜？你講出嚟啦！我可以改架！你唔可以同我分手架！」那男神情好像有點不正常，行為舉止愈來愈古怪！
「John,你冷靜D先！你無做錯任何野！唔啱嗰個係我先啱！你聽我講，我地永遠都係好朋友嚟！」「好朋友？乜野好朋友？乜我地嘅關係就係好朋友咁簡單？講！你究竟係唔係鐘意左第二個？」「冇呀！真係冇呀！」「哦！唔怪之得依輪次次打電話都揾唔到你！好彩我今日跟著你！如果唔係一定同嗰個男人一齊風流快活！冇錯！一定係！」「唔係！冇D咁嘅事呀！John 你冷靜D先！」「冷靜？你個水性陽花，淫娃簜婦！原來一路以來都係欺騙我嘅感情！我係全心全意咁愛你！點解你咁對我？點解呀？」不知甚麼時候，這個叫亞John的右手居然多了一把鋒利的小刀！說時遲，那時快！輝揚見勢色不對，從公園找到一條木條 ，打算從後快速偷襲這個神經漢！滿意為得手之際，輝揚的電話突然響起……（原來是達叔！）
電話的鈴聲令神經John很快發現輝揚的存在，他左手擋隔輝揚全力的一擊，電光火石間，另一右手拿著鋒利的小刀往輝揚的腹部狠狠的一刺……輝揚根本無從閃避！太快了！原來當一個人情緒失控時，那種爆炸力是這樣強大的！神經John將插入輝揚的利刀抽出……亞May看到這觸目驚心的一幕已經尖叫出來「呀‼ ……揚哥！你有冇事呀！」血流如注的輝揚按著傷口無力地回應一句：「May！你快D走！我冇事……」輝揚這時已經倒在地上，神經John似乎很滿意自己的表現，回頭對滿臉驚慌的亞May說：「奸夫已經俾我殺左啦！亞May！你永遠只屬於我一個！哈哈……」