透明人間: 所謂女神

第十六節 所謂女神

如此良辰美景，換來卻是一場春夢！自Madam走後，原本輝揚打算去找女神，奈何實在太疲倦，因而最終敵不過睡魔！到一覺醒來，下半身早已一片濕透！先知和女神的纏綿只不過緣於自己的性幻想‼不禁大失所望……
一番整理後，輝揚決定去找女神，當他打開門的時候，發覺亞May居然出現在自己面前！他不禁大嚇一跳‼「女神……唔係！亞May！你過嚟揾我？冇事嘛？」「揚哥，我冇乜嘢了！只不過頭仲有D痛姐！係呀……我好多謝你嗰日咁搏命咁救我！我都唔知亞John佢發左咩野神經！總知多謝哂你！仲有……嗰晚嗰個男人叫我同你講聲，你條命只可以屬於佢一個人！叫你唔好咁輕易就死喎！另外……揚哥！我想求你一件事！就係嗰晩咁肉酸嘅事……千其唔好話俾第二個知好唔好？」輝揚滿腔疑問：「乜野?個男人？嗰晚唔係得你，我同埋死左個亞John咋咩？乜仲有人係度咩？？」亞May：「我就係知嗰個男人戴住口罩，不過佢塊面有一條疤！就係佢一刀拮死亞John架啦！」輝揚心想：「塊面有條疤？Madam話陳根嗰晚一路跟蹤住我！九成九係佢！」「嗰晚乜唔係你殺死亞John咩？乜係佢？咁點解Madam同我講話你承認自衞殺人嘅？」「係佢叫我咁做架！佢話如果唔係，佢會將嗰晚亞John同我嘅野鋪哂上網俾人睇！我都唔想架……」
輝揚心想：「又係陳根？究竟佢係邊個？點解係都要追殺我？之但係聽亞May咁講嗰晚佢又的而且確救左我一命？我同佢真係識架咩？條友究竟同我又咩關係？」
「亞May，你放心！嗰晚嘅事我絕對唔會同人講！之但係我有一個條件，就係……」亞May很驚訝：「就係咩呀？」輝揚開玩笑：「我要你請我食一餐飯！」亞May如釋重負：「就係咁咋！冇問題！嚇死我啦……我仲估……」輝揚心?其實很失望！想不到女神當他和一般狗公沒有甚麼分別！聽女神口吻怕他真的會乘人之危，佔她便宜！自己為了她可以多拼命！但換來卻是……
「如果冇咩事架話！我好攰！想休息下！」輝揚居然對自己女神下逐客令！看來他的心情真是壞透得很！「揚哥！咁我都唔阻住你休息啦……係呀！記住我地之間嘅秘密呀！」輝揚或許不知道由這一刻開始，他對女神的心態不知不覺已經作出改變…