透明人間: 賭命

第三十四節 賭命

肥賓看似孔武有力，但實則外强中乾！面前的杜子俊冷笑一聲，已經輕易而舉避開肥賓咆哮的一拳！接著用近乎看不見的速度一腳踢向肥賓的腹腔，肥賓馬上雙手掩著肚子，痛苦到面容扭曲，在地上亂滾亂叫！

肥賓說：「死仆街！嘩⋯⋯好撚痛呀！屌你！」

杜子俊從容地説：「肥仔！打你就一定唔夠我打架啦！你無謂哂氣力啦⋯⋯據我所知，其實所有嘢都唔關你事，你完全係局外人！就係為左義氣依兩個字！攪到自己條命仔差D冇埋？咁樣做真係值得咩？」

肥賓義氣凜然說：「值得！一世人兩兄弟！上次我差D令到我兄弟連命都冇！今次明知佢有事我又點可以唔理！況且我死過翻生，冇乜野值得驚！我就係知你依條仆街一定係為左錢出賣自己大佬！」





杜子俊說：「肥仔！其實好多嘢唔係好似你睇得咁表面架⋯⋯既然上次拋你落海咁都唔死得，証明上天好似想俾次機會你！咁啦⋯⋯今次我地玩過另一樣遊戲！如果你贏左，我就無條件放你走！」

「我呢度有把槍，睇住啦！我依家入一粒子彈入去輪盤到⋯（輪盤轉動聲）之後我會係你個頭度連續開三槍！其間每開一槍如果係空炮嘅話，你可以選擇轉定唔轉個輪盤！三飛之後，如果你咁都死唔去嘅話？你就可以走啦！明白未？好啦！唔好再晒時間啦！Are you ready？⋯⋯」

另一邊廂，儍強和輝揚都被石虎嚇破了膽！居然選擇這個時候進來秘道？
現在逃走太遲了，他倆苦笑對望，正在發愁之際⋯⋯書房門外突然傳來急步聲⋯⋯

原來是亞細其中一個手下，叫做威水，只聽他氣急敗壞說：「虎哥！大小姐！大件事啦！細哥係出面同馬龍D人開緊片呀⋯⋯！」