第二朝起身呀汶已經出左門口。

我諗呀汶應該係唔想同我一齊出門口比人見到。

「叮噹!」有人按鐘喎,居然係呀汶。

「呀冬早晨呀!我買左早餐比你食呀。」

哇!女神幫我買早餐?!



「我?早餐?」

「係呀~」

「姨姨話去打牌呀,今晚我地兩個人食飯喎。」

同女神兩個人單獨食飯?點解幸運可以黎得咁快既?

但係一諗起聽日要幫個靚女向第二個男仔表白我又有D唔開心。



係喎呀汶同果個呀俊同班架喎,問下都好。

「係呢呀汶…你識唔識…陳俊逸呀?」

「呀俊?點解咁問,我識呀。」

「佢份人係點架?」

「嗯…都幾好架,讀書好好,同幾有風度囉。」



「咁係咪好多女仔都鍾意佢架?」

「下……我…我諗係掛…」

呢個時候VENUS居然又出聲

「檢測鍾智汶身體機能異常。心跳快速,定義為緊張。」

「即係點呀?佢唔舒服呀?」

屌妳唔撚係下話…妳意思即係……

「傻仔,人地都鍾意陳俊逸呀!」

俊?邊撚到俊呀?!!!!!



我按捺住自己既怒氣,同汶繼續對話。

「係呀…咁佢又真係幾靚仔既,可?」

「嗯………」

我有預感,呢個呀俊,會係我中學生涯中最大既敵人!

到左夜晚,我都開始肚仔餓,所以就諗住問下一路溫緊習既呀汶食咩好。

「呀汶妳想出去食?…定係落街食呀?」

「你傻左呀阿冬?出去食咪即係落街食囉。」呀汶笑起上黎對眼有臥蠶架。



「呀…又係喎…哈哈。」始終第一次同女神咁近,真係好易講錯野。

「不如我煮野比你食啦!」

?!?!?!?!

「妳…妳煮野比我食?」咁大個仔唔係講笑,除左男人版本呀雪同呀媽之外,真係無第二個女仔會煮野比我食。

「係呀…以前呢我都好鍾意煮野食架,成日煮比媽咪試架!」唔知係咪提起左佢媽媽,我感覺到佢語氣又開始沉左落黎…

「好呀!妳放心啦我一定會食曬佢架。」癡線,肥仔最叻係咩呀?食囉屌你。
已有 0 人追稿