自聖誕節一夜之後,Sapphire 的臉常常浮現在腦海,每次想到了她,心中也會有種甜甜的感覺。至於Bella ,我不否認自已是個要面子的人,所以當她拒絕我後,我就再也不想見到她了。儘管Bella 如何每朝早Whatsapp 我,練習後如何約我吃下午茶,我也通通以冷淡方式回應。

一天上課時,Oscar 突然問我:「你之前唔係同Bella 發展得幾好架咩,最咩呢排好似又疏遠左咁既?」

我呆了一下。

「你又知我地發展得幾好?」我轉動一下手中的筆,瞥了他一眼。

「你地成日係Band 房眉目傳情,又成日望到你同佢Send Whatspp,成個Soc 都知你地有野啦。」



這麼一說,前一陣子我總與Bella 一起吃早餐,一起上Band 房,一起放學,形態曖昧。只是最近我都懶得去找她。我將平安夜的事情一五一十告訴Oscar 。

「屌,乜你咁撚小器架?」Oscar 不屑我的所作所為。

的確,作為一個男人,因為一次失敗就對別人懷恨在心,實在是太小家了。

「咁我係咪應該做返主動拉近返大家既距離?」我問。

「拿,我聽你陳述既野,Bella 應該係like 你架啦,不過你無理人地咁耐,依家可能到佢嬲返你轉頭呢,快D 約下人啦。」



「好,我即刻就約。」

我馬上拿出手機,撥打了一通電話 。

「一陣放學得唔得閒?想約你食Lunch 。」

「好,不過咁突然既?」電話的另一端卻是Sapphire 。

總不能現在說打錯吧?為何會按到撥號給Sapphire 呢?不過幸好她應約,不然就丟臉死了。



「無呀,想同你傾下之後學琴D 野姐。」

「好呀,你黎X大搵我啦。」

或者我心中早已偏向Sapphire ,所以連打電話也打到Sapphire 號碼上。下課後,我馬上坐地鐵到X大。Sapphire 早就坐在飯堂裡。她向我招招手,示意位置。一段日子沒見Sapphire ,她依舊美麗動人。看到她的雪白的手,心中不禁充斥著內疚感。

「點呀,你搵到琴室啦?」Sapphire 問。

「我諗到一個地方,又唔洗錢,又近大家。」我說。

「邊度?唔上你屋企架講明先。」她臉上一紅,似乎想起了聖誕節當晚的事。

「我學校個Band 房,環境都幾好架。」

「都好喎,反正呢度去你學校都係幾個站就到。」她微笑同意了我的提議。看著她溫暖的笑容,要是她知道了那夜的秘密,一定不會再對我展露這種甜笑。想到這,不禁有點失落。



「如果無問題,咁下星期開始好嗎?我依家想學兩個鐘,一堂比返六百蚊你ok?」

「個半鐘夠啦,兩個鐘好攰架,下星期我放左學打比你丫。」Sapphire 將教琴的事紀錄在手機上。然後我們共進了一頓午餐。

離開X大時,突然接到Oscar 的電話。

「Winston 哥,依家得唔得閒幫手夾野?結他佬今晚諗住同佢情人表白。」

「我無問題呀,依家即刻到。」

結他男的名字我實在不記得了,某一次練習後的晚餐上,好像提及過他在追一個女同學,但還處於曖昧不清的階段。沒想到今天居然要來表白了。

回到Band 房,整隊人都圍著討論待會結他男表白的戰略。



「拿夜D 條女落堂,Bella 就拉住條女,帶佢黎Band 房,然後就開燈,跟住結他佬企係中間,其他人就企佢後面,數一二三就一齊開始打拍子同唱歌,唱完其他人就即走,OK ?」

表白而已,又不是求婚,用得著那麼費勁嗎?

綵排了數個小時,馬上就到下課時間了,Bella在Whatsapp group 上發來一個訊息:「coming.」然後大家馬上站好位置。

門外腳步聲越來越近,想必結他男的心情一定十分緊張。門開了,Bella 開了燈,那個女生也隨後步進來了。她看到大家神情一臉認真,顯得有點不知所措,她問了一句:「做咩事?」然後結他男說:「一,二,三。」

樂器開始演奏,我搖著沙鎚,與大家一起唱著:

「Oh yeah, I'll tell you something,

I think you'll understand.

When I'll say that something



I wanna hold your hand.」

歌詞意思十分直白,結他男絲毫不覺丟臉地唱出:我想牽妳的手,我想牽妳的手。

「I wanna hold your hand,

I wanna hold your hand」

又唱了兩句一樣的歌詞,我望了Bella 一眼,她也正好在望著我。我感到有點尷尬,臉上一熱,就把視線移開。

唱了十多遍「I want to hold your hand」後,曲子終於結束,我也沒空去理由結他男與那個女的表情,就與Oscar , Bella , 貝斯手與另一個較帥的結他手一同離開房間,讓他們兩個有空間談談話。

走著走著便到了圖書館前面,剩下我和Bella 兩人一同往地鐵站走。與Bella 沒有交談,氣氛尷尬。由於整個下午也被I wanna hold your hand 洗腦了,於是在路上也哼唱著這首歌。



「I wanna hold your hand~I wanna hold your hand~」我低聲唱著。

「你講咩話?」Bella 靠近我問。

「下?無呀我唱歌咋嘛。」

「唱多次頭先果句。」Bella 說。

「哦,I wanna hold your hand~」

突然一隻冰冷的手捉緊著我的左手,我呆了一呆。

「你叫架咋。」Bella 望向前方,垂下頭來。

女孩子的手總是滑溜溜的,Bella 的小手有點冷,我握得稍為用力,讓她和暖一點。就是這樣,我們一直牽著手,直到她上車。

那晚睡得正甜時,電話突然震了一下。我瞇眼查看,原來是剛告白完的結他男在Band 隊的Whatsapp group 傳來訊息:「多謝哂各位今晚咁有義氣幫手,雖然佢最後都係拒絕左我......」沒有興趣繼續看下去,結他男成功與否與我何干?反正最後只有我得益就是了。於是便繼續睡去。
已有 0 人追稿