《妳做咩將成碗譚仔倒落我個頭上面！？》: 後記 ( 作者的話 )

故事講去到呢到，我諗都夠晒皮。
 
首先，我想係到多謝一d人先。
 
第一，就係你地呢班支持我既讀者。
 
無你地每一日既追文，每一個既正評，每一次既鼓勵既話，我諗我真係唔會有動力寫出呢二十幾萬字。
 
第二，就係成為左我既角色參考，係現實中真正存在既人。 (即係我身邊既朋友)
 


全靠你地，我先可以將每一個角色既行為性格寫得如此仔細，如此生動，如此刻骨銘心。
 
第三，就係現實中既芷翹，Michelle。
 
為左妳，我先會作呢個故。
 
呢個故，我希望當作係另一個平衡世界裡面我同妳之間既結局。
 
我好掛住妳啊，c。
 


我好愛妳啊，c。
 
我好想再次擁吻妳啊，y。
 
然之後，我就想係到講下故事既主旨。
 
第一，希望所有男士都可以明白，做人千祈唔好自以為是，亦都唔好當正自己係聖人咁，以為自己做既所有野都好偉大 ; 咁樣只會令到人地覺得你好自負、好幼稚。
 
第二，希望受緊情傷既各位明白，千祈唔好當正自己係悲劇主角，終日搵人傾訴、Post IG、轉status怨天怨地 ; 咁樣只會令人覺得你地乞求緊可憐，非常黑人憎。
 


第三，就係坦白。
 
所有情侶之間都需要好好既溝通先可以維持關係 ; 唔互相坦白既話，不如就做一對陌生人好了。
 
第四，就係緣份與努力從來都是相輔相成的，缺一不可。
 
緣份呢樣野，上天一早就注定左，無得強求。
你地係無緣份既話，幾努力都無用 ;
 
努力呢家野，就係講緊自己對一段關係既決心。
就算俾你地幾有緣份都好，如果無人決心多走一步既話，緣份終會耗盡。
 
最後，我想講下自己既感想。
 
由4月9號開始，我寫下第一筆，展開左呢個愛情故事既冒險之旅。


 
之後既每一晚，我幾乎都花成4個鐘去打文，有時仲會唔訓覺通宵趕稿。
 
目的，就係為左讓故事中既珞仔能儘快代替自己完成現實中既遺憾。
 
結果，去到今日5月27號，珞仔終於完成使命喇。
 
但係，我既遺憾，仍然係揮之不去。
 
希望，各位係未來食譚仔既時候，都會記番起呢個故事。
 
記起阿珞，記起芷翹，記起我。
 
希望，呢個故事能夠曾經帶到感動俾咁多位，又或者曾經令大家流過一滴眼淚。
 


走喇，真係要走喇。
 
再見。