【真人真事】當年中七AL，我打左成年天堂二，但我無悔！: 前言

前幾日電腦投訴話好飽就黎爆，我睇下邊到出左事，一check，my photo原來有成50GB，再check，原來天堂2既相佔左30GB。

我click入去呢個陳封左六百年既folder，本來諗住delete晒去，點知一見到d相，往事就一幕幕浮晒出黎，實在令人好懷念，當中所學到既野，我夠膽講好多人呢一世都唔會明白。

果陣係中七AL study leave，人人係到搏殺緊，我同兩個朋友就玩天堂2私服。點解揀私服玩？因為唔洗俾錢，而且可以省卻正服無聊既打怪昇級時間，大佬我地都冇乜時間加麻。我地三個算係正服算老玩家，所以揀左個算係仿真，而且標明唔會收錢賣武器既私服。玩左幾日，發現真係唔錯又多人，決定長駐於此。

唔洗幾耐，我地就升到10 level，開左個血盟，而血盟名就係取我地三個人中文名，一人一個字，我係阿葉，另外二人一個阿紅，一個阿樹，三個加埋叫做紅樹葉。

但係，同樣唔洗幾耐，阿紅就因為mock exam中戰死沙場而離去，得番樹葉係到。





係到我講明先，現實既結局中阿紅最後入左三大神科，樹葉二人真真正正戰死於AL沙場，儘管恥笑我吧！！