同平時一齊行返學要15分鐘但係多左呀思之後感覺好似三分鐘到就行到學校,開心既時間過特別快。經過馬路既時候我問呀思

「思 我地洗唔洗前後腳咁入校門啊」

呀思就又一次鼓起個腮咁問我

「點解啊 我地又唔係唔見得光」

我就細細聲答佢





「我...我...怕你會介意  再加上如果有人見到我同你一齊一定會講你閑話」

呀思就好灑脫咁講

「我點會介意你姐  再加上如果有人講我地閑話 咪俾佢地講囉 事實真係你條女」

我見到呀思咁講我就放心喇,我再次主動拖住佢隻纖細既玉手步入校門

因為唔同班既關係 我地就各自各入返自己班房。





突然中央咪廣播要集合因為有特殊早會

我地全校就去左禮堂,校長同一位警察上左台

校長好嚴肅咁講

「依位係重案組督察 李SIR 學校沉日有一位同學放左學之後俾一班人打佢係黎跟進既 依加張支咪交俾李SIR」

「你地好同學們 我係李SIR 重案組督察 你地中五有一位同學放左學之後俾一班人打依加仲係深切治療部昏迷緊 我希望你地當中無人涉案 但係如果有人有資料可以提供可以主動聯絡我」





我心諗邊撚個咁撚柒放學俾人打,當我地聽完校長廢UP完就散水返返課室。

我坐返埋位望到呀俊個位空左 (唔通病左?)

班主任上氣不接下氣咁跑左入黎一到喘氣一到話

「今朝早會講果個就係呀俊」

我驚訝到O左咀

「吓!」

有早會既關係佔左好多上堂既時間.小息鐘都好快響起。響起個瞬間我諗返起呀思當日講話有啲事要處理,急急腳咁走左
當我懷疑會唔會係呀思做既時候 呀思就到左我課室門口大叫
「勤BB 我黎左搵你喇!」
已有 0 人追稿