一個被MK妹改變既毒撚: 晴

又係苦悶既通識堂，呀晴望住我好似有啲野。我就問佢
「做咩啊 晴 我塊面係唔係有啲咩」
「唔係啊 你印堂發黑 相信好快有劫數降臨 我睇你臥蠶低落欠缺陽氣 係唔係沉日有自瀆洩漏陽氣」
仆街我沉日打飛機佢都知?
「你又知?」
「我睇到仲有你今個月係唔係要去遠行 相信劫數會係果到降臨」
打PAD就話咩咩降臨姐 屌 劫數降臨...
「晴你究竟係何方神聖?」
「我係倚合蝶派第二十八代傳人」
「倚合蝶派?咩黎」


「係古代幫皇帝驅鬼治邪既一派」
佢係唔係睇殭屍先生燒壞腦
「哦...倚合蝶」
「咁點化解啊天師」
「你會同你個有心人一齊去 佢應該有俾身上最陰之物你做護身符」
唔通係陰毛護身符
「有就有 不過好流」
晴唔知係邊到拎左張黃紙出黎之後咬自己個手指頭用血晝左度符入左落個利是封俾我
「我已經係度符到加入左我處女之血只要你當時貼上你人中然之後就可以用你既血驅鬼治邪」
唔撚係掛...


「咁好喇大師」
「不過你唔去就可以避免依個劫數 你自己考慮清楚」
「唔得 我應承左呀思要同佢去長洲玩」
「長洲?」
「係啊 小築果邊」
「如此陰邪之地 梗有一隻係左近 咁你最好係人多之地 陽氣聚集唔會咁易出事」
「好」