一個被MK妹改變既毒撚: 綁

我同呀思玩得好開心，呀思同左好多係面書既朋友見面影相。
都七點喇，我同思就諗住坐車走，不過呀思離開突然想去厠所我打開手機地圖搵到附近有個公園就姐係一定有個厠所喇。

到左個公園，好靜一個人都無我企左係女厠出面等呀思。我張呀杞個令牌扣左落鎖匙到所以我相信其實呀杞一直跟住我地玩。

呀思去完厠所出黎突然有三個人沖左出黎有一個拎左個紫色噴霧嘖落呀思到，轉眼間呀思已經暈低左，同時我俾其中一個人用木棍打暈。

我雖然暈左不過都有醒下暈下醒下暈下咁起馬知道我同呀思俾人捉左上一架van仔到。唔知去緊邊。

當我醒返少少既時候我發現自己俾人捆綁左雙手坐左係地下而呀思就俾人。綁手綁腳 訓左係我面前 我地應該係荒廢左既屋入面 我望到出面好多樹所以應該唔係市區。慢慢我開始聽到有啲腳步聲，慢慢接近


(咕咚咕咚)

直至佢出現係我面前
「原來係你 你捉我地黎做咩」