我既眼淚慢慢滴到地上,地下開始熔化左。熔開左一個大窿,我個人掉左入去。
係我掉落去既時候我睇見我同呀思既所有野。我好感嘆,我合埋眼流淚。
合埋眼果一瞬間,我感覺到我停止左掉落,我開返眼,我睇見自己係個好熟悉既草原。

我記得喇依個係杞成日出現既草原。

突然有一把女聲四方八面咁傳出,把聲好熟。
又唔係呀杞,又唔係呀思係邊個呢...

「勤... 勤...」





我想得喇 係呀晴
「係唔係呀晴啊 呀思點啊 呀思點啊」

「係啊 我係呀晴 呀思佢無事啊」

無事?我明明睇見佢自殺...
「發生咩事啊...」

「勤我咪話你有個大劫既 所以我走左去我鄉下試下幫你解 」





估唔到你放低左呀杞走左去原來係為左幫我
「不過呀思佢...」

「唔洗多謝我喎 我睇見我同你有緣」

多謝你?呀思死左啊
「但係呀思佢...」

「放心喎 勤 岩岩你發既係預知夢 姐係你將會遇到既事 不過要睇你自己造化 因為未來係可以改變既」





我聽到之後放心左 我信相我可以有能力去改變 就算無左條命 我都唔想無左呀思
「多謝你啊 晴」

「唔洗 一切都要睇你既造化」

「起身喇 起身喇 勤 起身喇 八點喇 仲唔起身 去動漫展就要排隊喇」
係呀思把聲 呀思嘗試叫醒我 我馬上起身 二話不說就攬住呀思 我忍唔住喇 我喊左出黎 我抱得呀思好緊
「思 思 你無事真係好啊 思 思 思 我愛你啊 你唔好離開我 無論咩事都好 唔好自己離開我」

可能真係攬得好緊
「傻瓜 你發惡夢喇 好痛啊 洗唔洗咁大力啊 放開我去厠所 梳洗先喇」

嘿 係真既 係真既 呀思無事啊 真係太好喇
「唔放 思 你應承我先 唔可以自己離開我」





呀思聽到之後一到俾我攬住一到好似媽媽咁撫摸我個頭
「明白喇 勤 我應承你」

我聽到之後放開左呀思而呀思見到我喊緊就拎自己件衫幫我抹眼淚
「傻瓜 唔俾再喊到咁啊 會麻煩到我嫁」

我點點頭
「嗯 不過我可能會再麻煩到你既老婆」

「嘿~ 只可以為左我而喊詐 不過你發左啲咩惡夢 我想知」

放心喇思 你一世都唔會知
「唔~講~你~知」





「衰人 奸~茅」
已有 0 人追稿