同女神一齊住，一齊生活真係好爽: 第六章

一返到屋，就拎晒全屋既衫褲出黎襯，著得太花又好似吾係咁好，成個泰仔咁，著得hea，又好似俾人覺得吾尊重，唉。。真係怪就怪自己點解吾一早買定啲似樣既衫，吾通真係要出埋老西？痴線，咁又太誇張了

我一邊襯，一邊係咁影相俾小欣睇，叫佢幫我簡，我地兩個係咁簡，都吾知時間，原來已經就6點半！佢就突然whateapp彈左句

「喂，老公，我地就行得啦！半個鐘頭後係樓下公園等丫！」

「咁快！好啦，我地一陣見啦！」唉。死啦
，殺到埋身啦！算啦，到最後都係普通一件黑tee，一條牛仔褲波鞋就咁算。。。

我一落到去，見到小欣企左係到，今日佢著得好斯文，淡淡既妝，一條白色裙，真好好得意！



「喂丫女朋友牙，你丫爸丫媽呢！」我登特懶係有禮貌咁叫佢

「白痴男朋友！佢地去拎車丫，叫我地係前面等佢」

心諗！嘩，第一次見人地丫爸丫媽就坐人地車，就好似好怪咁，不過都吾理啦，有車仲好吾洗行！依。去到依一刻，吾知點解先前既梗張感覺吾見晒，個feel就好似普普通通見朋友咁！

話咁快，佢架車到左，正常一架普通7人私家車，全白色，幾型丫！小欣示意叫我上車，我一上到車第一句就

「世伯，伯母！你地好，你地叫我丫俊得咖啦」依句說話好正常，但我自己第一次叫人世伯伯母，好似有啲怪！



「丫俊，你好丫，坐好先，你係米食咩都無所謂咖？」伯母都算幾友善

「哦！我ok丫，咩都得，你地話事得啦」

「哦、咁牙！去食海鮮丫，丫女佢中意食丫」世佰終於開聲啦，估吾到把聲都幾斯文，仲諗住會係啲粗聲粗氣咁既。。

「好丫，好丫，好耐都無食丫！好ya」小欣佢好開心

我地最後去左廟街食，由屋企依頭去大約30分鐘車程，係車途入面，我地大家都無乜講過野，只有我同小欣係後面whatsapp，都吾知點解明明坐係格黎，但都要whatsapp



一落車，正正就係佢地一家人食開海鮮既餐廳，嚴格黎講，依間係大牌檔、一入到去，個伙記已經認得佢老豆

「喂，鄭生，好耐無見，今晚想食咩？」個伙記好似同佢老豆好熟咁，之後世伯問我

「丫俊！你咩海鮮都食得咖呵？」

「我ok丫，乜都食得咖」

之後佢就同伙記講

「咁照舊啦，不過今次要4人份量」

「Ok無問題。依！今日你個女帶男朋友黎見家長牙？」佢講完之後我由小欣對望左一下之後，紅都面曬咁垂低頭。。



「係丫、」世伯輕輕地回應佢

之後，我地就開始傾計啦


下回繼續。。。



給我的讀者同追稿者！我黎梗會開始更新得密啲，大約一至兩日更新一次，多謝大家支持