請叫我佐敦: 前路
我叫咪go佐敦,今年18歲,天生對籃球情有獨鐘,但因為臭狐令人敬而遠之,所以每次打籃球都係自己一個打
冇對手只可以練下運球剷籃同射波,我希望自己有朝一日可以同佐敦•法瑪齊名
但係從未試過一次實戰既我又談何容易呢
我都明白自己有幾惡頂,因為以前試過同條女一齊係房太耐,佢係冇通風既情況下竟然臭到暈左
最後入左深切治療部,抖左足足一個月先脫離危險期,冇幾耐之後,我地就分埋手
結束左我一日零八小時既初戀,係分手當日,佢留左最後既一句話比我
「你d臭狐仲臭過你碌9」
我空虛,我寂寞,我凍,但係最令我難受既,係冇人肯同我打籃球,所以今日,我作出左人生最大決定
我用晒我所有積蓄,隻身飛往美國洛彬磯,希望可以尋找新生,我走過唔熟識既街道
一路挨餓一路走,走左超過100米,最後我累到灘係地
「唔通呢度就係我既終點站?」
係我絕望之際,一隻手踏住我膊頭
「老友,做乜咁愁」
一個老伯用慈祥既目光看著我
「我......」
「你點解肯走過黎同我傾計,你唔覺得臭咩?」
我用有限既英文嘗試同佢溝通
老伯:「我係乞衣,習慣晒啦,自己都臭,又點會嫌弃你」
我:「多謝你,你係第一個肯接受我既人,連我老母都嫌我難頂」
憶起舊日往事,我不禁流下男兒淚,老伯拍拍我膊頭,遞了一個面包給我
我:「我唔可以收,呢個面包係你辛辛苦賺番黎,而我呢個一事無成既人,根本無資格接受」
老伯:「朋友,我唔係白白送比你,你將來要十倍還番比我,我地黑人受盡歧視
就好似你而家既情況一樣,但我地都冇放棄,仲好好生活」
我:「老伯我應承你,第日我會十倍答謝你,唔係,係一百倍」
老伯對我微微一笑
老伯:「再見啦朋友,希望第日再見到你,你會係一個有名既人」
我用面包填飽了肚子,再度踏上我既旅程
果然天無絕人之路,我終於找到了一個街球場,我興奮得衝入球場
但一入到去我就呆左,因為係我眼前出現既竟然係湖人球星--高比拜仁