【渠底奇兵】《我，就係踩單車跌落渠果個肥仔》（已爛尾）: 02

屌…我明明十八歲，同埋ＤＵＮＧ唔係解屎咩。 

仆街臭口電話！ 

唉暑假真係過得好快，一起身又要番學。 

晨早流流咁我就緊係天不怕地不怕架啦！ 

即刻拎起部電話睇下有無咩野特別。 



屌機又開唔到，乜都無播。 

尋晚見到既粗口venus，原來真係我自己ＦＦ出黎… 

再照下鏡，咩都無變。果然我同標準身型係無緣架喇… 

既然部電話都壞左，咁我都廢事帶番學。 

直接放左部野係床就出門口。 



「喂！海底奇兵早晨！」係門口就撞到呀晨條仆街仔同佢女朋友呀樂。 

「肥冬聽講你尋日去左潛水喎！」呀樂份人都好玩得。 

「係呀係呀！濕撚曬唔撚驚。」屌都唔知我講緊咩。 

同佢地一對情侶打完招呼佢地已經唔見人。 

有異性真係無人性呀原來。 



睇下錶，喂原來就夠鍾上堂，咁我就一個轉身諗住扮衝鋒廿一跑番去啦。 

屌一轉身就撞到人，仲要係個女仔。 

唉唔撚驚！

我即刻快快手諗住扶起佢啦，點知一伸手，佢就抬頭。 

成股髮香湧埋黎，真係唔明點解男仔洗頭就一陣就臭，靚女洗頭香足一日。 

屌妳呀汶黎既？！ 

估唔到我咁黑仔又落渠又壞電話又撞女神。 

望住前面一面狼狽既小汶，我又著左呆。 



佢真係靚左好多，長長既馬尾搖下搖下咁，唔知係咪因為比我撞一撞，佢紅都有少少臉左。 

不得了，平時柒到上心口既校服係佢身上簡直就好似提升左幾個層次咁。 

「呀…呀冬…？」佢終於望清左撞佢果條仆街，即係我。 

女神一對水汪汪既眼望過黎，我完全不敢直視。 

「對…對唔住呀！」講完之後就即刻跑番班房。 

正當我係班房門口抖大氣既時候，耳邊居然響起左粗口venus把聲。 

「檢測宿主身體機能異常。心跳快速，定義為緊張。」



屌點解會咁？我明明放左部電話係床。 

點解而家部野會出現係我書包度？！ 

「你鍾意頭先果個女仔？」粗口VENUS問。 

我即刻想搵個耳機啦，點知佢又話。 

「你自己係心入面默念一次，我就聽到架喇。」佢又出聲 

哇屌妳過左一晚姐，妳曉進化既？ 

「點解妳會出現係度？！」 

「好似係我問你問題先架喎！」 



「係呀係呀鍾意呀」 

對住粗口VENUS我反而唔洗諗任何野就可以話佢知。 

反正佢又唔會同到人地講。 

「只要宿主離開手機十米，手機便會自動轉移到宿主身上。」 

「妳到底係咩黎？科技？魔法？！」 

「隨你點諗啦。既然你鍾意佢，手機功能會幫到你。」 

屌你手機都識溝女？！ 



「現階段，提供兩項功能：１）偶遇，使用功能時心中想著對象即可。２）能力強化，使用功能時心中想著對象即可。功能使用一次需要一點積分。」 

講真我已經一Ｄ都唔震驚，因為自從我部電話變左粗口妹同我傾計之後。 

我已經震驚夠。 

屌妳我跌左落渠姐，洗唔洗呀？超能力都出埋黎？ 

「即係點？即係我諗住呀汶，跟住按一下手機個制，我就會見到佢？」 

「係呀傻撚，咁都要問，唔撚識字咩你？」果然岩岩既溫柔有禮係假既。 

「咁積分即係咩一回事？」 

「手機會發佈任務比你做，完成左就會有積分，你而家有５點積分可以試用。」 

望住手機ｍｏｎ入面既女神樣粗口妹，我真係好無奈。