【渠底奇兵】《我，就係踩單車跌落渠果個肥仔》（已爛尾）: 18
「自己講，上次又話普通朋友，唔似喎！」正美雪用陰險既眼神望住我。
「咁我個人自己行出醫療室忽然間腳仔軟，咁岩比呀汶見到，佢好心地扶我去坐車姐。」
其實我講大話真係宗師level。
「哇，叫人呀汶叫得咁順口，好close喎。肥冬都有春天喇～～」
雖然我都好鍾意呀汶，但係我深知這些機會不是belongs to me的。
「咪傻啦妳都識講啦，人地係Ｂ班既女神。知唔知咩叫女神呀？」
即係好似妳同呀汶咁呀，要有個靚仔同勁既男朋友先得呀。
「肥冬唔好咁氣餒啦，你係咪鍾意人地呀？最多我幫你手諗計喇！」
洗唔洗呀，尋日呀汶問我係唔係鍾意妳；妳今日問我係唔係鍾意呀汶。
雖然兩條問題我都係想答yes…
「妳搞掂自己個男神俊先啦好嗎？果日音樂活動點呀？」雖然唔想提起，但係係事實。
「哇原來呀俊識彈結他架！！！果日係小型音樂會，佢自彈自唱好好聽呀！！」
佢對眼好似變左心心咁。估唔到呢位呀俊咁勁又彈得又唱得又跑得又靚仔。
「哦…咁咪幾好囉。妳唔識樂器都入音樂學會一定係因為呢個呀俊啦。」
「咩…咩喎？咁我見以前都無參加過咩活動，咪想趁ＤＳＥ前咩都試下囉。」
咩都試下？包唔包拍拖打茄輪同打野戰？有Ｄ野不可一不可再。
「哦，一定係咁啦。」我真係無佢咁好氣呀！
「肥冬我記得你識彈琴架，不如參加下個月果個歌唱比賽，自彈自唱丫！」
佢唔講，我都唔記得自己係識彈鋼琴。以前學過下，以一百分呢個絕佳成績考到個grade 8就無再掂過屋企個鋼琴。
無錯係一百分，out of一百五十分。
屌係喎仲有個任務播，要歌唱比賽第一…………
癡線我最唔慣就係係人面前講野，而家叫我唱歌咪仲死。
…真係要搵下呀晨請教下，連唱咩歌我都諗唔到啦。
「我手鋼琴？妳一定係傻左喇，仲差過小學生呀？上台咪柒死囉。」
「哈哈我都係講下姐，呀俊都話會參加仲問我會唔會參加呀。」
講到尾原來只係唔夠人搵我去陪跑咋話？
「你把聲咁好聽，去啦妳一定得既！」
「但係我都有Ｄ驚喎，咁多人睇住…」
「妳去照下鏡，妳而家係女神黎架喇，靚女有咩好驚呀。」
「肥冬，乜你真係覺得我靚咩？」呀雪對波突突真係好靚。
「緊係啦，妳而家係4大女神之一呀知唔知？」我用浮誇既語氣回應。
「咁我同鍾智汶…你覺得邊個靚Ｄ呀？」
妳都癡撚線既問個咁既問題。
同問人鍾意食飯定面多Ｄ一樣。
我就覺得個樣係同分喇。但妳對波就接近Ｅ，呀汶對波就目測得Ｃ；妳對腳雖然都係百裡挑一，但係呀汶對腳就萬中無一。
如果可以的話，我會選擇完美設定既VENUS，哈哈。
呀屌唔知會唔會又比粗口妹偷聽我諗野！！？
「我覺得妳靚Ｄ，除非呀汶靚Ｄ啦。」
「車肥冬又講廢話，一陣我行遠Ｄ地去食日本野好唔好呀？」
果然似得正美既都係日本人，鍾意野日本野。不過果間野其實唔貴，都係幾十蚊一個餐咁。
順帶一提，星期五我地多數都係各有各食，因為呀洪要溝佢女神呀儀；呀晨呀樂要兩個人食。
所以平時多數就係我同肥雪兩個去食飯。
「妳鍾意囉～」
「果間野個前菜係燒茄子呀！！！！」
「得啦得啦。」
於是我地兩個一打鍾就即刻衝左去果間日本野到拎位。
真係好撚多人呀！！！不過都唔係我地中學，因為真係好遠，好少同學會走黎呢邊食。
「唔該我想叫野，一個九洲拉面，一個日式豬排定食，前菜要燒茄子！一杯涷華田，一杯涷好立克。」
呀雪仲係同以前一樣咁為食，一坐低就即刻叫野食。
仲完全唔洗問我就幫我叫埋……雖然我真係鍾意食拉面。
大概就係呢兩年黎既默契？
「成個暑假無食喇，估唔到呢度前菜加左茄子呀肥冬！」
「成日掛係食呀，妳唔怕自己又變番暗倉肥妹仔咩？」其實我真係好想佢變番以前咁。
至少無呀俊，無音樂學會，無歌唱比賽…
「哈～我而家係食極都唔會肥架！！！咦肥冬你睇下，果個係咪呀俊同你個好朋友呀汶啊？」
順住呀雪一指，我望到呀俊，同埋呀汶。有傾有講有笑咁行入黎呢度。
不過其實成間餐廳都無曬位，只係得番我同呀雪呢張可以坐多兩個人。
望住呀俊，同埋呀汶一步步向我地呢度行過黎。
係喎，差Ｄ唔記得。佢地係大家公認既Ｂ班男女神。
上年既緋聞仲傳到成個form都知………
呀俊一眼就見到我旁邊既呀雪，笑住咁行緊過黎。
反面呀汶就好似面有難色咁。
唉同我呢個肥仔同一齊食飯洗唔洗咁既樣？
「喂喂肥冬，你女神呀！」呀雪真係癡撚左線。
係呢個時候呀俊同呀汶已經行到黎呢度。
「咁岩既呀雪？」俊？邊撚度俊呀？睇過？！！
「係啊呀俊，你地都黎呢度食野呀？」
雪女神妳可唔可以唔好咁，入到黎緊係食野啦屌妳唔通晨運咩？
我望住呀汶，屌，我係呢個時候就真係唔多敢同佢打招呼，如果佢扮唔識我咁點撚算呀？
「係啊…呀汶話想黎呢度試下。係喎妳識唔識啊汶呀？」靚仔既呀俊係一刻間就好似掌握左全場咁。
「識啊，呀汶好出名架。呢個係呀冬啊，我好兄弟黎！」呀雪向呀汶笑左一笑，隨即介紹我。
車妳咪又係上次我唔舒服，呀汶黎幫我請假妳先識到佢。
「我知呀，原來你叫呀冬，我叫陳俊逸呀，叫我呀俊就得喇，你前日有無事？你果日都跑得幾快架喎。」呀俊一路講一路伸隻手黎握手。
喂屌而家仲邊有人握手咁撚老套架？雖然佢語氣係友善，但係溝曬我Ｄ女神就點都唔撚得啦！
「我無咩事呀，你叫我呀冬就得喇。」
你又叫逸，我又叫逸，點解我就成碌柒？
「哈囉呀冬呀雪～」呀汶係呢個時候都開口同我打招呼
「你地又會識得黎咁遠既地方食野既？如果唔係呀汶講起，我都唔知呢度有間日本野」呀俊依然係出聲果一個。
睇黎空穴來風，事必有因，上年個個都傳呀汶都呢條呀俊係一對，而家咁睇佢地真係好撚熟。
我知點解呀汶會知呢間野，因為係我尋日夜晚同佢講話呢度好撚好食，叫佢搵日黎試…
「係肥冬帶我黎架！佢最叻就係搵好野食架喇！」呀雪真係唔撚該妳唔好出聲當幫忙啦。
「哈哈你地好fd喎。」呀俊真係一名社交撚。
「都係架，我地好好兄弟架！我成日都幫呀冬諗計追女仔既！」佢講完之後仲要用餘光望一望呀汶。
妳識左人幾耐呀，洗唔洗咩都講出黎？仲要即場派張兄弟卡。
而家做咩姐？集齊一套卡有得換hello kitty咩？
其實呢間野都上菜都好撚快，絕對唔差得過澳牛，而呢個時候個伙記已經拎左兩碟前菜黎。
「肥冬，有野食喇。」如果唔係碟前菜黎左，而呀雪又另轉頭同我講野，我真係以為自己先係搭?果個呀。
「不過你都唔食茄子既～～～」未等到我回應，佢已經拎走左我眼前既燒茄子，食得津津有味。
「乜呀冬你唔食茄子架咩？？？」
問出聲既係呀汶。
屌，尋晚餐飯有魚香茄子，仲要係呀汶同我呀媽一齊煮既。
我真係即刻呆撚左，仆街今次連唔到戲。
食條茄子姐，洗唔洗呀？
「佢話佢最憎就係食茄子，話因為好滑食落口好鬼怪，一Ｄ都唔識食～」呀雪見我呆左一呆跟住仲係我耳邊同我講：「做咩呀，見到女神連野都唔識講呀？」
唉，今次真係多得妳唔少呀。
成餐飯落黎，一直望住呀俊搞下gag講下佢既見識，同呀雪呀汶傾得不亦樂乎。
我先知道咩野叫做輸在起跑線上。