【渠底奇兵】《我，就係踩單車跌落渠果個肥仔》（已爛尾）: 22:Extra for today

 

今次番到屋企呀汶已經坐左係佢房度做緊功課同溫習，咁當然聽日係星期六，我就唔會理呢Ｄ野啦。 

 

上番高登睇下個post先！ 

 

－－－－－－－－－－－－－－－－－－－－－－ 

 

【想響學校sing con度玩野，揀乜歌好？】 

 

我希望大家去到最後 記得既唔係冠軍 

 

而係我 

 

有咩野歌提議下？ 

 

－－－－－－－－－－－－－－－－－－－－－－－－ 

 

殘忍的單雙丸：牛肉加蔥花 要烏冬嗎？ 

 

路上人：今天我～～～～～～ 

 

Ownlife：巴打你上到去唔好唱，上去朗誦，下面Ｄ人個個以為你去左朗誦比賽實記得你！！ 

 

古天奴世界波：oh~~ohohoh~~~ohohoh~~我韋碧克降落 

 

拔萃Hi Hi仔：緊係我首拔萃陳庭佳啦！！！ 

 

衰淫驚一：加d韭菜更好味！ 

 

逸筆寸斷心：大笑之歌！哈哈哈哈哈哈哈哈哈哈哈哈哈。 

 

不枯也不散：what does the fox say? 

 

請問廁所係邊：笑聲叫聲滿載溫馨～插入你體內～ 

 

脫毒大仙：校歌啦無得輸！ 

 

肥豬王：肥仔一跌落渠就連部單車都失去！！！！！！！！！！！！！！！ 

 

這是我的真名：佢家下黃色衫～又變返著綠色衫～ 

 

沙炮啪光頭：能得利，記得要扮光豬呀。 

 

文學小王子：般若波羅蜜多心經，帶埋木魚呀 

 

zero-wind：男人心一字馬 

 

挽歌之聲：傻女。 

 

古小玉：銀河唯一的秘密，go to school by bus～ 

 

悉尼老師：唱咸歌邊個夠我勁？ 

 

………… 

根本開post本身就係一個錯誤，上高登勿認真，結果個post成班友都係度講呢d廢話。 

平時呢班人睇故又唔見佢地留言推下。 

不過呀洪開post又係開得差既，咩野我希望大家去到最後，記得既唔係冠軍。 

我而家係要拎冠軍囉Hi 你。 



咪住……挽歌之聲巴打？點解佢都咁傻的嗎玩埋一份架？ 

哈哈，多謝你挽歌之聲巴打。 

我終於諗到我要仲咩野歌！我未見過一隻歌講得咁中。 

果一套我心目中既神劇，求婚大作戰。如果我都可以好似主角咁有機會改寫過去，你話幾好？ 

望住劇入面既正美，我諗起呀汶，如果我當時中二無著住對con屎表白，我地而家會係點？ 



更加諗起呀雪，Hi因為佢真係好似正美。 

如果我以前識得珍惜…試下追佢。 

佢仲會唔會變做而家既女神，去追呀俊？ 

實在有太多太多野，我好想… 

重演一次。