【渠底奇兵】《我，就係踩單車跌落渠果個肥仔》（已爛尾）: 35

一拎起個蓋望到個焗豬，Hi點解Ｄ飯係撈埋曬Ｄ青豆栗米紅蘿蔔架？！！！！ 

飲湯咩Hi 你？NEWAY真係靠唔向左走向右走住。 

青豆我就死都唔會食，但我唔向左走向右走係話唔食栗米紅蘿蔔。 

之不過你而家放曬落去，係完全影響曬個質感，破壞曬豬排同飯之間微妙既平衡。 

你叫我食？我就真係想叫你食喇！ＮＥＷＡＹ！！！！ 



Hi，真係食焗豬一定要去番我同呀雪成日去果間茶記！ 

純正蛋黃炒飯底，新鮮番茄，帶骨既大塊豬排，咁先好食！ 

呀雪…… 

「冬仔你仲係唔食呢Ｄ啊可？」係我諗焗豬黎得入神既時候。 

我發現呀晞拎住對筷子，係度夾緊Ｄ豆類出黎。 



而我都從肥仔變左冬仔。 

望住佢，我忽然間好似見番果個公主頭既喊包老婆咁。 

見到以前幫我挑走粒青豆既喊包。




同完呀晞同唱Ｋ之後，我忽然間心情好左好多，望一望個錶。 



已經就十一點。 

但係唔知點解我硬係覺得唔記得左Ｄ野咁既？！！ 

咁鬼夜真係有少少眼訓，一陣番去早Ｄ訓呀要。 

不過今日星期五聽日放假又無咩所謂～ 

「肥仔我已經番到去喇～」收到呀晞既msg，我不禁會心微笑。 

咪住，我岩岩好似經過左豬仔糖水。 

Hi，我答應左呀汶，個個星期五都會同佢食糖水。 



連少少既承諾到做唔到，我仲係男人黎既？？？ 

加上呀汶媽咪走左無耐……其實佢真係需要更多關心。 

雖然平時睇落咩事都無，又成日照顧埋我。但係我知道佢成日都好掛住佢媽咪。

仲記得早幾日我夜媽媽起身去洗手間，見到呀汶係廚房度出黎，應該係飲鮮奶想好訓Ｄ。 

而我迎面見到佢對眼真係紅到一個好紅既地步，臉上彷彿仲有少少淚痕未擦走。 

「呀冬…嘈醒左你呀？」老實講佢唔開心喊緊既時候仲要對住我笑，我見到真係個心隱住隱住痛。 

「無呀點會～」 

「咁我番去訓先喇，你都要早Ｄ啊呀冬。」佢講完之後我望住佢一步一步咁行番入房。 



望住呀汶既背影，我感受到一種深深落寞既感覺。 

其實成日收埋自己，對一個咁柔弱既女仔黎講，真係一件好痛苦既事。 

同佢一齊住呢段時間，我睇得出佢有放開左少少，對住我會自然左。 

但係完全係未夠，我好想佢會同我分享佢既開心，而我可以同佢分擔佢既唔開心。

「呀汶！以後我地個個星期五都落黎食個糖水，再兩溝好唔好呀？！」 

「嗯！」 

話果個係我，唔記得果個都係我。 



Hi，我真係一個人渣。 

一落左車。 

即刻跑入去豬仔糖水，想買兩碗外賣拎番屋企。 

「靚仔無曬涷既，熱既岩唔岩呀。」 

「岩呀岩呀，阿姐唔該快少少，我真係好趕時間啊！」我一路望住個錶，睇住已經十一點半。 

只係希望我可以好似灰姑娘咁趕係十二點前番到屋企。 

Hi 你裝兩碗糖水都成十分鐘。 

「VENUS BB，能力強化，跑步。」 



「好啦，拿～唔好跑向左走向右走到暈呀。」話說佢已經比我叫ＢＢ叫慣左喇喎。 

於是我就得番二十點積分！ 

「任務觸發：十二時前回到家中並找到鍾智汶，積分加二。」 

「VENUS BB我愛妳呀，妳簡直係雪中送炭呀！！！無以為報，唯有以身相許。」 

「以身相許都等你搞掂曬你Ｄ女神先啦肥向左走向右走，我同你一齊呢個月，你仲係一條女都溝唔到呀！」 

「哇一個月妳想我溝咩女番黎呀！當我呀池咩妳！」 

「咪講咁向左走向右走多，跑你就跑啦肥向左走向右走。」 

Hi妳我不嬲都跑緊架啦，只不過用緊個心同妳講野姐～～ 

我而家真係完全搵到求婚大作戰入面山下智久日日跑既熱血感覺啊！

番到去屋企，我細細力打開門，光線好暗，只係開左細燈。 

老豆呀媽都應該訓左喇，而我見到既係呀汶。 

一個人坐左係我張梳發床度，睇緊電視。 

「呀…呀汶。」 

「呀冬今日咁夜番既？去左邊度玩啊？」呀汶真係好向左走向右走好向左走向右走好向左走向右走溫柔啊。 

果一種內疚感真係不停咁增加，明明自己同左自己講好多次，要令到呀汶有好真心既笑容。 

但係今日自己竟然係喊包晞既誘惑之下，忘記左呢個承諾！ 

我真係想狠狠咁打向左走向右走死自己！ 

「我………我去左唱Ｋ啊……」 

「呀冬約左女仔唱Ｋ啊～～開唔開心啊？」呀汶唔係果種單打既語氣，而係真係問緊我去玩開唔開心。 

睇黎呀晞果陣時大大聲唱，比電話入面既呀汶聽到。 

咪住，我做咩心虛，呀晞又唔係我女朋友，呀汶就更加唔係我女朋友啦。 

但係唔知點解，愈係見到呀汶用咁溫柔既聲線同我講野，我就愈內疚… 

「呀汶……對唔住啊……我知我應承左個個星期五都會同妳去食糖水……」 

「唔緊要啦呀冬，你而家咪買左糖水上黎囉。」呀汶笑住咁指住我手上面既兩碗糖水。 

「咁……但係……」 

「你做咩成身汗又氣喘架～～又跑熱身賽啊？」估唔到呀汶選擇左去搞個gag黎化去我果一種無言以對。 

真係成個天使咁……

「係……係啊，咁我想１２點之前番到黎同妳食糖水……」 

「咁我地而家食囉好唔好呀？」其實呀汶露齒笑真係好靚… 

佢伸手接過左我手上既糖水，仲拎左條毛巾比我抹汗…… 

「咦，點解呀冬你今次買熱既？」 

「今次個呀姐話無曬涷啊～」 

一向涷既糖水只會準備好少。 

「咁不如呢兩碗我地聽日先食好唔好啊？」 

「下……好……」 

講完之後，佢放左我果兩碗糖水入雪櫃，之後又拎番出黎。 

「唔係話聽日先食咩？」 

「呢兩碗係涷架……呀冬。」 

我番到黎見到呀汶仲係笑容滿臉，我仲以為佢唔會好在意我講過既呢一個承諾。 

但係估唔到…係遵守承諾方面，佢仲做得好過我。 

見到我未番屋企，專登落左去買兩碗糖水番上屋企雪住佢，等我番黎一齊食。 

睇落係好小既一件事，但係比我既感覺真係好大。 

佢平時十一點幾多數都會去左訓覺。 

即係其實佢岩岩坐係度睇電視…係等緊我番黎……… 

但係當佢見到我既時候，反而一個字都唔提，仲問我開唔開心。 

更加無嬲到我唔記得左要番黎同佢去食豬仔糖水。 

一個咁照顧人感受既女仔，如果第時邊一個可以同到佢一齊就真係幸福。

「呀汶妳……妳都買左兩碗……？」 

「係呀，我見呀冬你未番咁咪買定先囉，係屋企食仲舒服Ｄ啦～」 

「係……係啊？」 

「嗯，估唔到呀冬你都買左兩碗，今次真係增肥喇！」 

明明佢自己記得同我之間既約定，但係就無怪到我無遵守約定。 

望住呀汶係度溝埋兩碗糖水。 

我係度諗。 

點解呢個鍾智汶會好到咁既地步？？ 

比著高登故果個智詩，應該Hi緊呀池喇……… 

今日呢碗糖水，係我食過最甜既。 

仲甜過今日個焗豬排飯！ 

不過都係既，焗豬排飯本身好似係咸既。