DSE點令我由一個毒撚變做player: 2.

我經過一輪障礙賽之後，終於都黎到馬路口，我望一望錶，原來已經4.25pm ，我5.00開考，鼓起咁大勇氣先黎到呢度，無理由遲到俾人扣分咖，所以我決定衝馬路。。但望住咁多人，我又唔夠膽。由細到大我都好奄春，眾目睽睽下真係唔夠膽貿貿然衝過去，但我又真係好趕。。
 
唉，毒撚就係咁慘，做乜都要驚驚青青咁。
 
係我企係度又開始頹到想番屋企既時候，突然間俾人好大力咁撼左我膊頭一下。
 
我仲聽到佢一路跑一路屌：阻住哂！我趕時間！成班企哂係度on99咁等運到咩屌，盞燈10世都唔轉一次！
 
我下意識地望左去前面，只見一把金啡頭髮係空中飛揚，睇真d，似係一個mk妹著住一對厚底波鞋狂跑。
 


望住佢發哂癲既背影，我唔知邊度黎既勇氣，一下衝左過去，又跟住佢跑。
 
過左馬路之後，個mk妹竟然同我行一樣路，我就奇怪啦，呢個mk妹係咪落錯站？佢應該番mk咖喎。
 
我望一望錶。屌，搞一搞都4.30pm。
 
我即刻快手快腳趕上去前面，因為oral起碼都要早15分鐘報到。
 
 
我用我180既身高搏哂命咁行，眼見就追到前面個mk妹。


 
但認真d一睇，個mk妹好似都行得好急喎。
 
我無理佢，只係想快d去到考場，就係咁簡單。
 
我keep住穩定而急速既步伐行，但我前面既mk妹就開始小步跑起上黎，見佢咁樣，我都越行越急。
 
就係咁樣維持左一陣之後，我前面既mk妹竟然開始急步跑起上黎，我眼見佢著住對豹紋厚底波鞋都咁用力跑，自己都好似感染左咁，跟住佢跑。
我覺得自己開始唔係視趕得切去試場為目標，而係視追上mk妹為目標。
 


呼呼呼。。好累。。我低一低頭望錶 已經4.41分，我跑上樓梯，點知一野撼左落一塊林既野度。。
 
mk妹擰轉頭，一對眼射埋黎：變態咖你！非禮！！！
 
佢仲要好大聲咁嗌，方死冇人聽到咁。
我呢d毒撚格望一望周圍。。開始好多人望埋黎。。我feel到自己面同對耳都紅哂。。周身發熱。。咁大個仔。。第一次俾miss同老母之外既女仔咁樣望住，仲要同我講野。
 
我真係好怕醜。
 
我望住mk妹，眼神好似哀求佢放過我咁：。。我。。我趕住去考試。。。你放過我好冇？最多我。。我俾。。俾錢你。。。
講野窒下窒下既我，心諗媽呀呢個世界既人真係好恐怖 。
mk妹望住我，屌左一聲：你撞到我呀盲撚，唔識道歉？
我：sor...sorry...
mk妹撥左撥佢個mk陰：算啦今撚次，反正我都要去考個垃圾口試，屌，你好采，我頭先想打俾呀哥叫佢過黎咖啦。
 


我心諗，屌你呢dmk妹最叻就係呀哥家姐細妹細佬，我夠有兄弟啦，不過係契弟之嘛。
 
真係好想屌9佢。。。。
 
不過毒撚格既我，眼淚只有在心裏流。 終於都係講左句：多謝。
 
我行過mk妹身邊繼續行，係前面彷彿仲好似聽到個mk妹wtsapp同人錄音講：屌，明知我牙淇軒（我聽到佢咁讀因為真係好大聲）雷咖啦，仲黎撩9我皮，真係想開9佢波
我心諗，究竟雷係乜野呢？算啦屌，我諗係好人掛依佢字面解 
係毒撚既角度黎講，呢個世界上就好似得翻遊戲既術語咁，其他語言學黎都係托柒。