DSE點令我由一個毒撚變做player: 13.

之後個幾日mk淇都有不斷約我外出去，不過我想溫書，一路都冇應承到。
 
直至我同佢都考完個日，佢約我去銅鑼灣睇戲，而我兄弟seven咁橋又同我同一試場，都幾近個邊，於是我就提議不如三人行，一齊去睇。而個時既
 
 
我根本冇諗過，原來之後會做成無法預計既後果。
老實講，我係d好小睇戲既人黎，一係冇乜戲種我覺得值得睇，而且入戲院睇我覺得好貴，寧願等多陣上網睇，最重要既係，我冇乜朋友，唔通On99自己入戲院睇咩。
 
我地簡左一套近排d人一致話好催淚既戲，不過我真係覺得好悶，所以我中途，好似係一開始冇耐已經訓著左，之後去到做完哂成套戲，我先俾隔離既mk淇叫醒左。
 


Mk淇望住一臉迷茫既我話：做完啦套戲，唔係講笑，真係好好睇呀。
 
Seven望住我，點一點頭：係呀，你訓著左真係哂曬。
 
我望一望佢地2個：你地幾時變得咁熟咖？
 
Mk淇斜視我：我真係未見過人套戲做幾耐就訓幾耐，頭先我喊到死，又冇帶紙巾，你個朋友陪我去廁所整理之後先識知嘛。
 
我露出一副冇好氣既表情：咁仲好啦，唔使我介紹。
 


Seven笑一笑：係呀，淇淇大喊包黎。
 
Mk淇笑一笑：唔係呀，Steven都唔差，喊足全場，係廁所攞d紙巾都爭d唔夠用。
 
而我就企左係度，完全搭唔到嘴，望住佢地一路有傾有笑，你問我有冇唔開心既感覺又冇乜既，不過我開始覺得好唔舒服。
 
正當我地決定唔到今日晏就食邊間餐廳，慶祝我地考哂中文科所有卷既時候，我又開始出翻我d毒撚格，我向住佢地講：我都係唔一齊食啦，你地慢慢啦，我有d累，想翻屋企訓一陣。
 
Mk淇嘟一嘟嘴，好似好失望咁：下。。但我想食茶木喎。。3個人分平d。。。再加油。。
 


係Mk淇仲想講落去既時候，seven向佢打個眼色，示意佢唔好再講落去：算啦，呀峰佢都累，我地無謂強人所難，一係下次再食過啦。
 
Mk淇歎一歎氣：好啦，咁我同steven自私食啦，下次先一齊。
 
唔知點解，我覺得mk淇語氣入面充滿住好濃厚既失望同不滿，不過是但啦，social呢d野唔係我個飯。
 
佢地送左我走之後，我回頭一望，只見mk淇同seven既身影漸行漸遠，佢地既背影睇落真係好夾，唉算啦，mk淇又唔係我邊個，我使乜介意seven會識佢。
 
我另翻轉頭，自己一個向住前方既電梯行去。
 
我望一望個timer，又用左半個鐘做b2，我擺低份英文，驚覺呢份已經係我做既第三份reading，唉個分都未係好如理想，再望一望個鐘，11點幾原來已經，我打左一個好大既呵欠，大概係個腦話我知佢好需要休息。
我見冇野做，打算開一開電話玩轉珠，點知見到原來mk淇send左成17個voice note俾我，我即刻開黎聽：
 
［22:04］［0.07］屌，你做乜唔嚟一齊玩呀。。好想嘔呀屌。。
 


［22:18］［0.05］覆機啦頂你，伯母搵你食宵夜呀哈哈哈哈哈哈哈
 
Mk淇係咪飲左酒。。？我聽落去，後面個幾段都係d好九唔搭八既野，聽落毫無邏緝，佢把聲仲要時高時低，仲要段段録音後面都有幾聲笑。究竟佢做乜黎呀咁癲，仲有seven呢。。？我聽落去，終於最尾個段有答案：
 
［23:05］［0.57］今晚圤野夜唔夜。。柒頭。。呀。。呀唔係。。柒峰我想去你屋企呀哈哈哈哈哈哈哈哈哈哈哈。。。伯母想我買。。。買起你全家呀屌。。
「o畏！呀峰。。。峰！！你。。到我。。。講！！」以，好似係seven把聲，係我聽梗mk淇語無倫次既時候，seven好似開左口講野。
 
我嘗試聚焦，集中精神去聽seven講野，不過無奈mk淇d躁音真係好難頂，我好努力先斷斷續續先聽到seven講野：你朋友。。醉。。好重。。唔。。屋企。。住邊。。好累。。。。你出黎走。。。。。。
之後mk淇就好似鬆左手。
 
我重覆播段録音，佢話你朋友即係黃淇，但係唔即係咩。。？以，佢唔之後講左屋企，我又好似聽到住邊2隻字，屌，佢唔係想話mk淇唔翻屋企，要去佢屋企訓掛，雖然seven屋企好少有人，因為佢呀媽為生計打3份工，翻埋夜更，但mk淇都唔係咁是但咖。。seven都係一個普通男仔，一陣女女女左佢咁點。。。
 
諗到呢度，我即刻打俾seven，但佢手機冇人聽，我再打佢屋企，seven聽左電話：o畏，你朋友飲得好醉，軟到成pat泥咁頭先，佢又唔肯同我講佢住邊，我冇得簡要揹佢翻嚟，你可唔可以過黎搞搞佢呀。。佢嘔左成4次，我想開佢部機搵佢d朋友，佢部機又lock左，我真係冇哂佢乎。。。
 
我一聽事態咁嚴重，即刻快手著左件街嬲，同seven講：得，我飛的黎。


 
Seven屋企係西環個邊，我呢個時間都好難等到巴士，仲要我住咁遠，去到都起碼要差唔多12點，呢個時候根本唔到我細想黃淇呢個人值唔值得我咁夜仲撲出去，於是我cut左線之後即刻拎銀包，踢拖就出左去，就連屋企人都冇交代到。