DSE點令我由一個毒撚變做player: 18.

好焗，好焗，望住人來人往既馬路，我真係懷疑我有人群恐懼症。種感覺好似下一秒會俾人群逼死咁，再加上毒撚冇自信，我覺得周圍既人既笑聲都係衝住我而黎。
 
唔知你地點睇呢，呢次係我第二次黎朗豪坊，對上一次已經係因為行到太熱走入黎9行歎冷氣，我仲好記得個時係f.2，同班豬朋狗友著住件毒撚tee係度行，沿途俾d mk妹當怪物咁看待。我個時真係驚到想死，始終係男校唔會見到咁多女仔既目光望住自己。
 
總括黎講，我只可以話：
「我不喜歡mk，更不喜歡朗豪坊。」
 
我歎一口氣，開翻mk淇頭先send俾我張相，只見張相係好高影落黎，影到下方有一條好長既電梯，而張相下面既caption係：您古5古到莪係邊？（你估唔估到我係邊？）
 
再望一望前面呢條又透明又長既電梯，做個對照，應該係啦，我戰戰競競地踏左上去。旁邊係越黎越遠既地面，我深呼吸一口氣，其實我係有畏高咖，身為一個180既毒撚，講外出黎真係好撚諷刺。


 
無計可施下，我只可以望實前面對情侶去分散我既注意力，屌唔係講笑，佢地濕吻左好撚耐。
 
之後個條電梯更加唔使講，信我，你唔想知之餘我更唔願講，有人想知都唔講。身為一個真毒，冇女去搭朗豪坊條電梯真係好撚難堪。
 
幾經辛苦，終於見到最後個條樓梯，我再開翻張相，嗯應該係呢度。行上第一級，屌你係玻璃黎既？！
 
好驚好驚。我幾乎係合埋眼去行，直到聽到mk淇把死人聲我先睜開眼，把死人聲真係一世都唔會忘記同認錯：「我都話你會黎！」
 
我望一望mk淇執邊，果然有3個mk frd子，得一個人既頭髮係冇染。米住先，屌，原來染左，係一撮綠一撮深啡，只係o岩o岩角度問題。


 
佢地以不友善既眼光掃向我，我又開始低頭。
 
其中一位mk妹見到我好難落場，講左句：呀淇，我同lemon，水晶落去扯一扯煙先，你地慢慢嗲。
 
講完之後佢就拎出左包煙，踩住厚底拖好有霸氣咁同另外個2個mk妹走左。
而我就同留低既mk淇互相對望住，隨住厚底拖碰撞地面既聲音逐漸遠去，我地之間靜默既怪異氣氛就越見明顯。
 
終於係我開口先，因為我想聽到一個令我會有勇氣離開既答案。
 


「有咩事咁梗要叫我出黎？」
 
Mk淇望住我：頭先lemon佢地同我講呀軒俾人打，但你知唔知我去到竟然冇感覺，冇開心亦都冇唔開心。種感覺就好似只係望住一個陌生人俾人打咁。
 
我揚一揚眉：你冇必要俾我知道。
 
Mk淇用種好複雜既眼神答我：我只係想俾你知道，我放低左呀軒。
 
我真係覺得好撚好笑，關我撚事？你繼續去收兵，我繼續我既eu0，有咩唔好？
於是我吐左4個字出黎：唔關我事。
 
Mk淇見我咁冷淡，就話：但你知唔知道如果個時係你俾人打，我會義無反顧咁幫你。
 
我毫不客氣咁坐低係mk淇隔離既梯級上：第一，我唔會俾人打。第二，我就算俾人打都唔使你幫。第三，我唔想知你既野，我亦都覺得我冇需要去知。
 


Mk淇聽完之後就提高聲線話：咁個晚點計？
 
我語塞左一陣，之後先緩緩吐出左一句：當時你咁，我相信係男仔都會咁做。
 
Mk淇歎一歎氣：算啦。我估唔到同steven夾埋做場戲都呃你唔到。我知你唔鍾意我，我亦都唔會追到你，算啦。
 
我呆滯：下。。。。。。
即係seven原來由頭到尾都冇鍾意過mk淇，只係用激將法逼我講我點諗？？？[banghead]
 
Mk淇點點頭：好逼真呀可，初頭我好有把握，我地呢場戲可以逼到你講你對我既感覺，但我真係太高估自己。今次睇人係我失準，本身個晚我胃痛，你揹我個時我feel到你真係鍾意我。。。但之後我先知道原來你個晚會咁對我只係出自於憐憫，而家更確定左我呢個睇法。
 
Mk淇望住我，只見佢緊咬雙唇，好難堪咁樣。
 
佢望向天，索一索鼻：o畏柒峰，我冇唔開心咖，不過係有小小估唔到個計畫衰左姐。
 


Mk淇對眼濕濕地咁望住我：好啦我放棄啦，屌你，你真係好難媾，食古不化呢個字真係o岩哂形容你呀毒撚。
 
話畢，佢就起身拍一拍pat pat諗住走：好啦，頂你個肺，你知唔知今次係我第一次媾唔到仔炸。呢件事咁撚柒，千其唔好同人講。我走先啦，約左佢地銀中影貼。
 
我個心好煩好亂，完全唔識俾反應佢，但我知道我唔拉住佢我對唔住自己。
 
我扯一扯mk淇衫角：o畏。。
 
「？」
 
Mk淇用佢對水汪汪既大眼晴同我對視住。
 
我堅定既眼神又開始退縮。
 
「冇野講我真係走啦。」


 
我深吸一口氣，用盡我咁多年黎積聚落黎既勇氣講：黃淇，我都好。。。好鍾。。鍾意你。
救命呀好撚老套，但我就係講左出黎。
 
講完之後，mk淇既反應比我想像中更冷漠：唔好玩啦，好好玩咩。你扮得一d都唔似。
講完之後佢決絕地另轉頭，向前方既梯級行去。
 
屌！唔撚係掛！而家先黎食檸檬！
 
握住mk淇件衫角隻手開始鬆脫，睇黎今次佢真係要走啦。
 
。。。。
 
林逸峰，佢走啦！再唔起身摟實佢你就冇咖啦！
 


諗到呢度，我把心一橫，再次緊握住佢既衫角，借助手中既力量，將自己撐左起身。
 
佢好奇地望住我。
 
屌！唔撚理佢啦！橫掂點都係死，今次死都要搏一鋪！
 
我鼓起全身既勇氣，用我最大既力氣，抱實左mk淇：點。。點先信我？
 
因為我都有180cm，同16幾既mk淇相比都高佢成個半個頭，即使今日佢著既係mk妹最鍾意著既厚底波鞋，都係唔會睇到佢個而家既表情同反應，以我而家呢個摟住佢既姿勢，最多只係見到佢頭頂，所以我既膽都大左好多。
 
Mk淇個邊冇反應。
 
好啦，今次不成功便成仁！
 
我彎下身子，拉開我同佢既距離，然後狠狠咁錫左落佢嘴唇道，將自己既第二個吻都奉獻左俾mk淇。
 
老實講，我唔識錫人。但我淨係知道我地冇打茄輪，純綷只係將我地雙唇貼埋呢個動作都做左好耐。
 
直至mk淇鬆開懷抱住我腰對手：死毒撚真係連錫都錫得毒過人。
 
我直視住佢，只見佢塊面紅過紅蘋果，望住佢窘困既樣，我只係覺得我有種離地既感覺，好開心好滿足，從今以後我定會比從前幸福。對吧？
 
我諗每個人未被傷害前，總會覺得自己係世界上最幸福的一個。