DSE點令我由一個毒撚變做player: 24.

企係我面前既係戴住綠色con既大眼女，Lemon。
 
都未等我講野，佢已經話：你一定心諗點解我會知你住呢度啦，係steven講咖，我想講呢。。
 
我伸出手示意我唔想聽：得啦我明咖啦，我唔想再聽。
 
佢見我想走，即刻伸出手捉住我：你誤會哂啦！個晚淇因為佢呀媽又打佢先飲咁多，你初頭行埋去，佢心情仲係好差，所以先打左落去，你都知醉左冇意識咖啦。仲有佢同steven真係冇野，個時係因為我地安撫佢個時佢認錯左。。
 
我開口打斷左佢，因為我覺得佢真係係度胡說八度：認錯左？你不如直接好似d垃圾劇咁連呀爸呀媽都認錯埋？你都On9，男朋友都可以認錯，作都作過好d既藉口啦。
 


一時太嬲，我甩開左佢捉住我隻手，向前走去，點知竟然撞上左迎面而來既seven，seven見到我既表情又驚又喜：峰！
 
我懶理佢，目無表情咁向前行。
 
而呢個時候大眼女都追左上黎，佢同seven一左一右咁扯住我：你聽埋我地講先啦好冇。
 
我想走，但卻動彈不得。
但呢度始終係街，係街度拉拉扯扯實在唔係我作風，同埋身邊都開始有d人停低望住我地，我地就好似傻仔咁，當街做戲俾人睇，於是我既態度都軟化落黎：Ok，但你地要放開我先。
 
大眼女同seven都好聽話咁放開左手，seven應該都意識到我呢d毒撚格好怕人地望住我，於是佢話：不如我地搵個地方坐低傾下？


 
我點點頭，無可奈何下應承左佢，因為我唔想再同佢糾纏落去。
 
seven同大眼女拎住左3杯新地，坐左係我對面。
 
seven將手上既三杯新地平均分配，口中喃喃自語：拿呢杯正常既係lemon既，士多啤梨多醬我既，淨低呢杯走花生多醬先係你既。
 
我拎住手中呢杯仍舊有餘溫既新地，心入面又開始想心軟原諒佢，拎起右邊隻匙「更」，我一句野都冇講。
 
seven率先開口講野：其實我同淇淇真係冇野。。


 
我面色一沉，開始將我一開始既不滿發洩出黎：下話，淇淇，一定係朋友啦，我叫黃淇都唔叫淇淇啦，哦，我明啦，即係我應該叫佢黃淇，淇淇應該留翻俾俾你呢d普通朋友叫既。
老實講，呢樣野雖然我一路都冇講過出黎，但我心入面感受得到，一直都耿耿於懷。
 
seven大概冇諗到我既語氣咁強硬，佢連忙解釋：唔係呀。。我叫淇淇。。。
 
哈，佢叫到順口哂啦已經，完全覺得呢件事係順理成章。隔離既lemon用手踭撞一撞佢，佢即刻意識到改番口：即係我同黃淇個晚冇野咖。。你誤會哂啦。。
 
我揚一揚眉：你知我點都唔會信咖。
 
佢冇理到我，繼續講落去：你個晚嬲爆爆咁就走左，我地個個都趕唔切解釋，總之成件事係淇個時o岩o岩坐翻起身，我咁o岩坐係度所以先變左你睇既咁。。
 
下面既內容我都唔詳講啦，我只可以話我多疑既性格覺得佢講野完全唔合理，所以我唔信。但我決定要留待時機報復佢俾我戴既呢頂帽，所以我就扮信左seven同Lemon所講既野。