我值得擁有更好的人?: 真係可以嗎?

"可唔可以做我女朋友啊?"
一個星期啦, 冇同你講過野 冇揾過大家.....
仲記得聖誕節當日 你講左"可唔可以做我女朋友啊?" 我內心第一個反應係"真係可以咩?", 但係我同你講"比啲時間我"
甘就一個星期, 其實好朋友真人係可以做情人嗎? 分左手咪連朋友都冇得做, 現實一定唔會好似李大仁程又青.....
朋友還是情人? 友達以上，戀人未滿 係最遙遠的距離. 友誼係2個人和世界 而情人係2個人嘅世界.....
最後佢揾左我....
"其實我真係好想同你走到最後, 我知道你可能會驚 但希望你可以相信我"
"我驚...連朋友都冇得做 你明唔明?"
"你就相信我一次甘多啦 我會比你知道 拖住呢隻手 我唔會放嫁啦 我想未來日子入面 我可以張所有嘅情緒同呢個傻婆分享"
"邊個係傻婆喎!"

"甘李太囉!"
"妖你咩, 好肚餓啊! 我呢個星期都食唔好訓唔好啊! 傻佬!"
"到左 打比你啦 傻瓜!"

30分鐘過得
"點啊 諗好食咩未"
"成個好耐冇見你, 有啲唔習慣"
"從今日開始會日日都見嫁啦"
"我都冇話想見你!"
"見啊見啊 又話肚餓 想食咩啊!"


"你諗啦"

我地去左食老麥,之後去左海邊, 我諗大部份情侶第一次拖手仔都會去海邊掛.
"你做咩拖我隻手, 我又唔會走失"
"你甘蠢 我驚你會 拖實啦 傻婆"
"睇你就知你之前都甘拖你啲前女友嫁啦"
"當然冇啦 佢地冇你甘蠢"
"妖你咩 唔拖啦 你好衰啊!"
"講下笑炸 呢隻手我永遠都唔會放嫁啦"
"睇下點先啦"



我一直相信愛情唔會走到永遠, 一個人出生 當然一個人死亡....
友情到愛情真係可以長久嗎? 事實我係好離 分開的結果真係好痛.... 
可能受過傷 對於呢段感情 真係好冇信心 唉

"事實我真係好驚....."
"我真係甘唔值得信? 真係一次機會都唔可以咩?"
"你明嫁...... 我好開心可以識到你 我更加驚會冇左你, 不過你比啲時間我啦 對唔住啊"