「TBG!TBG!TBG!......」
「喂阿An!呢球大分瓶交俾你,7,10樽你練過九十幾萬次架啦。」
「ok啦!」

大家圍在一起,討論如何處理這局。回望分數板,我們的分數相差7分。
因為我們是後手發球,所以如果這大分瓶我能清理掉,就成為這次學屆保齡冠軍。

我拿起了我專用的12磅純白色的球,走到球道前,準備發球。
全場都靜了下來,凝視著我打這一球。特別是我身後的隊友及對手,這一球的處理直接影響勝負。



我低下了頭,合上雙眼,沉默當中有一絲微弱的聲音
「凌波微步,若落葉點水;白龍浮現,若翻雲覆雨」
我數著步法,用練習了兩年的經驗,將球發出去。
 
一年後

「喂阿An你就唔啱啦!TBG四子三個都去CU,得你一個去HKU,你唔怕無人同你吹水打機呀?」
「係咩?」這回應略帶唏噓。

「做乜呀你?你係考得唔好姐,但始終HKU A&F都係神科啦!入唔到CU但有得讀會計都起碼叫完你心願啦!」


「喂An仔,後日坐你船出海同TG舊生gathering你記得架麻?」

「仲有呀!一定要約TMG班女仔呀!係佢地今年讓TBG個名俾我地架,要多謝人地呀!」
「屌你咩阿J,你要溝女都唔好借阿An過橋啦!」
「咁係呀麻,出海無女女咁玩乜野呀?」

「得啦!到時我call Cathy睇下佢地去唔去啦!」我沉思了一會給了回應。

「唉,諗返起當年如果佢地要用B字頭,叫Team Bowling Goddess,咁我地會改咩名呢?」
「個時咪話左叫Team Ling Godlike囉,你係咪失憶呀J?」


「咁又的確係係Team Bowling Godlike型好多。喂細晞你屋企俾你出海架咩?」
「屌入左CU我要做咩佢地都唔敢出聲啦!仲要帶我去曬命架麻。」
「但係阿An好似新牌來喎。」

「係呀!我架船下水禮叫班朋友一齊玩囉,唔好太大期望呀。」
「喂阿An你今日搞乜野呀?成個人頹哂咁既,問你野又hea人。」
「係咩?」我相同的回應,他們便不再追問。不久後,阿J拍拍我的肩膀,表示他們要走了。

各自離開之後,我打開whatsapp,開啟與Cathy對話的視窗。
我的意識告訴我應該邀請她和TMG的成員一同慶祝,但我卻一個字都打不出來。
突然間,Cathy上線了。隔了一會,她傳送了一段訊息

「喂阿An,聽講你入左HKU A&F喎,恭喜哂!諗住點慶祝呀?」

我看著這訊息,真的不懂反應。