~「阿Kay?喂!搞咩呀?」
「咦~無謂要人地講到咁白啦!」
「唔係呀麻?真係架?」

「大你兩句就驚成咁,無鬼用。尋晚我地四個都飲醉哂,阿Cat同Amy係我間房訓左,我見你係沙發好似死左咁咪好心拖你返房訓囉,點知之後連我都暈左係你張床到,我都係今朝起身先知咋!」

「喂咁做咩會無著衫架?仲有我...我條褲呢?」
「你睇你,你自己揭開張被睇下先啦!」
我揭開被舖,真的找回了自己的衣物。



「咁...咁你呢?你又唔著衫既?」
「我啱啱先沖完涼,諗住入來避多陣先咋麻。」
「做咩要避呀?」
「阿Cat同Amy啱啱起身,仲未知我係你間房到過夜,尤其是唔好俾阿Cat知呀!唔係既話我真係唔知佢會點呀!」
「咁等我出去先啦!」

我穿好了輕便的在家服裝便走出房間,看到阿Cat和Amy已在吃早餐。
「阿An起身啦?一齊食早餐呀!」
「唔洗啦!你地食啦!」
「唔係喎!你今日好似要返學喎!」


「堂lecture取消左啦!」
「咁好啦!我地食完就走架啦!你一陣call下阿Kay睇下佢去左邊。」
「好呀!」

我去到廁所梳洗,不久阿Cat就來敲門。
「阿An我地走啦!記得今晚去練波呀!」
我拉開少少門縫
「咩練波呀?幾點邊到呀?我唔知既?」
「夜少少whatsapp俾你啦!走啦!」
「Bye bye阿An!」


聽著關門聲,阿Kay也走出了房間。

「阿Kay....我地尋晚真係無搞過?」
「無呀!你自己有無搞過都唔知架咩?」
「點知呀?尋晚俾你地搞到斷哂片咁!早知真係唔去啦!」

「同你講呀!尋晚個party係阿Cat秘密聯絡你個教練Miss Chu整架,係我地全部人都有份夾你去既。你記得要好好對阿Cat呀!」
「做咩呀?講到咁嚴重咁。」
「阿Cat佢同我講過,話佢好鐘意同你一齊既日子,我亦都好耐無見過佢咁開心。可能係你,係佢心目中代替左阿翼。」
「即係點呀?唔明喎!」

「阿Cat以前有個男朋友叫阿翼,係男羽代表,當年阿Cat仲係羽隊既秘書,佢兩個一路都過得唔錯,阿翼又會煮野食俾阿Cat食,好開心好幸福。但係一次阿翼約阿Cat出街,阿Cat早左到,阿翼趕緊去期間遇到車禍,當場死亡。」
「咁同我代替佢有咩關係?」

「後尾阿翼既家人認定係阿Cat害死阿翼,阿Cat亦退出羽隊加入保齡隊做戰術分析師。就係個一次,佢見到你,好似阿翼。」


她打開手機,顯示一張相,是她們當年同班的合照。

「第二排企右邊個就係阿翼,但我真係唔覺得你地似囉。」
「咁...咁即係...我係水泡?」
「咁又未必,不過阿Cat可以為你改變咁多,相信都好難否認佢係鐘意左你,想藉此淡忘以前既事。」