今個學年,我多左三個女室友: 22
我坐下來,伸出雙手,放在琴鍵上。數了拍子,開始彈奏。是容祖兒的《續集》。
「何時開始 多多一次看你我如何演」
「多多一部續集用來如願 命運或能完全改變」
「然而現況 是各自各一邊」
「但願有天 會真的跟你結識暗戀熱戀多一遍」
「期盼來到這天 遺憾橋段可變」
「時間場地改變 唯獨人物不變」
離開鋼琴,在眾人的掌聲中,再被引領到台的另一邊。
「好多謝鍾公子咁精彩既演出,依家我地已經準備好啦,有請鐘生一家人,上台抽出我地既幸運兒。」
現場除了掌聲,更多了歡呼聲。
「蠍仔頭先表演好好聽呀！」母親過來親了我額角一吻。
「多謝媽咪！」
「係呀表哥！好耐無聽過你彈琴唱歌啦！真係好好聽！」
「有機會再彈俾你聽。抽獎先啦！」
在指引下,我們眾人送出了很多禮品給員工們。
包括公關部的副經理Paul,會計部的核數師Tommy,法務部主管Macy。他們三人服務公司已久,領獎之餘更獲父親的一封大利是加獎。
最後的大獎抽到是設計組的高級設計師Ken。眾人似乎意猶未盡,呼嚷著加獎品再抽。
「咁多位勤勞既員工大家無需擔心,大家既努力公司同鍾生都見到,亦都全靠大家共同努力先有今年我地咁好既業績。
所以鍾生已經決定,除左剛才既抽獎之外,今晚每位來賓離開之前都會收到一封鍾生既利是,希望各位繼續努力為公司辦事,過一個開心既聖誕節。」
晚宴正式結束,員工們都開始離開。我們回到桌旁,跟Cat她們聚首。
「嗯...阿爸阿媽...我地走啦！」
「好啦蠍仔,要打電話返來呀！考完試同班朋友仔上來食餐飯啦！」
「好,多謝阿爸。」
「阿明已經係出面等緊你地,快d返屋企好好休息啦！」
「Hailey幫我睇實天蠍呀！同埋Daisy呀！」
「我會架啦媽咪！」
我們也離開了宴會廳,走到街上。看到了明哥的車,便逐一登上了。
這晚跟上次reu的情況差不多,阿Cat和阿Kay一上車便醉倒了。
不過這次是阿Kay躺在我的腿上睡,家姐則在中座照顧阿Cat和Daisy,Amy在前座安然無恙。
回到家中,大家都已經不省人事。
我和家姐幾經辛苦將阿Kay,阿Cat和Daisy三人帶進屋內,安置在自己的床上睡了。
Amy則是幫我們準備熱毛巾和茶,以備不時之需。
我先替阿Cat除下飾品,鞋襪,給她敷上熱毛巾。她似是有點反應,但轉眼又睡了。
然後是阿Kay。同樣的替她蓋好被子,敷上熱毛巾。
回到客廳稍坐一會,家姐也出來了。
「今晚大家都攰啦！Daisy留係我到,等我睇住佢啦！我返房沖涼先。」
「好啦！家姐。」
我也到浴室洗澡,出來就回到房間睡了。
關了燈後,我聽到房門有一點碰撞的聲音。
我警覺地望向房門,慢慢的從床上坐起來。
房門慢慢推開,窗外的月光打進房間,直射房門。
但卻被一樣物件反射光線,照進我眼內。
「啊！邊個呀？」
「阿An...」
「...阿Kay？係咪你呀？」
那身影進了房間後便關上了門。
走進來坐在我的床上,鑽進被窩內。
「做咩呀Kay？你應該休息多d架。」
「我好好多啦,但係我訓唔著。」
「咩事呀？」
「因為你今日...做咁多野...我真係好感動...」
「做咩呀？我唔明喎。」
「兩年前我學校謝師宴,我有個鐘意左好耐既同學,佢個晚邀請左我做佢partner。」
「個晚佢又請我跳舞,又一齊食野,同其他同學老師吹水影相。」
「有一刻我真係以為佢都鐘意我,直到....」
「直到佢陪我去corner到同其他人唱k,我叫佢唱俾我聽。」
「佢當眾話係玩我,由一開始邀請我去grad din就已經係一個同朋友開既賭局。」
「佢朋友賭佢邀請我,同我跳舞,就贏錢。」
「最後佢仲走左去,我喊左好耐,差唔多都兩個禮拜。」
「所以今晚你唔出去跳舞？」
「係呀...我好驚歷史重演。但係你又自彈自唱,所以我知道,你同佢唔同。」
她頭搭在我手臂,雙手捉著我的手。
「阿An呀...其實...點解你會唱歌俾我地聽？」
「下....無架...Agnes話撐下場,俾少少時間佢,又可以表演俾阿爸阿媽同你地睇...」
「嗯...多謝你阿An。」
她轉身坐在我的大腿上,雙手按著我的肩膀。
微弱的月光映照她的臉龐,她慢慢的靠近,四唇交接。
我們都沒有動作,只維持這狀況。
「阿Kay...你...你醉啦...休息下啦！」
「阿An...你知唔知...我好辛苦呀！」
「Kay,我知道...家姐同我講過。」
「阿An,你知唔知我真係好想同你一齊架,但你一定要阻止我...」
「Kay,你醉啦...」
「Antares！應承我！你要狠狠咁拒絕我...我唔可以...一定唔可以...唔可以架 ..」
說著她便倒下來了,她整個人將我推倒,伏在我身上。
這晚我們相擁而睡,她的力度很大,捉得我很痛。
而我則只要給她安全感至於其他的,也沒想太多。
第二天,阿Kay先醒來。她一動便驚醒了我,雖然是這樣,但她未有放手。
「早晨阿An。」
「早晨Kay。」
「我個頭好痛呀...」
「你尋晚飲咁多,又唔好好地休息,緊係痛啦！」我摸著她的頭。
我們離開了房間,她先去浴室梳洗,我則去廚房準備早餐。
阿Cat,Daisy,Amy,家姐相繼起床。眾人吃過早餐,已經擺脫了昨晚的疲勞。
家姐和Daisy如常回公司工作,Amy則回校繼續上課,阿Kay也有兩堂講課要上。
只剩下我和阿Cat二人在家中溫書。