簡介

其實我很懷念公開試



其實我很懷念公開試

公開試 有人認為係決定一生最重要的轉捩點,

有人認為係學生成長到大人最重要的證明。

但我就認為是人生與朋友最開心的時間。

老實講,中學認真溫書的時間最多只有半年 就係1月至5月。



其實,我都冇咩道理想講。

只係呢個月見到好多考生,令我諗返起自己同朋友既一點點回憶。

所以就想打一篇文章,去回憶一下呢段時光。

我諗應該做唔到共嗚。哈哈,因為呢個係我公開試既故事。

不過有興趣大家可以睇下啦。



我係一間普通學校讀書,唔係名校,但好彩係男女校。

到中六12月個陣,大家先知公開試就到,係時候發力。
我好奇怪, 係屋企會集中唔到溫書。 係自修室太靜又係溫唔到書。

所以,我就係學校地下d自修枱到溫。

最重要就係我地成堆朋友都係個到溫書。

每日放學,我地十五六位男同學就會霸幾張枱溫書、溫書同溫書。



係學校溫既優點係,唔識可以問老師同學。

攰可以打波吹下水。

我記得個陣,我地風雨不改。

由12月至到5月考完個日都係到。
大年初一又好,三號風球又好,都會係到。

每日由朝早9:00去到夜晚21:00,三餐大家都一齊食。

最記得就係我地係公開試期間,係學校夜晚冇人搞左好多活動。

動既有: 全校捉伊因、羽毛球手球閃避球比賽、足籃排比賽、等等


靜既有: 打邊爐、大富翁、猜樓梯、等等
可能,我地用左好多時間去休息。

但如果比我地選多次,我地都會照做多次。

呢d係唔係叫青春任性,我唔清楚。

只係知道好開心。

係半年入面,係人生同朋友最快樂既日子。

其實冇咩特別要諗,只係知盡力考好個試就得。

而我修讀地理科,係最後一科應考既科目。



去到4月尾既時候,每日留低溫書既人一日比一日小。

但係,考完既朋友都會留低係到支持我地。

說穿了,就係佢地未搵到工,哈哈。

公開試,180日都對住十幾個男人同書。

呢D應該係青春。 到最後,我地咁多個人都各散東西。

但十分十分好彩,我地過左咁多年, 每個星期都會出來一聚。

而家有D人要咩係頭家,有D人就要努力讀書。

我諗大家最無憂無慮就係公開試個半年。



中學,真係人生最好玩最好玩既時間同地方。

如果你有幸仲讀緊,你真係要好好珍惜。

如果你同我一樣讀完,又懷念朋友既話。

不如厚著面皮打開手機,搵一搵老友們,

即使做搞手慘過cut唔到有線,但我諗係值得既。

其實本身係想打公開試既野,

但打下打下,發現原來我懷念既唔係公開試。



而係同朋友無憂無慮既時光。

所以我應該離左題, 咁樣作文的話,

我會拎f/lv.1

但到最後,都要講一句: 各位考生加油。公開試其實只係人生一個好小既挑戰。
已有 0 人追稿