第六章 - 物資爭奪

「...!?」阿謙猛然張開眼睛。
他發惡夢了。
他看著左方,三十多人在地板呼呼大睡。
他仍然在錦上路站;猶如科幻的情節,仍然真實的在現實運行。
他真實的身處一個好比惡夢的死亡遊戲中,沒有人知道,自己的下一步會怎樣,會突然死亡,還是被五馬分屍。
睡在冰冷的地板感覺很差,弄得阿謙腰酸背痛。
可這已是現場唯一值得自我安慰的東西 ...
因為 ... 你仍然活著 ...





「六點半 ...」他搔了搔後腦勺,看了一下手機屏幕:「唉 ... 仲未開始 ...」
他留意到,身邊還有一個人在睡。
阿琳 ...
「唉 ...」阿謙現在才認真的觀看她:「呢啲係咪叫 ... 係唔岩嘅時間,遇上岩嘅人?」
烏黑的長髮 ... 端正可愛的五官,睡起來仍保持輕輕的微笑 ...
阿謙,不知不覺的對阿琳動心 ...
他,很想好好保護眼前這個女人。
「放心 ...」他輕摸了一下她的秀髮:「我唔會比你有事 ...」





阿謙站起猛力搖頭,到洗手間作了簡單梳洗後,在車站內散步,享受著晨光。
這是他現在唯一能做的事 ...
「鈴 ...」手機傳出聲音。
「Whatsapp?用到咩?」Whatsapp傳來新信息,阿謙查看起來。
「屌 ...」Whatsapp仍然未能接通外界,這是不名遊戲組織傳來的語音。
他收聽 ...
「早晨呀!收到Whatsapp係咪好開心以為上返網呢?傻豬黎!諗多左啦你地!」A溫柔的聲音跟殘忍的現實完全不搭調。
「屌 ...」阿謙非常失望。
「不過咁,而家聽緊呢段Whatsapp錄音嘅你地有福啦!因為,我而家會公佈第四回合嘅玩法,我唔會係廣播系統再重覆嫁啦!
如果你唔想做人渣,咁快啲叫醒你身邊嘅朋友一齊聽啦!




正所謂,早起嘅鳥兒有蟲吃,起唔撚到嘅鳥兒,乜柒都冇得吃嫁!所以,留心啲聽清楚 ...」

「第四回合,你地將會進行物資爭奪,物資就係你地今日全日嘅食糧,每一個物資箱入面都會有十人份量嘅食物。
九十分鐘時間裡面,每十分鐘你地都會收到信息,信息會顯示物資箱隨機出現嘅地方,而每一條線都會有一個物資箱出現。
你地要係自己所屬線路嘗試搶奪物資箱,遊戲其實就係咁簡單。
但係,由於物資箱入面嘅食物只足夠九百人食用,所以,搶唔到,你地全日都唔會有野落肚,係咪好撚驚呢?哈哈哈!
呢個回合,非常考驗大家嘅合作性仲有同理心,搶物資箱需要高度合作。
成功拎到物資箱之後你地又會唔會分食物比有需要嘅人呢?定係想盡力打擊你地嘅對手,等佢地餓足全日降低佢地嘅戰鬥力呢?
朋友同敵人,好多時只係一線之差。
七點半我地會提供早餐比你地,如果你地唔好彩拎唔到物資箱,呢餐就係你地今日唯一一餐嫁啦。
要知道,世界上仲有千百萬人每日都要捱肚餓,作為香港人,你地有冇珍惜過食物呢?
如果連諗都冇諗過自己,而家好好諗下,其實你地每一日都過得好幸福。
另外,第三回合拎到最高分數嘅五十人,獎勵就係一人份量嘅食物包。我地會send一個信息比你地。
你地可以係今日任何時間之內,向我地嘅工作人員出示信息,我地就會比食物包你地。
希望各位好好enjoy埋呢個朝早,同埋我地提供比你地嘅早餐啦!」





Ciro和Dennis早已睡醒,他們聽完這段信息後已開始盤算起來。
「而家筲箕灣,杏花村同柴灣三個站都係我地嘅 ...」Dennis奸笑。
「只要物資箱出現係呢三個地方,就唔會有人同我地爭。」Ciro說出重點。
「冇撚有錯!」
「咁樣啦,陣間如果個箱係杏花村同柴灣,你去拎,我留係度守住筲箕灣,點睇?」
「咁益我?你唔怕我出賣你?」
「人一世物一世,邊有咁多時間驚呢樣驚嗰樣?痴撚線!」
「巴打,」Dennis伸出手跟Ciro擊掌:「贏就一齊贏,輸就一齊輸,殺就一齊殺,好冇?」
「Deal!」

Whatsapp再出現另一段信息,阿謙細閱著:
「第三回合最高得分的五十位乘客,開始據點分別為:
1至5名:尖沙咀站、金鐘站、尖沙咀站、荔景站、九龍塘站;
6至10名:油麻地站、尖東站、旺角站、大圍站、青衣站;




11至15名:柯士甸站、車公廟站、觀塘站、中環站、尖東站;
16至20名:九龍站、九龍站、九龍站、美孚站、尖沙咀站;
21至25名:旺角站、柴灣站、九龍塘站、深水埗站、青衣站;
26至30名:康城站、九龍灣站、旺角東站、尖東站、九龍站;
31至35名:欣澳站、欣澳站、九龍站、金鐘站、油麻地站;
36至40名:南昌站、九龍塘站、太子站、葵芳站、堅尼地城站;
41至45名:筲箕灣站、金鐘站、銅鑼灣站、尖沙咀站、太和站;
46至50名:佐敦站、紅磡站、銅鑼灣站、第一城站、南昌站。

以上乘客,以到獎勵信息後,請向工作人員查詢。」

「荃灣線打到七彩,轉線站特別多人上榜 ...」阿謙分析起來:「之前兩個回合拎第一嘅康城站同筲箕灣站繼續強勢,痴線,點做到?」
「嗯 ...」阿琳輕吟了一聲。
「你醒啦?」
「嗯 ...」她轉身變成倒睡睡姿後,繼續睡起來。




「...」阿謙輕撫了一下她的秀髮,會心微笑:「傻瓜,你都係好好訓多陣啦,搵物資交比我,我唔會要你捱肚餓!」

----------

時間來到七時三十分,Ciro和Dennis立即到餐車中吃起早餐。
「食飽啲,陣間要打晒全條線。」Dennis提醒Ciro。
「放心啦,我地兩個都上左頭50,餓唔死嘅。」Ciro搖了搖手機。
「我唔想你比人打死呀!」
「你同我定,唔會有人過到筲箕灣!」
「你以為自己係張飛呀?一個人守長板橋?」
「呢個gag好爛,不過我鍾意。」
「食啦,仲講!啲槍上晒彈未?」
「一早搞掂,咁物資箱方面就交比你。」
「冇問題。」





「喂!起身啦!」徐銘驊被吵醒,叫醒他的人是一個中年白領女士。
「呀?!」他被嚇倒:「咩 ... 咩事?」
「食早餐啦!」
「陣間先啦 ...」他轉身,希望無視一切。
「你而家唔食,今日可能冇得再食嫁啦!」
「咩呀?你講乜呀?點解會冇得食呀?」
「你起身先,之後聽下你電話段新Whatsapp錄音就明白。」

徐銘驊不情願的坐起來,只見荃灣線中環小隊的人大部分已起床,還沒起來的跟徐銘驊一樣被其他隊員叫醒。
「嘩!唔係搵啲咁嘅野黎玩呀?」他聽完錄音後擔心起來,整個人的魂魄立時回歸。
他走到餐車前拿了一個鳳爪排骨飯,一邊吃,一邊聽著Peter說的新事項。
「各位隊員早晨,你地都已經聽晒組織發佈嘅錄音,大家應該知道,今日將會非常難捱。」
「Peter你打算點?」其中一位白領男士問。
「因為另一個信息公佈左第三回合賽果,當中有好多高手集中係尖沙咀站,所以 ...」
「你唔係要我地尖沙咀嗰班殺人王正面衝突呀?」白領男士立即追問。
「當然唔會啦,但我地一定要過九龍嗰邊,荃灣線係港島區只有兩個站,物資箱出現機會唔高,而且中環仍然太多人,亂起上黎大家都會有危險。」
「講白啲啦好冇?」另一位男士說。
「我地小隊總共有43人,要包起一架車難度唔高,加上我地有足夠武器,可以守得住成部車。
陣間,有槍嘅隊員請去車頭、第四卡、第五卡同車尾,見到其他人想入我地架車就殺,唔好比佢地入黎。
有近身武器嘅隊員就係第二卡同尾二嗰卡負責保護冇武器嘅隊員。
大家分工合作,只要成功入到深水埗就會安全,因為深水埗至荔枝角人流比較少,比較安全,物資出現嘅機會都比較高。
有冇人有異議?」
「冇!」大家拍手支持。

徐銘驊知道,這次他將要擔當重要角色。
他希望用這個回合,重建信心。
「睇住黎 ...」他摸了摸黑星手槍,慢慢投入起來:「今次一定要做場好戲 ...」

八時正,各車站響起一下提示鐘聲後,第四回合宣佈開始。
「鈴 ...」手機傳來信息,Ciro打開查看。
「港島線第一個物資箱出現地點:灣仔站。」
「好,等下一個。」他微笑了一下,然後向站在車尾月台的Dennis比了一個交叉手勢,Dennis也向上方開了一槍表示同意。
他倆的計劃是,先阻止其他乘客進入筲箕灣站,若然物資箱出現在筲箕灣、杏花村或柴灣,Dennis負責拿物資箱,並將箱子收藏好。
他們守在往柴灣方向的月台,Ciro在車頭,Dennis在車尾,看到入侵者便射殺。
首五分鐘經過的列車都是空車,並無任何危險。
直至 ...
「港島線第二個物資箱出現地點:筲箕灣站。」第二個信息傳來。
「Go!」Ciro大喊,Dennis聽到後立即跑上大堂。
月台只剩下Ciro一人。
第十一分鐘,一輛列車駛進月台。
車門打開,約十多個男人從車廂跑出來。
「砰砰砰砰砰 ~~~」Ciro用AK47向他們掃射,沒為意的入侵者們瞬間變成Ciro的槍下亡魂。
歷時五分鐘時間,每一個想到達筲箕灣站的人都變成Ciro的槍靶。

當Dennis重新回到月台時 ...
「搞掂未?」Ciro問。
「搞掂,收好左,個箱入面有十盒乾糧,仲有一個微波爐同二十盒叮飯。」Dennis回應。
「有冇乾炒牛河?」Ciro微笑,向Dennis比了大姆指。
「有,哈哈。」Dennis也笑起來:「如果杏花村同柴灣有物資箱,拎唔拎埋?」
「到時先算 ... 黎啦 ...」又一班車駛入月台,車廂內約有三十人。
「好,殺!」
「砰砰砰砰砰 ~~~」
「砰砰砰砰砰 ~~~」

「西鐵線第四個物資箱出現地點:尖東站。」
「頂 ...」阿謙開始著急起來。
他知道,這回合的重要性比之前三個回合都來得高。
要是沒拿到任何食物而進行遊戲,體力消耗將以幾何級數上升。
他的目標,是兩份食物。
一份自己的,一份給阿琳。
阿琳剛才醒來後,阿謙著阿琳躲在小雜物房中,然後反鎖自己,就算遇上任何事也不要出來,直至自己拿到食物後跟她回合。

阿謙已到達元朗站,整個站約有四百人,而且連群結隊的組成一個個小組,阿謙這個外人顯得不受歡迎。
早前在西鐵線,三次物資箱的出現地點分別是兩次南昌站和一次兆康站,所以,大部分元朗站的人也開始著急起來。
「不如攻入天水圍啦。」阿謙聽到有不少元朗站的乘客想要改變策略,主動出擊。
「天水圍咁撚多人你覺得攻得入咩?」
「你覺得我地少人咩?低能嫁你?」
「屌你呀?係咪撩交打呀?」
「係咪打呀,屌你老母!」

「三句唔埋兩句就嘈,此地不宜久留 ...」阿謙直接走上剛到達的列車,繼續往屯門方向去:「下個站係朗屏,應該唔會好多人。」
到達朗屏後,距離第五個物資箱出現的時間,還有一分鐘。
朗屏站人數不多,只有約一百人,而且人群分散在車站各處,看來組織性沒元朗站般強。

五 ... 四 ... 三 ... 二 ... 一 ...
「西鐵線第五個物資箱出現地點:元朗站。」信息傳來,阿謙立即查看。
「屌!唔係咁黑呀?」

「巴打,仲有幾多子彈?」Dennis問Ciro。
「岩岩70粒。」Ciro回應。
「我唔夠150,仲有半個鐘,未必夠。」
「唔好講住,黎啦,搞掂先。」
「砰砰砰砰砰 ~~~」
「砰!砰!砰!」

他們又解決了十多人。
「每一分鐘黎一架,咁真係唔掂。」Dennis開始擔心。
「所以我轉左用黑星啦,比你。」Ciro把褲袋的AK47後備彈匣拋給Dennis,再拆掉自用那AK47的彈匣:「拎晒去用。」
「下?」
「得嫁啦,我有黑星,又有左輪,頂得住。」Ciro左手拿黑星,右手拿左輪。
「頂到呢round都頂唔到下round,不如殺埋過西灣河?」
「唔好,而家keep住有人黎,好明顯前幾個站情況唔會好得去邊,除左第二個物資箱之外,冇野再係我地守嘅站出現,
都keep住有人黎,唔多對路。」
「你岩,咁而家點?我地啲子彈最多頂到大約十班車嘅人。」
「我上去問下啲蒙面人,你守住。」Ciro跑上大堂。
「Ok。」

Ciro跑上大堂詢問黑衣蒙面人。
「Sorry,我想問,邊度有得補給子彈?」
「你地肯唔肯用食物換?」
「可以咁換嘅咩?」
「可以,一人份量嘅食物可以換一把槍同二百發子彈。」
「如果唔要槍,只係要子彈呢?」
「咁樣可以換四百發子彈。」
「換!」

Ciro從物資箱取出五份食物,交給蒙面人。
「你地用咩槍種?」蒙面人問。
「AK47。」
「你跟我黎。」
蒙面人帶Ciro到車長室 ...
「嘩!」Ciro看到除了AK47和MP5外,還有很多新的槍種:「唔換AK47子彈係咪可以換其他?」
「係!」
「咁我要換 ...」

「巴打!快啲上去換槍!」Ciro跑回月台大喊。
「好彩你返得切黎,我得返十幾發 ... 等等,咩換槍?」
「上去拎物資箱啲食物換新槍,我換左兩份,你去換三份啦,留返五份備用,有好多槍揀!」
「嘩!屌你呀?XM8?」Dennis看到Ciro的新槍。
「係呀!快啲上去啦!」

「砰!砰!」
「守住呀!唔好比人入黎!」
「砰!砰!」「嚓!嚓!」

列車來到太子站,荃灣線中環小隊死傷慘重,人數只剩下原來的三分之一。
途經尖沙咀至旺角時,大量兇狠的乘客嘗試衝擊車廂,小隊雖然成功阻截,但部分小隊隊員被自殺式同歸於盡。
徐銘驊是暫存的其中一人,在他負責防守的車尾部分,情況比較樂觀,只有兩人被殺。
「可惡 ... 殺極都仲有 ...」他不斷射擊嘗試衝擊車廂的人:「咁邊夠子彈 ...」
「救命呀 ...」一位年輕母親手抱著小女孩嘗試跑進車廂。
徐銘驊看到此情景,心軟了一下,沒有對其進行射擊。
「快啲趴低!」徐銘驊示意剛進入車廂的兩母女伏在椅子前方。
「阿驊你做乜放人入黎呀?」小隊其中一名持鐵棍的隊員大喊,語氣帶有不滿。
「唔可以見死不救!我地唔係見人就殺嘅殺人狂魔呀!」
「屌!我地小隊都就快保唔住,你仲救人?痴撚線嫁?」
「砰!」

徐銘驊向這位自私隊員的腦袋轟了一槍,隊員即時死亡,倒在地上。
他把那人的屍體踢出車廂。
「我唔會再做違背良心嘅事 ...」他轉頭跟母女說:「放心,支持多一陣。」
「多謝你 ...」年輕母親充滿感激,不斷點頭道謝。
「拎住,」徐銘驊把黑星手槍交給母親:「用佢,好好保護囡囡。」
「下?」
徐銘驊拾起前隊員的鐵棍:「死都要死得有價值!」
他在車門關閉前的一刻,衝出車廂,進入混亂的太子站月台。

他決定,要把手無守鐵的人從戰場中拯救出來。
面對一大群早已喪失理智的魔頭,在絕境中變清醒的他,能成功嗎?

同樣的情況,卻不是每個人均有一顆善心。
「唔好殺我地呀 ...」一群剛走進筲箕灣站的乘客向Ciro和Dennis求饒。
「點解我地唔殺得你呀?下?」Dennis用剛換取的FG42指著其中一個男人的腦袋。
「求下你地啦兩位靚仔,我地好辛苦先走到出黎。」
「咁關我地撚事呀?」
「Dennis,」Ciro阻止Dennis:「聽埋佢地講咩先,阿叔,唔想冇命就快啲講,我地唔係好好耐性。」
「北角 ... 而家七國咁亂 ... 將軍澳線啲人,佢 ... 佢地一見到港島線嘅人就殺,話咩 ... 要搶埋港島線 ...」
「憑佢地?傻撚左呀?當我地港島線流嫁?」Dennis非常生氣。
「佢地已經佔領左北角同鰂魚涌,將港島線分開左兩邊,求下你地啦,大家都係港島線嘅人,放我地一命啦。」
「Dennis,我覺得佢咁講錯唔晒,大家狗咬狗骨,只會益左將軍澳線班撚樣。」
「好,巴打,我聽你講。」Dennis被Ciro成功說服:「我地唔殺你地,但我要你地掉頭返西灣河。係生係死睇你地自己,想人接收就搵西灣河啲人接收你地。」
「多謝兩位靚仔!」人群走上前往堅尼地城方向的列車回頭往西灣河。

「我以為你真係殺紅眼。」Ciro說。
「我係火爆,但我唔係白痴,佢地比左個咁重要嘅情報我地,放佢地一馬有咩所謂?」
「睇黎將軍澳線班撚樣心頭都幾高。」
「其實岩岩聽嗰班人咁講,搞到我想殺出北角。」
「可以,但唔係呢個時候,呢個回合係拎物資,唔係殺人。」
「...」
「我地唔好再殺住,好好諗下點樣對付將軍澳線班人,再有人黎,趕佢返西灣河就算。」
「下?」
「我有預感,將軍澳線班人唔易對付,特別係康城站嗰條友,要留多啲人做炮灰。」
「係喎,唔講差啲唔記得左佢地有條友幾犀利。」
「而且,已經黎到第二日,遊戲應該會愈黎愈難玩,到時一個唔覺意,個低能組織要我地兩條線互打,以我地咁殺,冇人幫我地頂,一定好難捱。」
「岩,巴打,你真係諗得好周詳。」
「呢個時間,諗少一樣細節可以影響好大,我只係想生存到最後,唔係要做殺人王。」

再有列車駛入筲箕灣站月台。
「全部出黎,掉返轉返西灣河,如果唔係我地就殺!」
Ciro向上方開了一槍,人們只好聽著Ciro的指示回程。
「哼 ... 將軍澳線 ...」

「強叔!頂住呀!」阿發失聲痛哭。
「...」阿光輕輕搖頭。
「呀 ...」強叔的生命進入最後倒數。

身處鑽石山站的他們,因為其中一次物資箱出現在該站,大量乘客湧入站內並互相打鬥,強叔不幸被流彈射穿肺部。
「強叔 ... 強叔呀 ...」阿發不斷輕搖強叔的身體。
「阿發,唔好咁啦 ...」阿光試圖安慰阿發。
「點解呀!」
「加 ... 加油 ... 阿 ... 發 ... 要捱到 ... 最後 ...」強叔勉強擠出一句話。
「唔得,唔可以,強叔你話過要同我一齊留到最後嫁!」
「我知 ... 你係叻 ... 叻仔黎 ... 要 ... 要出埋我 ... 嗰份力 ...」
「啪!」強叔向側邊一倒 ...
「強叔!」阿發泣不成聲。
「...」阿光也低下頭。

「呀 ~~~」阿發突然拾起鎚子衝往人群,看到人便揍,一連數人被阿發打至頭破血流。
強叔的離開令阿發完全忘記受傷的痛楚,他揮打動作之大,令貼在背上的紗布爆開,血水不斷流出,滲在衣服上。
「冷靜呀阿發!」阿光跑上前,從後圈鎖著阿發的手臂,阻止他繼續發狂。
「呀 ~~    ~」阿發不繼掙扎,他已變成一隻失去理智的野獸。
「你咁樣邊對得住強叔呀?我唔傷心咩?醒下啦!人死不能復生呀!」

----------

「仆街 ...」徐銘驊按著左手手臂的傷口,不斷逃命。
他成功救出十多個人老人家和小孩,把他們送上往荃灣方向的列車,可途中被人斬傷。
他跑向A出口 ...
「啊?你有冇事?」一個年約二十五的女子看到他,連忙走過來。
「話冇事就呃你嘅!」
「過黎,我幫你!」

A出口盡頭,聚集了約二十人,他們有部分也是傷者。
「坐低抖抖先。」女子示意他坐下,然後拿出急救用品給他包紮。
「你地係?」徐銘驊問。
「原本係太子站嘅普通乘客。」女子笑著回答:「而家係太子站救援小組其中一個救護員。」
「太子站救援小組?」
「你而家見到出面打緊嘅人,全部都唔係太子站嘅人,佢地全部係觀塘線過來亂殺人嘅人。」
「你係荃灣線嘅?」
「冇錯,你呢?」
「荃灣線中環站。」
「咁遠走到過黎?」
「呢樣遲啲再解釋你聽。」

「西鐵線第八個物資箱出現地點:朗屏站。」
阿謙立即從暗處跑出來,直衝往物資箱,他一邊跑,一邊打開背包的拉鍊。
物資箱位於朗屏站大堂的正中央,有三數個乘客跟阿謙一樣向箱子衝去。
阿謙是第二個人到達物資箱所在地,第一個人把物資箱內的食物全部倒在地上,拿了兩盒餅乾後便離開。
物資箱內,全部是餅乾和包裝蛋糕,阿謙快速的把兩盒餅乾和數個包裝蛋糕塞進背包後,跑向月台。
「呼 ... 呼 ...」往紅磡方向的列車剛好駛進月台,阿謙立即跑進車廂,連喘數口大氣。
列車很快的關上門,直至開動時,阿謙才能真正的放鬆。
「終 ... 終於拎到啦 ...」

「鈴 ...」手機傳來信息。
「公告:
機場快線的所屬乘客經已全部陣亡,本組織將充公全部機場快線的物資,並關閉線路,請各乘客五分鐘內離開機場快線範圍,多謝合作。」
「下?咩話?死晒?」阿謙大驚。
他立即想到,元兇一定是東涌線的乘客,還有 ...
「睇黎勁嘅唔係東涌線,只係機場快線啲人廢,而且,迪士尼線啲人都唔差,得兩個站,咁少人都守到咁耐 ...」
在阿謙的思考時間內,列車已到達他的起點,錦上路站。
他立即跑向阿琳所在的位置。
「等等先 ... 點解成個站靜左咁多?」
他有不詳預感。

「啪啪啪 ...」他敲起門,小聲的說:「阿琳,係我 ...」
「阿琳 ...」
沒人回應。
「轟!」他直接撞門。
「轟!轟!轟!轟!」
「啪!」門終於被撞開。
小房間內,空無一人。
阿琳不見了。
「點解 ... 阿琳呀!!!」

「港島線第九個物資箱出現地點:香港大學站。」
「收工。」Dennis把FG42步槍放在地上。
「...」Ciro也坐在地上。
他看著手上的XM8步槍,因受不了長期開火,槍身出現裂紋。
「紡製槍係咁上下,」Dennis說:「XM8只係一把試驗版槍,我諗呢個組織嘅XM8一樣係紡製版。」
「我上去換左佢。」

此時,三個黑衣蒙面人向他們走來。
「將你地嘅槍交返比我地,我地要回收。」其中一個蒙面人說。
「下?」Dennis不解。
「唔止係你地,呢個回合完左之後,所有人今日之內都唔可以用槍械類武器。」
「搞事呀?呢頭比完我地而家話要收返?」Dennis的躁狂性格再次發作。
「比定唔比?」另一個蒙面人舉槍指著Dennis。
「嗱。」Ciro首先交出手上的XM8給蒙面人。
「你個老友比左啦,咁你比唔比呀?」
「比囉。」Dennis不情願的把槍交到蒙面人手上。
「你放心,我地回收左你啲槍之後會補償返比你地。」

最後一個提著銀包箱子的蒙面人打開手上的箱,裡面是各種各樣的近身武器。
「隨便揀。」他說。
「可以拎幾多樣?」Ciro問。
「如果你用得晒,拎晒去都得,不過咁多種武器,我唔信你識得用晒同埋用得著晒全部。」
箱子內,有中國的刀劍,西洋刀,軍用刀,軍用手鎚等。
Ciro拿了一把西方直身佩刀和一把美國軍刀,他把軍刀掛在後腰收好,然後拔出長佩刀,輕輕揮舞了兩下。
「咁薄,而且直身,會唔會斬兩野就斷?」Ciro問。
「唔會,閣下可以放心用。」
「Dennis,快啲揀。」
Dennis上前,拿了兩把西方警察常用的拐。
「請兩位好好準備第五回合,比個溫馨提示你地,第五回合係五人小組組隊戰,你地最好快啲搵定同伴。」蒙面人離開。
「組隊戰?之係點?」

第五回合總結:
阿謙:錦上路站,持有食物量:2
阿琳:失蹤
阿發、阿光:鑽石山站
強叔:死亡
徐銘驊:太子站
Ciro、Dennis:筲箕灣站;Ciro擁有武器:佩刀及美國軍刀 --- Dennis擁有武器:兩支西方用拐 --- 持有食物量:7
已有 0 人追稿