明明早該放手 但有眼看不到: 第四集

第二日係星期六，其實我覺得好奇怪，點解開學會係星期五？
不過who cares～

一覺訓到大天光，就去左搵我既好朋友,呀良。
呀良全名李致良，係我小學同學，而小學畢業之後，我地一直都有約出黎玩下見下。

佢有小小肥，身高大約一米七啦，佢對人都幾友善幾搞笑，起碼價值觀上同我幾相似。
我一直視佢為我最好既朋友。記得我話過第時我結婚的話，伴郎一定要係佢哈哈。
佢唔係毒撚,佢拍過一次拖,仲拍左幾耐,我諗個女仔係鍾意佢對人細心.
不過後來個女仔都係鍾意左第二個而要同呀良分手.


 
去到mk搵完呀良我地就去左m記食野吹水,貪有wifi
良:點呀新學校喎,大把囡囡啦
我:咪傻啦,我毒撚一個,點溝到女
良:咪扮野,你彈多d琴唱多d歌實有女仔鍾意既
 
記得我地以前都係小學既合唱團,大家都好鍾意唱歌,所以大個左而家都一直keep係有唱下k練下
 
我:TVB咩,唱歌溝女,而家個個都識唱歌彈琴啦,唔值錢架喇
良:呵呵,你又未試過又點知姐?~


我:有d野唔洗試都知無用
良:係咩?btw你做咩激嬲左呀欣
 
呀良都識呀欣,以前約過大家出來玩~
 
我:下?! 你又知?
 
良舉起他的iphone4,一臉壞笑
 
我:點解我d fd咁鍾意同你sms架,又唔見佢搵下我sd


良:呵,這叫人格魅力,你沒有的
 
近年sms已經成為唔少年輕人既一種溝通方式,不過唔知點解我始終都係鍾意打電話多d
 
我:我都唔知佢嬲咩?我講下笑姐~
良:人地嬲咩你都唔知,抵你死啦
 
當然我都係無理到佢既
HEA埋個星期日又要番學鳥