明明早該放手 但有眼看不到: 第十四集

下午4時的陽光並不太猛烈..二人在樹蔭邊並肩走著
好像一對剛放學的情侶...同行回家
但二人當然不是情侶的關係..儘管我..對她有那麼一點的好感
我還是不習慣兩個人走在路上但沒有對話~...儘管有時候朋友間熟得根本不說話..氣氛也很好~
顯然..我們認識的時間不長~所以我決定打破這個我自以為有點單調的局面~
 
我:係呢..妳...好d未?仲有無咁痛?
她笑著回答:本來仲係好痛..不過食左藥.而家好好多
 
說完她便像變戲法一般拿出了一盒止痛藥


正是我買的...那盒很貴的止痛藥...早知唔講d咁既話題啦屌
我:妳..妳...妳摷我d野?!比番我
 
妳又像變戲法般拿出那包m巾
 
vic:你都有需要用?
 
她還是保持著微笑...但不知道為什麼..我有點冷
 
我:我買比呀媽唔得咩?


vic:要係lunch time出去買m巾比呀媽...孝順仔喎
我:係..係呀..我係幾孝順架
vic:等我仲以為你咁關心我..出去買止痛藥比我tim
 
語氣完全就是在耍我
 
vic:好啦...咁比番你啦..對唔住呀拎你d野..唉~
 
真是只能說我輸了...
 


我:算啦算啦..係買比妳架..
 
她一副贏了的樣子:肯認喇咩?~
 
我:嗯...
vic:你個白痴仔..上ls堂調位又唔放好d野...如果比坐你個位既人見到...到時實個個話你變態仔
 
此時的她...很有活力 比起今早那個虛弱的她...美多了
 
我:咁妳點見到架?
vic:跌出泥架傻仔...你應該多謝我幫你收埋
我:哦.多謝
vic:傻仔
 
她看起來心情不錯啊~大概是今天下午那支橙味葡萄適的關係吧..


 
vic:係呢..咁你做咩唔比d野我呀?
我:無..見妳睇落無曬事咁..咪算囉
 
大概我這樣說是有的醋意的感覺...但我卻還沒意識到~
 
vic:哦...葡萄適好唔好飲~?
 
比佢睇埋張單tim...真係7.7
 
我:......
vic:仲要係原味tim
我:......
vic:做咩唔出聲姐?
我:妳都有橙味啦


 
這絕對是衝口而出...
我果然是air killer...
dead左幾秒..
 
佢語氣變得淡淡的:今日佢打完波番課室...見到我臉色唔好..咪問我咩事囉..然後就比左佢支野我
我:哦...係咩?
vic:嗯..
 
氣氛似乎又變差了...轉話題先~
 
我:話時話原來葡萄適都幾好飲架喎
vic:你未飲過咩?
我:今日第一次
vic:未飲過你又買?


我:諗住買比妳飲既
 
好啦...我失敗左..氣氛唔知點解又dead番..
不知不覺已經走到我們的家的樓下
 
vic:多謝你 我好開心有個好似你咁關心的既朋友
 
她的笑容是我認識的女生當中最美的
 
我:唔洗...見妳咁唔舒服我都唔開心啦
vic:嗯...btw我m痛姐...你做咩會買m巾既?仲要係夜用既..
 
屌又7多左次鳥
 
我:哦...無..我多錢得濟姐..


vic:係咩?
我:係呀~~我番屋企啦byebye~
 
我走得仲快過小明...只留下一臉壞笑的她