明明早該放手 但有眼看不到: 第二十四集

yan:你幾時要音樂表演啊?我地夾下丫不如
 
我錯愕了一下...想不到她記得...我還以為她只是說說想要鼓勵我而已
望著這個班上公認的女神...說要跟我合作表演
如果不是今早那番茄三文治...我還真以為自己的運氣變好了
 
yan:做咩又定曬係度呀你?
 
她,真的很美...也很溫柔...所以
這些機會不是屬於我的


 
我:無...無啊...唔夠訓姐
 
美女總是令人賞心悅目的...看到女神級的呀yan,我原來低落的心情也回復了不少
 
yan:咁你訓先啦 今晚再打俾你傾
我:好...gd night
yan:gd night
 
女神也有挺可愛的一面


同女神傾完計.又要上堂喇
我見心情好左..就開始睇下人生百態..
 
好快又到左lunch..我就同左李彥琪..陳梓文去左食飯
某餐廳..
 
文:喂...依度既番茄焗牛排飯唔錯架喎
琪:但係番茄湯米線都好似幾好..呀晨...你食咩?
 
我屌點解今日我同番茄咁有緣架,我以後唔會再食番茄


 
我:我從來都唔食番茄架..我要豆腐火腩飯!
 
叫完野食...一波未平一波又起
我見到有錢仔同vicki..呀yan..同埋一個唔知名既男仔(已無視)
入泥食飯都唔係大問題...個伙計仲要叫佢地過來同我地坐
屌早知唔簡張大檯啦
我估你條撚頭行過泥一定會講:咁岩既?食飯啊?
雙方人馬打招呼後
 
葉:咁岩既?食飯啊?
 
都話架啦屌你...
真係唔明vicki同佢分左手..點解仲會同佢食飯
看著他的人模狗樣...我心中有了輕微的敵意


 
我:唔係喎..我地係度上緊高登
我露出似乎很友善的笑容...給了他一個似乎很不錯的答案
他沒有作延伸回應
他身旁的vicki輕緊皺眉頭...似乎在奇怪我的反應;而呀yan則還是一臉笑意
似乎沒感受怪異的氣氛
 
伙計:番茄湯米線!拿令仔你既
 
他把番茄湯米線放了在我的面前....看到番茄我便不自覺地想起今早的三文治
 
yan:呀晨..好唔好食架...我都想叫依個
 
真係如果唔係見到我面前碗野我都唔知佢叫緊邊個呀晨
 


李彥琪:係我架..佢唔食番茄架
 
說罷他把番茄湯米線拿到自己的面前
然後又是無限的死亡空氣
於是在奇異的氣氛下...完成了今天午餐
本來都仲好肚餓..一見到有錢仔就無咩胃口
 
食完飯就好自然一行人慢慢行番學校
一路沉默的我根本無心情講野
而其他人都無注意到我~
有錢仔同不知名同學夾住呀yan閒話家常
呀琪同呀文就係最前講緊打機
vicki便走到了我的身旁
 
vicki:做咩呀你?


我:咩做咩?
vicki:今日囉..又唔講野...岩岩又串佢
我:對唔住囉下次絕對唔串佢
 
我不想再說這話題了...
 
vicki:你做咩咁奇怪既..唔舒服?
我:無事喎
vicki:哦..你呷醋?!