明明早該放手 但有眼看不到: 第二十七集(上)
又係咁...我發覺自己開始鍾意vicki既時候...佢又係有人追?
仲要本身佢對葉文晨舊情未了...而家又多個?!
我:又係咁?!
vicki:咩又係咁?
我:無野...我地班架?
vicki:唔係呀...
我:咁邊個先?我識唔識架?
我既心情雖然係不安...但係就唔似當年呀欣果單咁
係我唔夠鍾意vicki...定係我已經對這種事見慣不怪呢?
唔會又係補習識掛屌你...假名真事故邊有咁似tvb~
vicki:唔知你識唔識..佢係格離班架...叫廖柏康
廖柏康.....個名咁熟既.......
呀...咪就係今日食飯跟住葉文晨奶屎忽果條契弟
唔係掛..佢咁勇?!之前見到佢我都已經驚左一驚...
真係沒有最樣衰..只有更樣衰...我都唔明點解佢敢出街見人...
而家仲彈左出泥溝vicki..?
好啦..我全無危機感...睇你條撚樣做到d咩
我:今日下就食飯有錢仔條跟班?唔識喎
vicki:咩有錢仔咩跟班呀...你講得咁難聽架
我:都係簡稱姐...無所謂啦..咁你鍾唔鍾意人?
vicki:唔鍾意..佢好煩
好野..上天終於對我公平d
我:點煩法?
vicki:佢成日同我扮熟..又借d意認我做咩契妹..我都唔想理佢
好了...我有了一個結論...厹出沒注意
我:係咩
我諗唔到比咩回應佢
vicki:係呀...佢仲成日講你同呀晨壞話
又一次叫呀晨但係唔係叫緊我
我:下...講我地兩個壞話?佢唔係葉文晨朋友咩...仲有我唔識佢架喎
vicki:佢話呀晨唔係好人..成日一腳踏兩船..係有好多女仔埋佢身..但係我知佢唔係會一腳踏兩船既人囉
其實葉文晨的形象也沒大家想像中咁差...不過大概個個愛情故中的情敵都是討厭的
佢係花心...見一個鍾意一個...但係佢係一個接一個..但無同時進行的
同埋...有錢左d囉(?)
我:嗯...我見佢平時都唔係d咁既人...佢溝呀yan果陣都無泥搞妳
我已經無經大腦講野了...唔知葡萄適事件算唔算搞佢呢?
vicki:做咩無啦啦扯埋我泥講喎..我唔鍾意佢喇!
令女妳真係一時一樣...忘記得咁快咩真係?
我:信妳一成.....
vicki:你要唔信我都無辦法..我話唔鍾意就唔鍾意
佢開始不滿了....我立即唔講有錢仔...又話唔鍾意..但係語氣似自欺欺人多d囉
我:我呢?咁佢講我咩壞話?一定係我太令仔?
vicki:講起我就仲嬲...佢話你係咩...咩...狗?!
我:厹?
大概厹總是喜歡說別人是厹...對吧?
vicki:係呀...不過你唔好講粗口啦
我:哦.對唔住...咁佢話我d咩?
vicki:佢話你成日只係同女仔講野...對男仔好無禮貌..又話你日日同我一齊放學係不懷好意
他媽的什麼?!佢格離班又會知我既野?我雖然平時唔多講野...
但係我係班上同班男仔女仔都相處得ok..如果唔係就唔會同李彥琪..陳梓文fd啦
況且我平時其實唔係成日同女仔講野喎....係多同vicki傾計姐...仲有呀yan又時會傾下
其他都係正常咁得閒吹下水...我幾時變左厹架?!
咪住...厹講既野根本唔洗用正常角度去諗..因為佢地都係鍾意中傷別人抬高自己
中意vicki都唔洗中傷我姐?大家三唔識七...
不過聽到vicki...會因為有人中傷我而嬲...我都好開心
只要她不是這麼認為,其他人怎麼想又有什麼所謂呢？
我：妳...唔會信佢架可？
vicki:癡線...你根本就係一個傻仔...又點會做埋d咁既野喎
我：喂妳唔好借d椅又話傻仔wo
vicki:嘻,比你知道左tim...其實識左你差唔多三個月...日日都你傾計..又點會唔知你係點既人..你唔有咩目的... 我知你對我好既
屌又係依句...'我知你對我好既'係發好人卡常用架囉
我都未溝妳..妳就發好人卡比我？！
其實我都好有目的架...我都鍾意妳架!
我：嗯....咁妳係咪可以俾呀yan個電話我喇？
如果我唔係坐左係鋼琴前...我諗我都會唔記得自己原先既目的係問vicki拎呀yan電話
vicki:係咪同我傾多陣都唔想？
我：em....唔係...驚阻住妳溫習ma
vicki:唔阻...我地傾到食飯囉
其實我聽到佢咁講我心入面係暗暗高興的
我：哦...好
vicki:玩妳咋傻仔...呀yan電話係12345678...加油呀！
講完佢就cut左我線
加妳個頭咩加油....都話左唔係鍾意呀yan
打比呀yan...
yan:喂...呀晨？
我：係呀呀yan~~
yan:嘻...我番到屋企先記得你其實無我電話架，你點會打到俾我咁叻架?
我：我問vicki拎架
yan:你地兩個...呵呵
原來女神都係會抽水架...電話既佢同平時番學見到既佢好似有點唔同咁
一樣係咁溫柔...但係電話中既佢好似多左活潑既一面...
同呀yan傾左陣就算～但係個腦就一直諗緊vicki既事...
我追唔追佢好？我未追過女仔架喎
（其實大家點睇用個女字邊既妳就係厹...我對男會用你..對女會用妳...但係我自問唔係厹...)