明明早該放手 但有眼看不到: 第二十八集

做咩淇姐妳早唔番...遲唔番...係都要我上床..呀唔係..係都要我話妳上床果陣先番?
唔知佢聽到幾多....有無聽到...之前果part...我諗無
 
vicki:張樂晨...你講咩?
 
語氣似乎有不少怒意...我講下姐...況且又唔係講妳壞話...
她的介入令空氣死亡了
那隻狗公見我地停止攻擊..就閃左番去自己 課室
 
我:em....我...


 
真係唔知點答佢好...我咪講緊妳比人呃上床囉
她沒理會我...直接番左位坐...
 
開始上堂...
 
我:喂...vicki...唔好嬲啦..
vicki:....
我:vicki..對唔住喇..
vicki:...


 
直到老師叫我專心d..vicki都係無理到我
妳想點...根本就唔係大件事...有咩好嬲..
女仔係咪個個都係咁架?
 
我:vicki...妳大人有大量..三文治又整得咁好食..原諒我啦
 
佢終於有反應喇...不過係伸手奪回那放三文治的餐盒..再無視我
又唔係大件事...係講野過左火位姐...要嬲咁小氣咩?
諗諗下我都灰灰地...俾自己鍾意既人嬲真係唔好受


人地既然唔理我...咁就算..我自閉啦
 
點算好...今次真係第一次激嬲佢..而我又唔識哄女仔..繼續咁落去唔係辦法..
 
於是成日我都無同vicki講過野...
洗唔洗咁呀?
 
直到放學...
 
vicki:喂今日星期五...陪我食糖水
 
我地幾時和好左..我唔知架
 
我:下...?妳?妳唔嬲拿?
vicki:嬲咩?


 
屌妳扮唔知?
 
我:今朝囉
vicki:今朝咩?
 
見到我一副無奈既樣...她笑了
 
vicki:嬲完好耐啦...唔同你講野..睇你下次仲敢唔敢亂講野..
葉文晨經過:玩開心d..星期一見
 
看來...他也沒那麼討厭..
只是他出一出聲...vicki就又down down地咁
我諗有錢仔都唔知vicki雖然話分手..但係仲鍾意佢
 


我笑了一笑:笑下啦~唔係食糖水咩?我地今日去邊間?
 
如果妳是我的女朋友...我是決不會讓妳臉上出現半點不快的...
儘管很多女生都喜歡讓她們哭的男生...但我自覺是做不到那種人的..
 
聽到我講..佢臉上好似有出現番微笑...
係因為我既關心...定係有得食糖水呢?
真唔知佢因乜解究咁鍾意食糖水
我就唔多鍾意...又side錢..而且我又唔鍾意甜野...除左雪糕
 
不過既然妳喜歡...那我也喜歡上...不就好了?