明明早該放手 但有眼看不到: 第三十集
好吧..友誼的建立不代表日後會沒有抵觸的
今天是星期六..但我們還是要回校上課..老師教的太慢了
上完課後..我則約了李致良唱兩人k
一點唱到八點($89..2個人都可以唱7個鍾..neway..不過要提早幾日book)
好鍾意兩條友去唱k..因為大家聽既歌差唔多...你點既我識唱..我點既你又識唱
至怕係成班人唱k..我點既歌明明你唔識唱都跟住唱
不過都係睇心態既...
如果係真係想唱下歌...就人少少就夠
如果係想gathering..咁人多多就算唱唔到都無咩所謂
雖然我係鍾意人少少..不過
vicki:一陣放學你有咩做?
我:唱k囉
vicki:我又去
於是......
本來的兩人唱k...成了六人...
呀yan女神居然都話去唱k...再加上呀文同呀琪...總共六條友..
我諗...良佢唔會怪我...掛?
一行人又係去旺角唱~
走路途中..
李彥琪:係喎你同葉文晨唔係爭緊女咩?點解佢唔出現既?
媽的你可不可以次次說話就是抽水?
原來大家都係度各自各吹水...但係比你一提...全部靜曬望住我
我:人講你又信?都唔知你係咪我朋友泥既
琪:難得有戲睇..幾大都信左先啦..係呢你地爭緊邊個..我實支持你架喎
屌你出少陣聲啦大佬
我堅決無視條花生友...
一行人去到mk neway
頂唔記得打俾呀良..
我:喂...呀良...我班同學都話要泥..你唔介意架可?
良:唔介意..點會介意...你有好感果條女都泥?
我:係呀煩.幾號rm?
良:我未到呀,一陣見啦,好快
屌點解佢好似好興奮咁既...有古怪喎
仲有次撚次約佢佢都從來無準時又或者早到過我
打比佢真係曬9氣
於是我地就去拎房啦
老老實實咁多人我都真係會唱得唔自在..
睇怕今日都係要唱少d
去到果度..話拎房...房號係141
我地一行人就走去141啦
哇屌你15人房...唔錯喎
一坐低其他兩個男仔已經搶左個遙控泥點歌
唔錯唔錯...點得幾好..隻隻我都識
但係佢地好似係兩分鍾點左一頁
雖然係唱7粒鍾..但係都要比女仔唱下先
我:喂你兩個俾女仔點下啦
大家點左差唔多兩頁就開始唱
點解咁耐呀良都未到既?
唔係淆底掛?
聽呀文同呀琪唱左3隻..
vicki:喂.你做咩唔唱?
我:下...我唔識唱歌
好啦我認我係扮野...我唱得唔係好但係點都好過果兩條友
vicki:唔信..你唱
講完俾左支咪我..
是周柏豪的smiley face
邊個咁有taste點隻我最sad既時候聽既歌?
(btw neway 係無 smiley face...不過見smiley face仲岩果當時唱果隻就用下)
依隻歌真係次次唱到特別有感情~
因為一唱就諗起呀欣
若你哭了 時間都叫停
為博一笑 單一單眼睛
愉快後你總是忘形 又再講起他 體態動靜
還想邀請我 分析他個性
無法對應最後我交出了 A Smiley Face
為怕為難你 翹起嘴角 奉上熱情
忘記我 不要緊 誰鬆手 我握緊
全因你是我的快樂原因
.....................
良推門而入...而他後面的,是呀欣
良:頂你141咁難搵架...
然而我唱緊無理到佢
仆你個街做咩唔講你叫左呀欣?
諗係比個驚喜我?今次真係好撚驚
咁多水你條抽水良仲唔抽?
今日睇怕都會比人抽水抽死
好啦...終於唱完
我:點解妳會泥埋既?
欣:我得閒無野做咪泥唱囉..點知原來咁多人
我:哦.妳又唔係未見過
良:喂唔好無視我住.我怕生保
我:拿.佢地係我同學..依個叫呀文,依個叫呀琪.........
一輪on9介紹完就繼續唱啦
vicki:又話唔識唱歌?
我:em...做人要謙虛
vicki:做咩唱唱下會忽然間咁有感情架?
屌妳真係聽得咁留心?
為左增加真實感..錄左隻 Smiley face
http://imusic.hk/index.php?t=audio_player&mode=song_hifi&band_id=7039&song_id=3721
好地地兩個人認真唱k比你班粉腸變左做gathering?
算...反正我都想聽呀yan唱歌好耐
等左咁耐終於到佢唱...
nice...呀yan也聽joey的...
她點的是想得太遠...
果然有taste..
一開聲...哇正呀屌你..同joey有幾分似喎
低音準...中音穩...高音令...真假音轉得仲唔錯tim
雖然無用d咩即興技巧...但係唱到成首歌好有層次
從一開波淡淡既自白...去到中段開始唱出無奈既感覺...再轉到副歌既激動位都恰到好處
聽唔明我講咩?
聽歌啦
http://www.youtube.com/watch?v=YkzhsnSlrbs (容祖兒 Joey Yung - 想得太遠)
http://www.youtube.com/watch?v=YkzhsnSlrbs
成個房都好靜...個個都好專心咁聽呀yan唱..
我都好激動...做左人咁耐識唔少令女...但係真係未識過唱歌好聽既令女...
音樂停止了...
vicki:呀yan妳唱得..好好聽呀
yan:多謝
良對我說:就係依個?有taste喎屌你..唱歌咁正..第日有人同你玩合唱啦
我:唔係囉屌你...一睇就知人地女神泥架啦...邊到輪到我呢?
良:哦..咁姐係依個啦...都差唔多姐..幾令喎...識你咁多年點解唔知你原來有taste既?
他眼神示意他在說vicki...
屌你又抽我水
我:我都未話你.點解無啦啦會叫埋呀欣架?
良:我一接到你電話話你同學都來唱...咪打比呀欣叫埋佢囉
我:點解要咁做?
良:我想抽你水