明明早該放手 但有眼看不到: 第三十四集

某天的小息
 
李彥琪:喂點啊..聽日開始放性誕假...大家有咩搞作
葉文晨:無啊...同屋企人去旅行
我:又去邊玩啊?
葉文晨:我都未知
 
無錯..過左兩個幾月...我同有錢仔成為左好朋友
唔計溝女果方面..佢都算係一個幾好既人
不過佢今年好似無點溝到手咁...係呀yan太難溝定點呢?


 
我:理得你去邊度..手信呀記得
葉:得啦~
陳梓文:喂..咁不如搵日出去玩啦...平安夜?
李:好喎...有無女仔先?
葉:我果陣應該係外國..你地玩啦..記得影下相
我:平安夜...都好..我應該得閒
陳梓文:好..咁你去約女仔
 
講完唔知做咩佢地就唔見曬


點解要我約呢屌你..係咪毒撚到咁唔敢同女仔講野
不過諗起今年平安夜有街出又真係幾happy既
於是我就番埋位....見到女神yan坐係度
 
我:呀yan..xmas有無野做~
yan:緊係有啦..好多功課喎
 
我應該話妳幽默好定係得意呢?
 
我:哦......我地幾個諗住平安夜出去玩..妳有無興趣?


yan:平安夜?...我而家都唔知喎..不如到時再搵你地
我:好!
 
放學回家路上
 
我:呀淇
vicki:點啊?
我:我想問呢..
vicki:問咩呀?
我:我想問妳呢..
vicki:問我咩呀？
我：我想問妳...點解妳肥左又痩左既？
vicki:無聊
 
說罷她便快步向前走..似乎覺得我是智障，我當然要跟上，都未入正題


 
我：妳行咁快走咩，呀文佢地話平安夜出去，問妳去唔去呀？
vicki:喔，咁姐係呀文佢地問...定係你問?
 
過左個幾月...vicki好似少左提起有錢仔...
成個人好似開心左...但係唔知點解...我總係覺得佢仲有d鍾意有錢仔
所以佢問依d有曖昧色彩既問題...我真係唔知點回應好
 
我:下...咁有咩唔同
vicki:哦...唔同人問我可能比唔同答案你架
 
頂..比左位佢入..我唯入快手結束
 
我:哦..咁緊係我問啦
vicki:哦.咁我唔去


 
屌妳..玩野呀令女...玩我咁耐話唔去..
早知慳番d口水...不過其實聽到佢話唔去...我都有少少失落..
係咪因為我問...所以唔去?
當然啦..我已經訓練到自己失落人地都睇唔出
 
我:呵..咁唔緊要啦~
vicki:傻仔到時見啦
 
雖然估到會係咁..但係個心都係離左一離
我諗自己真係愈來愈鍾意佢
咁不如追啦...但係點追呢?!
 
[嚴重教壞人mode..慎看]
話時話男女關係依樣野...如果係諗住正常交往而唔係玩玩下..


邊個開始追已經係輸左一半..因為天秤已經傾向左對方
對方會牽住你既鼻子走...所以我覺得追既行為應該可免則免..
 
唔好定位自己做一個追求者..咁就進可攻退可守
比條女食住就係因為自己係追求者..根本關係上已經唔公平
 
原理就好似高登仔成日話
:你叫佢女神就注定追唔到佢
 
可以keep住做一d加分..令其產生好感既事..令到雙方好感度提升到一定水平既時候表白就最好
 
當然依d只不過係理論jj...而且只係男想溝女岩用..
[嚴重教壞人mode..慎看]