明明早該放手 但有眼看不到: 第四十二集

歡樂的時光總是過得特別的快...一眨眼我們便吃完晚餐
是..她煮的出前一丁...話說她真的是第一個煮東西給我吃的女生,當然..娘親除外
 
雖然煮的只是公仔面...但我總覺得跟平時吃的有點不同
怎麼說呢...該是說感覺不同吧,她忘了放麻油
(就好像我們總是覺得自己煮的很好吃)
 
第一次來我家便要煮面給我吃..我還真有點不好意思呢
所以我負責洗碗!!(說的很偉大似的)
 


洗碗出來後..音樂盒已經伴隨著她消失了
真是來無影去無蹤...呵呵..走也不說一聲
打算收抬一下發現桌上有一張便利貼
 
『你好聽d』
 
雖然只是簡單的4個字...也不知道是真是假..但給我的卻是很窩心感覺
大概當她的男朋友會很幸福吧?
呵呵...我記性在吃完出前一丁後有變好
 


撥打電話..94340634
 
良 : 喂
我 : 頂你做咩爆我上年d野
良 : 我幫你咋
我 : 話人知我上年有幾7..邊忽似幫緊我..
良 : 佢會同情你架~~女仔最多既就係同情心..你估個個都係呀欣...你依個新女神好d
 
我當然知道...但你真的覺得我想要的是同情心嗎?
 


我 : 我做咩要人同情..我又無野
良 : 同情同同下都可以變感情架喎
 
他說的...好像有點道理
 
我 : 有可能咩...又唔見當年呀欣同情下我
 
良 : 佢都唔係果種咁既女仔...佢根本唔會諗依d野
我 : 唔理..下次食飯你既
良 : 是但
我 : 係喎...聖誕喎...你無囡囡咩..平時唔係總有一兩個無間斷sms既咩?
良 : 邊有,唔似你又前女神又新女神咁
我 : 叫得女神都係溝唔到既..換個稱呼
良 : 上高登太多喇你...係呢..過兩日出泥食飯?
我 : 好!約唔約佢?


良 : 佢咁多女要應付..唔知得唔得閒
我 : 上次見佢facebook同3條囡囡打牌..三個都一樣樣架!
良 : mk妹係個個都差唔多樣架喇...大家口味唔同
我 : 咁你約下佢啦
良 : 好
 
跟良講完電話後...
我也拿起了家中的一個木結他...上網找了找退後的結他譜
 
除了鋼琴外..其實我一直想玩玩其他樂器
話說泡妞的時候你總不能抱著個鋼琴走吧?
結他是個不錯的選擇
當然..我的技巧還是十分差的...只懂一些簡單的指法
 
為什麼彈退後?是因為阿淇很喜歡這首歌嗎?


還是因為..我只想證明..他做到的..我也可以?
大概是因為老葉太出色了吧?
彈到累了..也就睡了
 
過了兩天...對..約了去吃飯啊
到那裡去吃呢?
打個電話問問...
 
我 : 喂...去邊度食飯?
良 : 明輝囉
我 : 明輝?果間茶餐廳?
良 : 係呀..你未去過咩?
我 : 哦..唔係
良 : 一陣見
 


想不到又是明輝茶餐廳...不知道那水杯還是不是用玻璃做呢?
不知道那裡的豆腐火腩飯的水準有沒有變差呢?
 
到了明輝...不像去年情人節那麼的多人...伙計都很閒的感覺
走到近門口的卡位...坐著兩個人
一個是呀良...而另外一個叫阿源...
 
不像電視機中那個認為自己是零的阿源
這個阿源...是一個不折不扣的社交撚
我跟他...跟阿良都是小學的同學..大概我現在還有印象..還會約出來玩的就只有這兩個了