看了看時間...對啊...都已經十二點多了
她應該是睡了吧?
呵呵...真是的..我也睡了
 
到了第二天...是24號了
剛起床呀文就打給我了
 
文 : 喂今晚各自各食完飯跟住約出泥倒數?
我 : 好~咁去邊度?
文 : 你屋企?


我 : 唔係玩到咁大呀話?
文 : 咁有無其他好地方
我 : 呀淇屋企
文 : 呀淇?
我 : vicki呀
文 : 叫得咁...親密既..你地?
我 : 密你個頭...不嬲覺得叫英文名好那陌生..你睇我幾時叫過你william
文 : 咁又係...你叫我william都無人識啦
我 : 咪係囉
文 : 唔好扯開話題住...去邊呀今晚


我 : 都話呀淇屋企lor
文 : 你去過拿?
我 : 未喎
文 : 又唔知人地daddy mammy 介唔介意...唔好啦
我 : 咁去tst? mk?
文 : 咁鬼逼仲去?
我 : 咁又係
文 : 一於你屋企.bye
 
你老板我都未講完你就cut我線


 
他好像連我家在那也不知道啊
電話..
 
文 : 係喎你屋企係邊度?
 
看看..他真有趣
 
我 : 係XXXXXXXXXX呀
文 : 哦...我怕唔識去喎
我 : 搭XXX或者XXXX啦...唔識既打比我或者呀淇啦
文 : 點解打比呀淇...哦你地...嘿嘿
我 : 屌你佢住我格離果座
文 : 好啦咁你話呀淇知..我話比呀琪知啦
 


又bye都唔講就cut我線
 
望望個whatsapp...平時佢都覆得幾快架
唔似有d女仔..鍾意就覆你..唔鍾意就見到都唔理你
而且字數都好穩定...唔會覆個表情符號hea你
sor我一講whatsapp就有d offtopic
 
看到她有上線...但還是沒有回覆啊
那就打個電話給她吧?反正都要告訴她今晚到我家
 
我 : 喂
vicki : 喂?張樂晨?
我 : 係呀
vicki : 做咩?
我 : 今晚去我度


vicki : 哦...我而家唔係好得閒...
我 : 哦...咁....bye bye
 
cut線了...點解今日個個都唔同我講byebye既呢?
她又在做什麼啊?昨天到今天都沒回覆...現在沒空?
 
有可疑有可疑
不過有可疑又點?我又唔係佢邊個?
不要想多就好
 
訓醒都12點幾一點
約左呀欣同班同學仔係長沙灣打邊爐
唔想sms呀欣
次撚次佢都係過幾粒鍾先覆
佢覆得黎都打完喇個邊爐


 
打電話啦
 
我 : 喂唔該我搵呀欣
欣 : 我係呀~
 
佢果邊無咩聲氣喎
 
我 : 今晚其實去邊間到食架?
欣 : 哦...果間XXX呢
我 : 哦...妳做緊咩
欣 : 無啊...起屋企囉好悶
我 : 無街去邊今日?
欣 : 無啊今日得夜晚食飯咋...你呢?
我 : 我而家都係屋企囉..今晚食完飯約左班同學去我屋企倒數吹水..你個追求者呢?


欣 : 都話唔話你知
我 : 講啦佢唔係好長情架咩
 
長情真係無撚用架..我夠長情啦屌
 
欣 : 係就係長情..不過唔知接唔接受好?
 
雖然係我要問佢...不過聽到依然個心都有d酸
不過心酸係會習慣既...感受得多就無事
 
我 : 點解唔接受~?
欣 : 我想等耐d先
我 : 即係想睇人地追到幾耐...係唔係真心?
欣 : 算係
 
拿今日我同大家講解咩野係on9
佢就係成功既例子...好多女仔就係諗住睇人地追到幾耐
想感受比人追既感覺一直唔撚接受人
最後條仔都追到灰心啦on9
都唔撚明有d女仔係咩心態
人地有幾多時間可以放起妳身上呢?一係接受一係唔接受咪撚拖住人咁撚耐啦屌妳
 
我又off topic 了
 
我 : 哦..咁妳自己鍾意啦
 
我當然唔會屌醒佢...除左因為我仲有d鍾意佢之外
係因為我知..屌極佢佢都唔會醒
我都係買地花生等睇戲啦
 
欣 : 同埋..我自己都唔自己係唔係鍾意佢
 
拿好心妳連鍾唔鍾意都唔知既就咪撚學人拍拖啦
累左人又累左自己
 
我 : 下點會咁架?唔係鍾意就鍾意,唔鍾意就唔鍾意架啦咩?
欣 : 我都唔知
 
屌妳問咩都唔知...點溝仔呀
 
我 : 妳咩都唔知~
欣 : 唔講依d啦...一陣有無野做
我 : 無啊...我諗住打陣機囉
欣 : 又打機
 
幾時又...唔知點解好多女仔都鍾意用個又字
明明你係佢面前好少做又或者第一次做果樣
佢都會用個又次
 
我 : 幾時又打機呢請問?
欣 : 我想問呢...如果你打緊機啦...你果個呀淇搵你...你會唔會唔理佢架?
 
心諗..咩野我果個阿淇,我都想佢係我架..
 
我 : 下...問得咁怪既妳...我好日都唔打一次機架喎..不過佢搵我我唔會唔理佢既
欣 : 哦..原來係咁
我 : 咪就係咁囉
欣 : 一陣出去行陣先再去酒樓啦
我 : 下...我想打機喎
欣 : 成日打機唔好呀..一陣sms你啦
 
屌..連妳都cut我線