咁當然唔會玩個幾兩個鍾就散場...
 
倒數完....大家吹下水
而我...都時不時望下部電話...不過呀淇依然係無搵到我
 
呀琪唔知係邊度又拎左d啤酒出黎話飲...
咁既然係我屋企...我緊係唔怕你啦~~
 
我 : 呀文呀聲飲唔飲?
 


於是幾個男仔就一人拎住鑵啤酒係度吹水
 
欣 : 你又飲呀?咁飲醉唔好飲啦
我 : 哈哈點呀精神病人..
欣 : 你就精神病
yan : 啤酒咩味架?
聲 : 苦架..唔岩妳飲
yan : 苦既你地又飲?
聲 : 飲下扮下大個仔姐...妳估真係咁享受?
 


呀聲講d野有時都真係幾有見地
老老豆豆以我地依個年紀..啤酒真係唔係咁岩我地
係飲下扮下型枇咁姐
 
咁既然吹水...講下女就緊係唔小得架啦
不過呀欣起度我又唔想講咁多..
咁就唯有我問先啦
 
我 : 點呀你地幾個平時成日抽我水..你地又點呀?..有無鍾意邊個呀?
 


呀文我知其實佢只係對呀yan有d興趣...不過對手咁勁..佢都好似一早打消左個念頭
至於呀琪係女依一方面就好少同我地講
 
文 : 無啦..打下機咪仲好..
琪 : 咪係囉...女仔好煩架
 
sosad...依度有兩個女仔係度架
 
聲 : 我都無呀~~邊似晨哥仔你姐?
 
仲唔比我捉到你?
 
我 : 佢兩個話無我都話可以信...你點會無呀?
聲 : 我可以有d咩...我只係想平平淡淡過左依一年佢
琪 : 我見你同呀睎同陳梓盈都熟得好快架


聲 : 因為我同錢汱多熟..佢成日扯埋我去溝女姐..這些機會...
我 : 我就唔信你無興趣
聲 : 至於到而家依一刻我都對依兩個女仔無興趣
文 : 傻架你兩個..男女有純友誼架咩
 
聽到佢咁講....我都望一望係度玩緊wii既呀欣...
對啊...男女...真的好難有純友誼
一係就其中一方樣衰到你接受唔到
唔好話我膚淺...你想發現一個人既內在美之前
佢都要REACH到你對外在美既最低要求
(以上言論不代表作者立場)
咁樣你先會有興趣去認識去了解一個人
 
講真你地班人溝女條女性格幾好幾好...咪又係要對人地有興趣先...
再慢慢相處先至了解到條女既性格


 
聲 : 我都覺得無...所以我只係話到而家為止係純友誼..唔代表第日都一定係
 
他苦笑...大概有什麼事在感嘆吧?
 
我 : 好有感觸咁喎...
琪 : 你兩個就唔好扮曬野啦...有女仔fd都偷笑啦..係呢..咁呀yan妳呢?
聲 : 佢感情白痴黎架
yan : 咩呀
 
呵呵...佢兩個真係幾熟...佢成日都同呀yan搞笑又串佢...完全無當佢係令女..
可能因為咁佢地相處落特別自然掛?
 
我 : 老葉唔係追你咩?
 


我都唔想慢慢套料..直接問算
 
yan : 係咩?
文 : 我地個個都知啦
yan : 我唔知既?
琪 : 又專登踢走呀文同妳坐
我 : 仲食約妳食糖水
聲 : 仲成日望住妳喎
yan : 下...我唔覺既
 
原來呀yan真係感情白痴黎架
 
yan : 咩啊...咁果次你同vicki都去食糖水啦
 
聲..文..琪指住我 : 哦~~~~~~~~


sosad
連一路聽緊既呀欣都一副你條友仔有可疑既樣望住我...
 
叮噹~~~有人按鍾....