一反到學校,已經吾係趴係到訓,而係左諗右諗,點收科。
每一堂我都冇專心上過,我一路係到諗究竟慧琪係點,收兵?有好感?
唉一路諗到放午飯,呢個時候呀卓同呀希(如想了解人物,可從[轉校生既中學故事中了解更多]黎叫我一齊食晏,佢地兩個自己有自己傾,我有我諗,佢地問我咩事,我冇可能話比佢地聽我既處境,同佢地又未算十分熟,所以就話冇嘢。
到放學,就係到我作岀決擇既時候,最後我好吾願意咁whatsapp慧琪
15:50 今日突然有急事,冇得陪你去mk,sorry呀!
一個tick,唉都吾知佢會點諗,一放學我就九秒九跑去MTR搭地鐵過大埔。“喂,十五分鐘後到.....吓?!你有冇帶定架撐?.....唉煩得啦得啦bye”屌,我不得不承認,我非常後悔入左老黑,成日要幫手,徙哂我啲時間。
到左大埔,我奉命要去一間茶餐廳櫈埸,好遠已經見到啲老表係到等,我仲要著住校服添架“咁撚遲架”我大佬笑住咁講“吾撚洗反學呀,屌你仲嫌我遲”一諗起冇得同慧琪行街我就好撚扯火,佢啤一啤我就走左去同啲叔公soso,完全冇理過我地。
眼見對面馬路黎左一大班大我少少既mk仔過黎,我就知道要開始講數,點講都好,見到成班大個我既人埋黎講數,有啲仲要紋哂身,真係淆淆地,不過我個邊啲人數都差吾多,打起上黎都未必輸,見大佬同佢地呀大傾左一輪,突然就停左,然後彈左句[老規矩啦],我聽到呢句就知道趴街,因為我知道佢地所謂既老規矩係一樣非常吾人道既規矩,仲要係關我事...
已有 0 人追稿