「流主...其實我好擔心我個女...宜家連依邊都有喪屍...我怕連我個女都...應該話,我其實已經有左一半心理準備...」Apple哭著說

「聽日我地就去搵妳個女。」我說

「我...我係怕...連你都無埋...」Apple哭著說

我沒有說話,但是,我的確是感到震驚...

「我唔知...我可能真係當左你係我個仔...但係總言之...我唔想你有事...更唔想你慢慢變得隨便就殺人...」Apple哭著說





我沒有說話,我也不知道我自己所做的是對抑或錯...但是為了生存下去...我們就必需要適應這種生存的法則。


............


看著時鐘,不知不覺已經是第二天的下午了。Apple還沒有睡醒,我則整晚未眠,一直小心地看著閉路電視,如果他們有同黨的話,問題就大了...還好,一整晚都沒有什麼動靜,除了商場的喪屍多得誇張。

「早晨...你無瞓過呀...?」華女原來已經起來了,但看起來她昨晚哭得很厲害,眼睛都紅腫了





「無呀,我怕佢地會有同黨,所以一直睇住。妳點呀?有無好D?」我說

「嗯...」華女一臉憔悴但仍然逞強,堅強的性格真的有點像寶妮

「咁我地之後點?係咪去搵Apple個女?」華女續說

「應該就係,妳有無咩睇法?」我說

「......點會有,我已經咩都無晒...一直以嚟都係家姐話比我知要點做,宜家...」華女低下頭說





「暫時跟住我地先啦...」我說

「如果...Apple個女已經變左喪屍,你打算點...?」華女說

「...殺左佢。」我有點說不出口

「咁之後呢?我地搵個地方,三個人生活落去?日日都係咁勉勉強強咁生活落去?」華女說

的確,相比找到Apple的女兒,我們的下一步更重要,我們不可能就這樣偷生下去...一定要找個方法聯絡外界!可是,這個保安室離奇地沒有電腦,根本沒有可能聯絡外面...

「我地要聯絡外面,睇下仲有無其他人...如果外面有其他官方組織,甚至係第二D國家嘅救援,我地就有救...但係...依度無電腦...最衰我部手機又無電...」我說

「我都無...」華女說

「手機...宜家D手機真係渣,幾日就無電......係喎!」說起來,我才想起我父親給我的新電話!





我把新電話從外套的口袋拿出來並開機,竟然真的有電!!

「原來你有咁多電話...」華女說

看一下,雖然電話只有三分一電量,但應該已經足夠。而且這裡接收不錯,我立即回到我經常到的論壇看看有什麼線索,可能像上一次有消防隊召集生還者也說不定!

......

【未死揮手區】香港依邊已經淪陷

「今次仆街了!我樓下都有喪屍!!都叫撚左政府早撚D做嘢!宜家連依邊都有,我真係唔撚知點算!早知向女神表白...」

「聽講佢地係偷渡過嚟」





「支那」

「頭先有人喺樓下用機槍打喪屍!」

「思歪係咪死撚左?」

「屌我之前成日想末日,宜家老豆老母都死左,好撚後悔...」

「好想啪啪啪女神」

......

我最不想發生的事情真的發生了,我本來還有一絲希望淪陷了的只是這個商場,現在要怎麼辦...

「唉...宜家真係唔知點好...」我說





「...早晨...宜家情況點?」Apple也起來了,她看起來很累

「唔...啱啱上網睇先知,原來香港島已經淪陷左...」我說

「咁...咁我個女咪...」Apple緊張捉著我說

「我都唔知...妳個女係咪同妳阿媽一齊住?住邊度?」我說

「佢地住鰂魚涌架...流主你電話點解有電嘅?借比我打返去問下!」Apple緊張得眼有淚光說

我把電話交給Apple...

「點解無人聽架...」Apple說





......

「阿女呀...」Apple說

......

這個畫面讓我想起數天前的自己...

「喂喂喂??阿媽??」Apple說,看來接通了

...

「你...點解你會喺阿媽度?」Apple神情變得凝重說

事情好像有點不妥。

「你想點...」Apple說

...

「我都無辦法過嚟......得得得,你唔好亂嚟...」Apple說著並掛上電話

「咩事?」我說

「唔...我...我老公去左我阿媽度...」Apple說

「妳老公?咁...唔好咩?」華女看一看我,又看一看Apple說

「佢食白粉架...我其實同佢一早已經離左婚...但係佢總係纏住我...成日話要錢...宜家佢話阿媽同阿女無事...但係要我拎嘢食去比佢...如果唔係佢會食左佢地...流主,點算好呀...」Apple哭著說

「一係我地即刻出發啦...」華女說

「當然啦...但係我地無車,就算有,我都唔識路去...港島D路我唔係咁熟...」我說

大家一時間都沒有想出任何辦法...

「宜家仲會唔會有港鐵搭...」華女說

「邊可能仲有港鐵...定係,我地可以沿路軌行過去?」我說

「...無辦法之下嘅辦法啦...」華女說

「咁我地即刻執嘢起行!」我說

我們依照商場的地圖,這個商場雖然是連接著港鐵站,但是始終要穿過商場才可以到達。我們唯有乘昇降機回到地上,但礙於地面層太多喪屍了,我們根據閉路電視顯示,商場三樓喪屍量比較少,所以我們便先到三樓。

我們小心地走出昇降機,四周都有些許喪屍,不過低調行動的話,我們還是有機會的。正當我們穿過店舖慢慢接近港鐵站時,我們竟然撞上了一個穿著制服、背著背包的男子!他看到我們也很意外!