樓下有喪屍: Act 29 香港站
看來是太累了，起來了還感到有點頭重重，而且還流了一身汗．．．說起來這裡比起外面還真和暖。我看一看身邊，華女依然睡得很沉，看來還是讓她再睡一會。看看四周，現在只剩下我和華女了．．．Apple不在，心裡就覺得有點不踏實，總覺得有她在，一切都好像有希望．．．不過算了，別再胡思亂想了，強迫自己振作吧。
我檢查一下自己的背包，剩下的東西不算工具便只剩下兩把手槍、一把軍刀、一支鐵撬、數發子彈、一個急救包和一些止痛藥．．．食物就只有半樽水和一包花生．．．不知怎的我想起求撚奇．．．
「唔．．．你起身唔叫我．．．」華女坐起來抹著眼睛說
「妳醒啦？係咪我嘈醒妳？對唔住．．．」我說
「唔緊要，我瞓夠架啦。做咩摷晒啲嘢出嚟？我地又要出發啦？」華女說
「我地淨返嘅物資得好少，我諗唔投靠阿健佢地都唔得啦．．．」我說
「阿健唔似壞人，我地投靠佢都無妨呀。」華女說
「既然妳都咁諗，好啦。」我說
我們回到休息室，只見阿健和數個男女在吃東西
「起身啦？嚟嚟嚟，食啲嘢先！」一個女人說
「．．．多謝。」我點一下頭說
我和華女隨便坐下便拿了點餅乾吃。
「阿健講晒你地嘅嘢我知啦，真係苦命鴛鴦．．．不過放心，以後我地互相照應。」白髮的男人說
「多謝你地收留我地．．．」華女說
華女好像沒有聽到他說我們是鴛鴦啊．．．不過算了，末日來了誰還在意這些？
「係呢，我要點稱呼你？」我說
「係喎，都唔記得介紹。大家都叫我盧Sir，阿健同細豪你就識啦，嗰邊兩位係王生同佢太太，嗰位整緊嘢食嘅女人係梅姨。」白髮的男人說
「咁．．．我地嚟緊點？有咩打算？」我說
「我地有聯絡過其他車站，我地依條線得返小蠔灣車廠嗰邊係安全。但係由依度去嗰度嘅中間有幾卡車塞住左路軌，所以我地過唔到去．．．不過根據嗰邊比嘅指示，佢地有工作人員同生還嘅警員會諗辦法清場比我地過去，所以只要喺度等，我地好快就可以會合佢地。」盧Sir說
「我明啦，咁即係只要依段時間我地唔死就得啦。」我說
「無錯，同埋等候嘅時間，我地會盡量救生還者。我地每一個鐘就會全站廣播一次，叫佢地盡量去指定嘅集合點，我地會接應佢地，同時亦會四出收集物資同清理通道。雖然計劃好完美，但係實際上我地進度好慢，因為嗰啲怪物數量好多．．．而且唔只出面有，我地有部份員工通道都有，特別係地牢最低層．．．」盧Sir說
「原來係咁，我可以幫你地手，我殺過幾十隻喪屍，對付佢地唔係問題。」我說
「哇．．．你地喺出面一定過得好慘．．．」盧Sir說
根據盧Sir所說，香港站大概地形為連接金融中心商場的地面層、車站購物區及我們據點的B1層、機場快線的B2層和東涌線月台的B3層。我們依照盧Sir安排，我和華女跟著阿健和王生負責到機場線的月台收集物資及清理整個大堂。
「月台有咩物資可以拎？」我說
「嗰度之前係安置部分住九龍區災民嘅區域，而且都有幾多警察駐守，所以我地可以搵到好多槍械同食物。之前我同盧Sir已經清理左部份喺電梯口同閘口嘅喪屍，宜家淨返月台個堆。」阿健說
我們到達該層，發現月台上果然有些許食物和食水，當然還有比物資更多的喪屍聚集．．．也如阿健所說，有不少的喪屍是紀律部隊。
「嗱，我地每人一把槍，但係唔好亂用。我地要先計劃一下點做。」阿健說
「大堂依邊喪屍唔多，反而係月台較多。一係我地引佢地埋嚟先，閘機應該可以有效咁控制喪屍埋嚟嘅數量，咁我地可以續少咁殺佢地。」我說
「咁我地就喺依度整啲聲引佢地埋嚟啦。」阿健說
「咁用咩整聲呢？」華女說
「睇住呀！！！！！！！」王生突然放聲叫喊，想不到他中氣十足
喪屍們果然都轉身向我們走來！我四周察看，只有閘機後的喪屍較多，大概三四十隻，而大堂的喪屍不多，只有十數隻，而且密度不高。不過仔細想來，如果哪裡有一大堆喪屍躲著的話，我們這樣叫囂就死定了．．．
月台的喪屍慢慢接近，不過都被閘機絆倒，後面的喪屍因此都被擋住。我們保持著被動的戰術，喪屍接近我們才攻擊，無驚無險，大部份喪屍都被擊殺了，剩餘的都是站在角落和比較遠的。
「流主，你同華女巡一下大堂，將淨低嘅喪屍都殺埋佢，唔同層數嘅就唔好理啦。我同王生會喺度執嘢。」阿健說
我和華女沒有異議，我們慢慢巡視，沿途都沒有看到更多的喪屍，只有一兩隻站在角落發呆的。由於大堂很大，視野也很清楚，對付一兩隻喪屍，對我來說是小菜一碟。我們走到一個轉角，那邊看來是通往下層的電梯，我們走到電梯前察看一下．．．下層竟然迫滿了喪屍！
「點解會有咁多喪屍架．．．」華女說
此時，四周突然傳來廣播的聲音．．．
「如果有生還者，請你去車站B1層嘅晶石店集合，我地每個鐘頭嘅０分都會有人喺嗰度守候，我地有食物，有藥物，請盡力到B1層嘅晶石店集合。」
這就是每小時的廣播吧，正好乘著廣播我還是快點回去。
「襯佢地未發現我地，我地快啲走．．．」我說
我們立即轉身離開回到阿健那裡。
「搞掂啦？」阿健說
「下層好多喪屍喎．．．」我說
「我都知．．．下層係東涌線大堂，早兩日依度失守嗰陣，大家都跟指示經東涌線大堂去中環站避難．．．但係點知嗰邊原來都有喪屍，情況一失控．．．大家就死得更快．．．所以宜家成個B3層都係喪屍．．．」阿健說