唔通。。。我就咁就放棄???唔通我真係甘心咩?唔通我真係注定同唔到阿怡一齊??呢個問題我都諗過la,我明明決定左唔向命運低頭架??咁我一路堅持係為左d咩? 回想今年臨考試既變化。。。。 “唉。。。又到考試。。。又好頹la.....“豪哥第一個係度申。“挑,你有女幫你温書怕乜春丫。“我有小小葡萄咁講,與此同時。。。浩仔有小小咽梗咁講“咪係囉。。。“相信大家都估到la, 浩仔係中意女神,女神又係豪哥條女喎(雖然離離合合咁),女神名副其實係女神,學校大撚把人中意,偏偏走去簡個條條fing既豪哥,貪佢夠豪咩。豪哥既刻發動反擊,“你咁撚勁緊係唔洗溫la!同埋你夠有阿怡陪囉。“浩仔明顯地俾豪哥無視左,一講到阿怡我就諗起要約佢一齊溫書,我笑笑囗講“行開一陣先~“所有人都向我比出中指,我無理佢地就走左。
係遠處既小食部我見到阿怡,我正想行埋去既時候就俾人捷足先登,黄子華露出招牌笑容,同阿怡講“靚女們,下個禮拜賞面去我屋企溫習嗎,“,我係後面黑曬講咁講左句,“屌你濫撚到!“其他女仔即刻露出鄙視既眼神望我。無錯!黃子華同我就好似光同影咁,佢既優點就係我既缺點。佢風趣幽默,我尖酸刻薄,佢人見人愛,我神憎鬼壓。黄子華話“你可以一齊架喎~““咪搞我!“我口裏說着不,身體卻很誠實,果日我都係去左(阿怡叫到丫嘛)。佢大方,我小氣。
去佢屋企果日。。。佢穿著襯衫褲,我就穿住件爛背心、頹到冇公仔既t-shirt加條跳跳虎四 骨褲(幾押韻)。佢衣著整潔,英氣不凡,我衣衫襤褸、放蕩不羈(詞窮了)。佢突然話挑我籃球,我唔輸得就應承左。佢自信,我自負。
落去街場既時候見到一個大波妹跑步,我實佢對波,其他女仔見到曬,明顯扣曬分,佢神色自若咁點頭打朝呼,個大波妹即刻笑逐顏開。佢君子、紳士,我浪子、流氓。 一開波我就狗衝埋個籃,佢一d反應都冇,輕鬆得分。其他女仔係度嘈之巴閉,又話犯規、偷襲,我都懶撚得理佢地。我繼續發球,慢慢由葫蘆頂運球至右,一個變速變向向左,去到罰球線一個急停再跨下運球,ankle break perfect池,又輕鬆上籃,班女收曬皮。第三球我見佢下盤虛浮,慢慢泵入去,又得分。班女又黎la,“你唔公平喎。。。係囉係囉。。。“係度七嘴八舌。我唔好老皮“你講撚夠未呀,你識睇波咩,拗柴果個係我你會咁講咩!“。。。
呢個時候名門暗戰啱啱播完,鄭俊弘又出黎唱歌,我俾佢打斷左我既回憶。不過首歌好似唱俾我聽咁。。。好諷刺。。。
投降吧 我沒有辦法 為你開滿天花瓣有什麼可以替代你 然而愛更加可怕 陪著你 彷似背後有一千個他 這懸崖何時會墮下 難盛載到三個吧   投降吧 我沒有辦法 無能力讓你歡顏 如為你 我就退下去 別再拖好嗎 明日我 一個去面對 風吹雨打 縱使枯萎也不牽掛

  -{也許我也應該投降,你應該擁有更好}
已有 0 人追稿