注定一生只能愛兩個女人: 18

“又到暑假lu。。。時間過得越多越快，下年一定要努力讀書。“我放鬆道。
“你年年都咁講架la。。。。“豪哥鄙視道。 “不如我地下年真係努力d la。。。“浩仔弱弱的道。
“我地練好d籃球la，上年全部分組賽出局，下年又可能唔搞a grade。“連平時最唔積極既三角形都咁講。
“目標係頭十，分組賽出線，同脱毒！！！“虫仔又發鳩瘋。
“頭兩樣都仲有d可能，最尾果你都係放棄la。。“我偷倻虫仔。
“你地係米揀理同科2x？睇下會唔會同班。“豪哥幫虫仔打完場。
“係呀！“全部人說。
整個暑假時間都擠得密密的。大部分時間都會同班friend打波，同阿怡去街。得閒就去下圖書館，增進下知識，一切都好順利。 我對預視未來既能運用得越來越純熟。打波果時我有時會預視下未來之後fake下佢地，佢地超不爽我～ 有時我會ff下d車會衝埋去個美女度，之後我就英雄救美，不過香港太過安全la，呢d事好難遇到。
有一次，我終於等到la！果日我同阿怡去元朗，on99咁企係田中出面等左好耐，曬到曬汗，終於入去坐低。叫左兩個飯同三文魚壽司，碗飯勁撚大，阿怡又俾左一半我，飽到呢。。。 之後周圍行黎行去，去下商場、去冒險樂園唗下錢咁，不過可能太耐冇去，都挽得幾開心。挽個籃球機又懶係勁咁企遠d射。 之後我地諗住行去南生圍，行果去果時我見到見到個車係轉位出緊，有個女又唔知就準備出去。我當然就去救人，我即刻㩒住個女仔，架車就係隔離駛，好彩元朗d路又曲折又塞，架車唔係好快我先㩒得切。個女仔好似醒過來咁震一震。我緊係望下靚唔靚la，點知。。。 “詠儀！係你？！“我怪叫。呢個時候阿怡已經行左埋黎，我感覺有小小尷尬，因為我中一件事已通曬天。我注意番詠儀，見到佢眼紅紅咁。 之後有把聲大叫“行la！“我望一望。。。係陸子軒。仇人見面份外眼紅，我怒道“你女朋友差d俾車撞，你安慰都唔安慰下人。““我同我條女講野關你撚事！“陸子軒一貫的高傲。“你。。。你。。我。。“我語塞，因為我真係冇權干預佢地既事。“你又救左我，我走先la。。。“詠儀微聲道。 眼見佢黯然離去，我回憶起同佢既回憶，雖然佢中二已經冇同我接觸，不過而家見到佢有d感慨。  



-｛你在我生命出現，離去，又再出現｝