「我知佢係為我好啊,但係我掛住Khloe又影響唔到佢既,
 
點可以逼我以後唔好諗Khloe姐 …… 」我說道,
 
道理在我一方,我自是不怕她們夾擊,就怕自己情急之下,
 
說了些傷人的話,害得她們難過。
 
「唔係啊,Khloe佢 …… 」巧兒說著稍稍遲疑,向小橋斜了一眼。
 


「唔好講啦 …… 由得佢啦 …… 」小橋淡然說道,兩眼已無神采,臉如枯槁,
 
說著已經站了起來,往門外走去,「我唔理你咁多啦 …… 你自己決定啦 …… 」
 
「唔係咁架 …… 」巧兒見小橋心灰意懶,準備撒手不理,
 
竟爾著緊起來,「你話過愛一個人係要為佢付出架 …… 我地咪做一次衰人,
 
等佢怨我地一世,嬲我地一世,都好過佢再係咁落去啊 …… 」
 


原來巧兒一直把小橋的話記在心裡,此時突然說起,小橋也是為之感動。
 
「你仲記得 …… 」小橋微微一笑,
 
但眼圈卻仍是紅紅腫腫,「但係我地係要佢開心快活做人啊,
 
如果佢一直掛住Khloe,就一直有個希望係度努力做人,
 
我地又點解要破壞佢呢個好夢?」小橋續道,「佢肯放低既,
 


自然係好,唔肯既,就算逼佢都唔會聽,
 
無謂要破壞Khloe係佢心目中既形象啊。」
 
「唔係啊,」巧兒搖搖頭,說著有點激動,「我地愛佢,先唔可以呃佢啊,
 
應該要講個真相佢知,咁先係對佢好啊,長痛不如短痛,佢早D知都係好啊。」
 
此時我聽她們你一言,我一語,
 
說甚麼Khloe的形象,又說有甚麼秘密隱瞞著我,
 
有關Khloe的事,我自是大為著緊,不可不理,
 
也不由得她們是否決定要告訴我,我便搶著要知道當中的內情。


 
「你地講咩啊,咩Khloe啊,Khloe做咩啊?」我知小橋決心不說,
 
便是再三逼問,也是無果,只好看著巧兒,望她把實情告知。
 
巧兒向來對我用情極深,此時我神色中有相求之意,

她自然不敢逆拂我的意思,不敢再相欺。
 
「其實個日 …… 我呃左你 …… 」巧兒垂頭說道,一臉內疚。
 
「邊日啊?咩呃左我啊?」我忙問。
 
此時巧兒神色怯慌,似是怕我知道後會生氣,
 


但還是深深抽一口氣,鼓勇的把話說出,這句話得很快。
 
「個日我係醫院話Khloe同Kelvin無野係呃你!佢地有野,Kelvin仲要係熟客,
 
佢次次黎親都會拖條女去後樓梯搞,個日我仲要睇住佢帶Khloe入去!」
 
巧兒說道,臉色極是凝重。
 
此時Meimei與大橋聽後無不大驚,小橋卻只是嘆了一口氣,不斷搖頭。
 
「點會啊?你個日係海邊都無講既,點會啊?你呃我架,係咪?」我問,
 
只想巧兒再說一次是騙我而已。
 
「個次我唔講,係因為我怕講得太直接,你會嬲到即刻走左去啊 ……


 
所以我只係話佢車左Khloe返屋企就算 …… 其實Kelvin都係阿楓D熟客仔,
 
Khloe就梗係唔知佢成日上黎玩,仲傻到同我地介紹 ……
 
佢又點知Kelvin一早出晒名,出名係食完就飛既賤男丫?
 
我地有時仲會講笑,話除左佢無人會敢係我地個層既後樓梯搞 ……
 
我都係怕你太嬲 …… 會遷怒落我度先呃住你咋 …… 」
 
巧兒自知對我不起,說著已經哭了起來。
 
「點 …… 點會啊 …… ?」我聽著實在難以置信,
 


本來知道Kelvin載了Khloe回家,我尚可以騙得自己他們沒有肉體關係,
 
但現在巧兒把話說得這麼明白,難道我還有甚麼自欺的餘地麼?
 
我又想起第一次到阿楓的酒吧,想到下層找小橋時,
 
在後樓梯遇上一對男女正在偷歡,當時心急要找到小橋,
 
自然沒有為意,可現在想起來,那男的正跟余文樂有幾分相像,
 
巧兒既說他每次也會攜女伴到後樓梯廝混,想來那就是Kelvin不錯。
 
只是若真的是Kelvin,那巧兒的話自然是真話 …… 不會的 ……
 
「你話過你改過,你以後唔呃我架 …... 點會係咁架 …… ?」
 
我始終就是不肯接受這個現實,Khloe討厭我跟別個女人胡混,
 
她自己又怎麼會跟別個男人親熱起來?不會的 …… 不會的 ……
 
「點解你仲唔明巧兒諗咩架 …… 」小橋嘆道,「佢就係因為愛你,
 
怕你知道真相後會受唔住,佢先呃你咋 …… 個日係醫院佢問你,
 
如果Khloe同Kelvin真係有野,你仲會唔會愛佢,你自己點講丫?」
 
「我咩都無講啊個日。」我答道。
 
「你咪就係咩都無講,我地見你答唔出,
 
都睇得出如果Khloe真係同第個男人搞左,你唔會承受得到,
 
所以巧兒唔想你傷心,咪呃住你先囉,明未啊?」小橋說道。
 
「點會 …… 點會 …… 如果你一早知,你點解唔話我知啊?」
 
「我諗住時間耐左,你終有一日會放低啊嘛 …… 」小橋說。
 
「唔會架 ….. Khloe唔會咁樣架 …… 」若Khloe當真像那夜的女孩,
 
在後樓梯裡衣帶盡解,雙腿掰開,與Kelvin做起愛來,
 
這個Khloe還是我愛的Khloe麼?
 
「你地唔好咁啦 …… 都係我唔好 …… 我講大話 …… 」巧兒忙著替小橋解釋。
 
我聽巧兒急著認錯,也不當是一回事,
 
心裡想的,卻只有Khloe與別個男人做愛的畫面,
 
想起她那雙曾經只屬於我一人的雪白美乳,
 
被那Kelvin或握在手裡,或用口吸吮,
 
我的心就好像不斷被人用利刀狠狠切割,實在痛得不想再活。
 
我慢慢已經分不清,自己心裡愛的,到底是Khloe,還是她的貞潔 ……
 
只知道我實在不想接受這個殘酷的現實,想Khloe永遠也只屬於我一人。
 
「點解你唔繼續呃我 …… 繼續呃我落去 …… 呃我一世啊 ……?」我黯然說道。
 
「我睇唔落去啊 …… 我見你話小橋姐姐自私 …… 我唔想你誤會佢 …… 」
 
巧兒說道,「小橋姐姐對你好,關心你,照顧你,全部都係無條件付出架,
 
只要你開心,你要佢點佢都係情願,佢先係最愛你啊 ……
 
你唔好再諗Khloe啦 …… 佢已經唔值得你掛住佢啦 ……
 
點解有個好既係眼前,你反而唔珍惜,要諗住個已經變左,唔會再返黎既人啊?」
 
巧兒對我的愛,與小橋相比自然不會少不了多少,
 
但聽她此時竟勸我好好珍惜小橋,這種犧牲,這種付出,確也可與小橋相比。
 
小橋在旁聽著也是大為感動,眼淚不斷在流,但卻始終沒聽她說半句言語。
 
「你點可以突然叫我唔愛Khloe …… 我就唔愛 …… ?
 
又點可以突然叫我愛小橋 …... 我就要愛 …… ?
 
點可以咁 …… 點可以咁隨便啊 ……?」我說道,
 
心裡想的卻是Khloe與我分手後,竟會這麼快移情別戀,為別人寬衣解帶。
 
愛情是甚麼,此時我可再說不準半點。
 
「你地唔好逼佢啦 …… 」此時Meimei突然說道,「由佢自己冷靜下先啦 ……
 
如果佢肯話放低Khloe就放低Khloe既,我地先要驚啊,係咪?」
 
Meimei此時像個大姐姐,把眾人說得都點頭稱是,「如果佢唔係咁長情,
 
對Khloe用情咁深,佢就唔再係腎仔啦 …… 」
 
Meimei笑道,說著臉上卻已多了一行淚,「我地出返去先啦,
 
等佢自己決定啦,我地再點講都唔會有用啦。」
 
說著Meimei已經攜著眾女離開小橋的睡房,替我把房門輕輕關好,
 
剩我一人獨對那Khloe留下來的木箱。